منتديات السلطنة الأدبية

بَعْضِ الْبَشَرْ لِي مِنْ حُضرْ
..............يِحْضرْ معاهْ كِلّ الضّجَرْ

أحْسِبْ حِسابِ لْمِلْتقاهْ
..............واحْكي معاهْ بالمُخْتَصَرْ

يِثْني على نِفْسَه وْبَهاهْ
...............وِيْقولَ انا وجْهِ القُمَرْ

أَمّا فُوادِهْ ما عِناهْ
................ما يِسْكِنِهْ غيرِ الْكَدَرْ

مِحْتالِ شيطانهْ دَهَاهْ
................ويزيدني غيظِ وْقَهَرْ

يِغتابِني لا ما كُفاهْ
...............يغتابِ غيري وْيفْتخرْ

كذّابِ هذا مِنتهاهْ
...............كمْ مرهْ مِ لْسانِهْ عِثرْ

ينْبيكِ بَخْبار(ن) معاهْ
................ما تِسْألهْ عنْها خبرْ

وِيْصيبِ سَهْمِهْ لي رُماهْ
............ما غَضّ عنْ نِعْمهْ بَصَرْ

وِيْنالِ منكْ مِبْتغاهْ
..................ما ينفُعُكْ مِنّهْ حَذَرْ

لوْ تُكْرمَه بْخيركْ نِساهْ
................جاحِدْ وُلا مَرّهْ شِكَرْ

وِيْمُرّ بِي صُبْحهْ وْمِساهْ
.............ما شفْتِ مِنّهْ غيرِ شَرْ

في ظاهرَهْ مَكْثرْ أَذاهْ
...............والْعالمَ اللهْ ما ضُمرْ

دربِ الندامةْ من مشاهْ
..............يلقاه محفوف بْخطرْ

أحْلفْ بِرَبّ (نْ) في سِماهْ
...........لوْ شفته يْضيقِ الصّدرْ

يا كافي تِكْفيني بِلاهْ
.............وْيغيبِ عَنْ عِيني دَهَرْ

أم عمر
13-2-2018م