|
رَجْل بْدوي للمهزاع إهداء للريسي
في أمسية صحار قبل عدة أيام بعض الحبايب الحاضرين الأمسية طلبوا
قصايد معينة ولبينا لهم الدعوات لكن لما انتهت الأمسية عاتبني الحبيب والعزيز جدا سالم الريسي وقال لي بونهيّان فوق الخمس مرّات أصرخ عليك نبا قصيدة العيون الحمر وأنت ما لبيت طلبي فأقسمت له أني ما سمعته وإلا كان أحب ما عندي تلبية طلبه غالي والطلب رخيص وهذه القصيده إهداء لك وقصتها قبل 13 سنة تقريبا كنت في مكتبي ومعاي الشاعر المعروف هاشل الكعبي والحكم الدولي الرائع الكابتن سلطان المزاحمي وأثناء ذلك جاتني مكالمة وعلى إثرها استأذنت منهم دقايق كان الإتصال من شخصية من دول مجلس التعاون قدمت للبريمي وطلبت لقائي ولم أكن أعرف عنها أي شي سوى الإعجاب بشعري واسلوبي حيث أن بدالة الهواتف عندما كنت أسال عن الرقم يقال لي محجوب وسرّي حسب طلب العميل ومانقدر نخبرك أي معلومة وكان من قبل جمعتنا عدة اتصالات المهم يومها كنت ماخذ سيارة أخوي سيف بن حمد بن علي المهزاع النعيمي لأن سيّارتي سبحان الله جيت أشغلها وقالت مب حولك اليوم روح تصرّف فأخذت سيارة أخوي وكانت مكسيما موديل نفس العام.. لما وصلت عند الشخصية ودار الحديث بينا كان من ضمن الأطروحات ( شوف المهزاع أنا ودي أقدم لك هدية طباعة ديوانك ... وبعدين هالسيارة ماتليق لك باجر بتكون الإستيشن اليديده عند بابك ) فكانت القصيدة رجلِ بْدوي !! ؟ قالتْ طُلُبْ حاجاتكِ مْوفّره وَعْد بسْ خلّ رايك تَبْع شوري هواه قلتَ اهْوَنِ السمّ اشْربَه يْقطّع الكبد ولا كون أبد خاتم بإِصْبَعْ فتاه يا بنت مقدر خَلْف أَمشي و من جد مَامْشيت خَلْف إِلاَّ بْجنازة وفاه !!! ويابنتَ ابَدْ مَاوْقِفْت واللَّهْ ورا حد مَحْدٍ أبد إلاّ الْإمامِ بْصلاه !!! يا بنتَ انا رَجْلٍ مِنُ امَّةْ محمّد جيتِ بْولادهْ منزليّهْ ضحاه رَجْلِ بْدوي وْ غايةْ مناي آسِتَشْهد فقيييير وَارْفضْ لِصْدقه والزكاه !!! نعم كثيرَ ايّام مِنْ عُمْرِيَ ارْقد عَ لَحْمِ بطنُّي وْ رابطنَّه بْحصاه لكنَّه عادِي انْ جانِي ضيفٍ بلا وَعْد أقْطَعْ لَه من جسمي ذبيحة عشاه !!! عليَّهِ امْخلَّفْ إلى جيت بَوْقِدْ أضربْ حصاتينٍ وَ وَلّدْ دفاه وانتي تحت دفوةْ لحافين في البرد أما أنا ثوبي لحافي تراه تِشدِّنِي الْأمطار والتلَّ الَابْعد وظلِّ اشْجَرَهْ في سيح بارد هواه وان جا عَلَى يْديني تِرابٍ ..تأكّد ما قلت أُفّ اخّيه وِشْ هالحياه بي خَمْس وَسْماتٍ تحت شَعْرِي الَاجْعد وِرْصاصةٍ من بندقيّةْ هواه الكذب خيبهْ توجَعُ وْ لكِنَ اشْهد أكبر فضيحه عندنا قولَةَ آه !!! أمَّا انْتي إِنْ جَتْكِ عْصٌبَه مْعالِيَ اليد جاك الطبيبِ بْحبِّتَهْ مع دواه والآ أنَا اتْعلَّقْ عَلَى الْباب واشد هذا دوايُ وْهاذَا جدّي دواه !!! توقِظْكِ شمس القايلَه مْورِّمَه الخد وانا أوعّي الشَّمْس .. إِبْهَا العصاه !!! لي رَكْعتينٍ بآخر الليل الَاسْود واقوم قَبْلَ الْفَجْرِ يَذّن نداه والله جمالك ياخذ العقل وِيْشد لكنّي مَامْشي درب أَجهل مداه اللِّ ايْتنازل مرَّه وَحْدَهْ مؤكّد يغدِي التنازل شيِّ عادي معاه حمود المهزاع |
