|
مشتاقلك...
مشتاقلك... أشتاقلك.. واحظن ظلوعي والبرِد غلـّف حشاي الشوق يرجف في يديني والمطر عيّى يخفْ كانت هنا الدنيا ظلام و بالمطر ذابت سماي والخوف.. كان بداخلي طفل(ن) مبلّل يرتجف حاولت أمشي بسّ مدري ليه خانتني خطاي لا ما قدرت اليا أمرّك عن مكانك أنعطف مدري رغُم وخزة طعونك وين ماخذني وفاي الحزن ينزف من حشاي وبان بخطاي النزف حاولت اعاند خطوتي بس دوم يجرحني شكاي يبغي يشوفك واكسره واغضّ عن شوفه طرَف دايم أكابر لهفتي و اخفي معاناتي وشقاي عايش على خبز الصبر والشوق فيني معتكف قررت أصبر مثل ما انتي عايشة الدنيا بلاي لي ذاب صبري وما بقى بالبرد شي به ألتحف كنت اعتقد لا من رحلتي يمسح الذكرى بكاي واليوم جيت بكبريائي لك بضعفي أعترف بالفعل جيت و أمنياتي جات ملهوفة معاي عطشان وعيوني تبي من شوف زولك ترتشف نفس المكان اللي زرعتينه أمانيك ومناي جيته وكلما جيت.. أذرف من دمع عيني ذرِف واقف أناظر وانطرك والخوف يتكسّر رجاي أتخيّلك والوقت يخنقني وياكلها الكتف أبكي على ذكرى اللقا ما عاد يذكرها سواي حتى المكان اللي جمعنا عافها لا من ضعف كم كان يخفي في ترابه لهفة لقاك ولقاي لي طالت ايّام انتظاره والصبر كاسه نشف يعني العمر دونك تشابهبه صباحي مع مساي وتشابهت كل الفصول الــ بردها يعصف عصف سكّنتك بكرّاس قلبي يوم غبتي عن مراي معذور لامنّه ذكر طاريك كل ما بك نزف هذا أنا مثل الكفن ميّت و يحظنّي شتاي عايش وحيد و داخلي مليون عاشق معتكف من بعْد هجرك ما لقيت الاّ الصمت يسمع شكاي كنت احظنه لامن بردت و ثمْ يدفّيني عطف محزون ما شفتك و اشوفه قرّب بعيني مداي خايف بَعَد مثواي يرميك الزمان و يختلف خايف تناديني بعَد موتي تبي حظني و دفاي و يردّلك صوتك حزين(ن) لك خبر موتي يزفْ جيتك و شوفك يا الحبيبة لهفتي و شوقي و مناي و الظّاهر انّي ما بشوفك بعدما صبري نحف يعني أبرحل غصب عنّي و ادفن الذكرى وراي بسّ اعذريني ما أبي أكذب و اقول الدمع جفْ مكسور كيف انّك نسيتي الملح والعشرة و عطاي و شلون قلبك طاوعك تتجاهلي صوتي الــ نشف يصرخ بإسمك والأمل في رجعتك فرحي و دواي لكن تركتيني و جرحي ينزف قبالك نزف كنت اعتقد.. الدمّ عمره ما يصير بيوم ماي واليوم.. خايف عيني لا تعلى الحواجب لو ترفْ واليوم.. خايف عيني لا تعلى الحواجب لو ترفْ |
ينده بإسمك والأمل في رجعتك فرحي و دواي
لكن تركتيني و جرحي ينزف قبالك نزف كنت اعتقد.. الدمّ عمره ما يصير بيوم ماي واليوم.. خايف عيني لا تعلى هدبها لو ترفْ أبراهيم بني عرابه... شاعر مختلف .. قصيده زاخره بالصور الشعريه المبتكره قافيه جميييييييييله حاولت أمشي بسّ مدري ليه خانتني خطاي لا ما قدرت اليا أمرّك عن مكانك أنعطف الله عليك .... مبدع عتابي عليك؟؟ وينك عن المنتدى أفتقدناك لنا فتره ماسمعنا من أبداعاتك ولا شفنا رأيك وردودك على قصدئد الشعراء... تذكر رأيك مهم شكرا لتواجدك في منتداك خليك قريب أحترامي صديقي |
أخي العزيز إبراهيم بني عرابة السلام عليكم ورحمة الله وبركاته صح السانك ولاهان منطوقك حقاً أن للروعة أناس لا تحيد عنهم... كلمات تناغمت وتمازجت لتكون من أروع ماقراة اليوم هنا بارك الرحمن يومك وأسعدك مدى الدهر أحترامي وتقديري لشخصك الكريم |
إبراهيم ..
... صح الله لسانك ........... على هـ كذا هطووول نص عانق الجمال .......... برقي آسلوب صاحبه .. دُمْتَ بألق .. |
صح لسانك استاذي الغالي كلام جميل جدا ما قصرت تقبل مروري |
إبراهيم بني عرابة أحد المفاجأت التي تثلج الصدر شعرا وعندما يكون الضوء أخضر ليس لي سوى الإنطلاق بلا توقف في هذا النص الشعري الذي يحمل الأشياء الجميلة.. صح لسانك مدد |
ابيات جميلة اخوي وإلى الأمام دائما ان شاء الله
تقبل مروري |
محزون ما شفتك و اشوفه قرّب بعيني مداي
خايف بَعَد مثواي يرميك الزمان و يختلف ــــــــــــــــــــــــــــــــــــــــــــــــــــــــــــــــــــــــــ جيتك و شوفك يا الحبيبة لهفتي و شوقي و مناي و الظّاهر انّي ما بشوفك بعدما صبري نحف ـــــــــــــــــــــــــــــــــــــــــــــــــــــــــــــــــــــــــ ابراهيم بني عرابة هكذا قصيده كيف بأمكاني وصفها ؟ ما اقول غير انك ( شاااااااااعر ) لك كل الود والاحترام استاذي العزيز |
ابراهيم ،،
أشتاقلك.. واحظن ظلوعي والبرِد غلـّف حشاي الشوق يرجف في يديني والمطر عيّى يخفْ كانت هنا الدنيا ظلام و بالمطر ذابت سماي والخوف.. كان بداخلي طفل(ن) مبلّل يرتجف حاولت أمشي بسّ مدري ليه خانتني خطاي لا ما قدرت اليا أمرّك عن مكانك أنعطف مطلع جميل ولا يلغي جمال ابيات القصيده صور شعريه بكثافه ،، تكرر البرد / الدموع / المطر نص بان في ملامحه الحزن ،، يعطيك العافيه ابراهيم ولك الود |
جميل يا ابراهيم
صح الله لسانك وعلا شانك.. نص به من الصور الكثير .. حزين وقاسي .. قصيده ارتبطت فيها الأفكار و الوحده الموضوعيه... ذكرت البرد في مواقع عديده ،،وهنا الشتاء صار لك ملجأ هذا أنا مثل الكفن ميّت و يحظنّي شتاي عايش وحيد و داخلي مليون عاشق معتكف من بعْد هجرك ما لقيت الاّ الصمت يسمع شكاي كنت احظنه لامن بردت و ثمْ يدفّيني عطف رائع عزيزي دمـــت بود |
| الساعة الآن 03:12 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir