آآآسف ع القطاعه

واتمنى هالقصيدة اللي كتبتها ايّام عيدالاضحى
ان تشفع لي مع من كان ينتظر شي من جديدي

:: إحترااااق ::


جيت...بخّرت المكان بْخور بحضورك يليق
وانتي قبل بْخوري جيتي وْفي عيونك اشتياق

كنت أضنّه اشتيــاق يْلين حسيت بْحريق
لمّا قلتي : {هذا ميعاد اللقى لجل الفراق}..!!

عيد اضحى، وْكل يوم وْانتي ل حْزاني طريق.!
عيد.. /..أهدى هالمحاني../ بْعاد لا يمكن يطاق

بعدما كنتي تجيني بْورد يطفر بالرحيق؟!
جيتي هالمره فْ لسانك" بوح " يطفر بحترااق.!

يوم جبتيلي حضورك يهدي انفاسي شهيق!؟
ليه خليتي "غيابك" يعطي انفاسي اختنـــــاق.؟

إختنقت، وْطير قلبي في سما صدري عويق
من "لقى" اتلف جناحه وارغمه يصدح ../ معــــاق /..

رآآق هالقلب بْ غرامك ونْولد جنبه " شقيق ":
ورآق ..ضعفين.. الغراام اللي فهذا "القلب" راق

ما أخاف غياب وجهك خوفي لو باكر أفيق..
...فوق " أكتاف الأوادم " رااااايحٍ لآخر عناق..!!

صار يسبقني بعادك ..يامّ الاحساس الرقيق..
وآتذكر كيف كنّا نحضر اللقيا " ف سباق "

صرتي لي مثل "الفراق" اللي حجب مني ..الرفيق..
بعدما كنتي ..الرفيق.. اللي حجب هم " الفرااق "

إيه أدري /.. صارت اشعاري ../ لمن " مثلي " تليق
وآآنا ياما كنت " أكذب " قلبي ذاق وْصدري ضاق

بس قفّيتي..!! وعرفت بْصدق وش حال الغريق..؟!
وشفت لاوّل مره دْموعي من عيوني تساق..!!

/..إرحمي../ طيرٍ ع شباك اللقى يحويه ضيق
"مل ينطر" صوت كان لْ مسمعه حلو المذاق!

في {{ سماواتي }} ركزتك عرش شبّهته "العريق"
وما بإيدي..!! طاح عرشك من {{ سماواتي الطباق }}

عنّت /..إيدي../ مْن الكتابه وانتي/..إيدك../ماتطيق..
..ترسل حروفٍ تواسي "صدْر" بالأوجاع ضاق!

قلتي : "باكر" ملتقانا وْجيت من شوقي طليق
ارقب غياب الظلام وْيوم شفت "الصبح" فاق..

..جيت عاني بالبخور اللي تمنى .. بك .. يليق
وانتي ما قصّرتي جيتي وْشافت عيوني اشتياق

جيت مفعم بال(.........) لكن..! طاف وجداني حريق
لمّا قلتي : {هذا ميعاد اللقى لجل " الفراق "..!!}


:: منذر الفطيسي ::

جميل يا منذر
حروف توهجت بالجمال رغم ما توشحت به من حزن
كلماتك شفافة بمعانيها
تذوب في أحاسيسنا فنشعر بكل حرف كتبته

جيت...بخّرت المكان بْخور بحضورك يليق
وانتي قبل بْخوري جيتي وْفي عيونك اشتياق

مفتاح الدخول الى القصيدة رائع جدا صورة شعرية في قمة الجمال احسنت
يوم جبتيلي حضورك يهدي انفاسي شهيق!؟
ليه خليتي "غيابك" يعطي انفاسي اختنـــــاق.؟

دوام الحال من المحال فللقدر كلمة لا ترحم قلوب العاشقين
صار يسبقني بعادك ..يامّ الاحساس الرقيق..
وآتذكر كيف كنّا نحضر اللقيا " ف سباق
صورة شعرية ابدعت في الربط بين الماضي والحاضر المؤلم

متالق دائمااً

مملكة

المشاركة الأصلية كتبت بواسطة سيف الرواحي (المشاركة 72041) صح لسانك يا منذر إطلاله جميله على هذا الصباح الرائع فقط لقلبك الطيب: أحس بخلل الوزن في الشطر الثاني هنا: بعدما كنتي تجيني بْورد يطفر بالرحيق؟! جيتي هالمره فْ لسانك" بوح " يطفر بحترااق.! لك الود الجميل

المشاركة الأصلية كتبت بواسطة مملكة الاحزان (المشاركة 72044) جميل يا منذر حروف توهجت بالجمال رغم ما توشحت به من حزن كلماتك شفافة بمعانيها تذوب في أحاسيسنا فنشعر بكل حرف كتبته جيت...بخّرت المكان بْخور بحضورك يليق وانتي قبل بْخوري جيتي وْفي عيونك اشتياق مفتاح الدخول الى القصيدة رائع جدا صورة شعرية في قمة الجمال احسنت يوم جبتيلي حضورك يهدي انفاسي شهيق!؟ ليه خليتي "غيابك" يعطي انفاسي اختنـــــاق.؟ دوام الحال من المحال فللقدر كلمة لا ترحم قلوب العاشقين صار يسبقني بعادك ..يامّ الاحساس الرقيق.. وآتذكر كيف كنّا نحضر اللقيا " ف سباق صورة شعرية ابدعت في الربط بين الماضي والحاضر المؤلم متالق دائمااً مملكة

المشاركة الأصلية كتبت بواسطة صالح الحاتمي (المشاركة 72052) منذر الفطيسي لأول مره اقرأ لهذا الاسم ولكن وبكل أمانه...مفاجأه جداااا رائعه قصيده عانقت الجمال يا منذرر وتوشحت بحزن جميل راق لي هذا النزف........شكرا لك على حضورك فقط ايها الجميل: حاول ان تراعي اختيار العنوان لانه الطريق المؤدي الى القصيده