الله الله
يا جمال الشعر ويا اعذبه " يكفي اني قرأت كبرياء شاعر " راقتني هذه القصيده |
تِشدِّنِي الْأمطار والتلَّ الَابْعد وظلِّ اشْجَرَهْ في سيح بارد هواه وان جا عَلَى يْديني تِرابٍ ..تأكّد ما قلت أُفّ اخّيه وِشْ هالحياه هذي صفه من حياة البدو.. الجميله العفويه ...... التي تفوح منها أصالة الماضي والحاضر ... لك الله ياابونهيان أنت كبير بهذه الأخلاق رسمت أحلى صوره باإسلوبك المعهود بتواضع وروح الدعابه شكرا لك من القلب أيها البدوي الطاهر .. وشكراً لإثراء المنتدى بهذه القصائد الجميله .. |
الشاعر القدير / حمود المهزاع أنت لاتجيد العزف على وتر الذائقة فحسب بل يمتد معك الجمال إلى أفق أسمى لافض فوك أيها الشاعر الرائع عزفت فأجدت فأطربت دعني فقط أقول : الشعر بألف خير طالما أن هناك شعراء بحجمك... حقا شاعريتك ساحرة آسرة وحضورك طاغي نصوصك تفتح فيها أبواباً على تفاصيل وحالات، تتعامل معها بشكل مغاير في الطرح والأسلوب عذرا لم أشأ الإسهاب وإلا لدي الكثير لأقوله علما بأني على يقين بأنك في غنى عن شهادتي إلا أنك تستحق أكثر من إطراء لكونك لاتشبه في طرحك إلاّك طبت ألقا |
قصيده جميله وعذبه
ينساب منها عبق الاصاله وشي من خفة الدم والفكر الجميل اسلوب راقي يا استاذي تستحق اكثر من هذا ولكن السموحه التعبير يخونني كل التحايا الطيبه لك |
السلام عليكم ورحمة الله وبركاته المهزاع .. لا قول بعد هذا النص .. والنعم بالبدو وبالحضر بعد .. مو كلنا أهل عمان الغالية .. الله يعزك أخوي .. |
اللِّ ايْتنازل مرَّه وَحْدَهْ مؤكّد
يغدِي التنازل شيِّ عادي معاه صح لسانك بو نهيان...لا هنت وليس بالغريب على سموك هذا الشموخ والتعالي عن كل ذميمة طاب بك الشعر الشاعر القدير حمود المهزاع |
يا بنت مقدر خَلْف أَمشي و من جد
مَامْشيت خَلْف إِلاَّ بْجنازة وفاه !!! ويابنتَ ابَدْ مَاوْقِفْت واللَّهْ ورا حد مَحْدٍ أبد إلاّ الْإمامِ بْصلاه !!! صح لسانك المهزاع ما قصرت |
سأعود هنا
القصيدة راقت لي.. فحتما لابد لي من عودة.. حتى أقرائها بهدوء.. شكرا شا عرنا العزيز حمود المهزاع النعيمي.. و ربي يوفقك... |
اقتباس:
تسلم يا شاعرنا..حمود المهزاع.. ابيات رائعة... واشهد بأنك نشمي... تسلم مرة ثانية.. |
| الساعة الآن 08:36 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir