|
الكلاب ...والغنم
الكلاب .. والغنم
لو كنت أنا ..فى نظر أخويا المفترى.. ونظر أخويا ال اندفن .. بين العفن.. تحت البيادة .. والسيادة .. والمحن... أبقى الخروف..!! فأخويا هذا ... يبقى ...أيه ...؟؟؟؟ ***** علشان جريئ.. وضميرى أقوى ألف مرة م السيوف معرفش حاجة إسمها.. إذلال وخوف... وعشان بأسمع صوت ضميرى بدون خنوع .. وعشان رسالتى .. للديابة.. وللكلاب.. مفيش رجوع.. وعشان ماشيلتش يوم سلاحى فى وش حد... وعشان سلاحى يادوب أيمانى.. وحق.... حقى ف الحياة.. فأكون خروف...؟؟ ***** وعشان طريقى فى الحياة... مرسومة جد.. فيقوم أخويا ال قتلنى ف عز ضعفى .. وبعد قتلى ... راح حرقنى بكا حقد.. فأخويا هذا ... يبقى أيه..؟؟؟ ..هيكون له قلب...؟؟ هو ال يعصى ربنا فى الحق يبقى ... الا .. كلب...؟؟ والفرق شاسع لو تقارن بين خاروف ,,, أو أى كلب... ***** الكلب لما يجوع بياكل لحم أخوه.. ويوطى راسه بذلته.. لو شبعوه أما الخروف.. لو جاع فعنده ... لقمته.. والدنيا هى جنته.. والكل يخدم فيه .. ويشكر .. نعمته.. والكلب مهما نضفوه.. يفضل نجس... أما الخروف.. نتمنى حتى ... فروته.. والكلب يحرس مال سياده ولما يغدر.....يفترس أما الخروف ...محروس وصاحبه .. يحرسه والكلب دايما بتلاقيه خلف القطيع... أما الخروف.. قدام وعارف .. سكته ***** والكلب أرخص ف التمن... أما الخروف.. غالى.. ويغلى بالزمن والكلب يخدم .. والخروف ...ليه الخدم ... والكلب لو حس بكرامته ف يوم فلازم .. يتعدم...!! أما الخروف..حريته... وكرامته ..فوق كل العمم.... و الكلب... معروف بالنجاسة فى أى دين ... وحرام يعيش فى أى بيت.. بين مسلمين.. وموحدين... حتى ولو طبعه.. الوفاء ف الجوع ما يفرق بين خيانة... وبين ولاء.. ***** لو معترض... فاسأل ... جميع الانبياء .. واسأل نبينا المصطفى ... أيه شغلته..؟؟ كانوا رعاه... يرعوا الغنم... الفرق واضح ... بين كلاب وما بين غنم... كل التناقض.. ف الصفات.. حتى الملامح .. والذمم عذراً أخينا المفتري... أصل إنت عندى .. كأى كلب يادوب .. .. بتحرس لى الغنم مخلوق وعايش وسطنا ... زى الصنم محسوبة وكمالة عدد... فأهنى نفسى باللقب .. وأحق منكم بالزعامة ...... عشان أنا ... وأنا الوحيد... إبن البلد... ***** جمال نصير.. نوفمبر 2014 |
ابن البلد الأصلي الله يكرمكم أخي جمال نصير
بارك الله أحرفكم "" |
جمال نصير
الشاعر المبدع الرراقي لك التحية والنقاء لا فظ فوك اخي الغالي |
اقتباس:
|
اقتباس:
|
اقتباس:
أ / جمال نصير حروفكم واضحة المعالم ،، تحكي إنتماء لفصيل ولاتعليق |
اقتباس:
|
للجمال عنوان في سمو ورعك المستنهض للهمم المداوي لكل أنواع النهم..
قصيدة تنزف شوقا لإنتشال حال الواقع المستثير للحرف .. بارك الله فيك اخي العزيز جمال نصير |
الشاعر جمال نصير ما أروع قلمك حينما يبدأ بعزف سمفونية السخرية من الفرعون وجنوده القواد باع أرضه ووطنه ودينه وعرضه وكرامته ونفسه وشرفه وتاريخه وآخرته أخي نحن من يصنع الفرعون للأسف الشديد بصمتنا وخنوعنا وقلة حيلتنا لا يفل الحديد الا الحديد |
اقتباس:
|
| الساعة الآن 11:28 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir