|
محاورة رزحه بين الشاعرين موسى الرحبي وسالم بن شنون الراشدي
اسعد الله اوقاتكم بكل خير اليكم هذه المحاوره الجميله في فن الرزحه بين الشاعرين القديرين موسى الرحبي وسالم بن شنون الراشدي قال موسى الرحبي ابدي باسمه خالقي اله الكون *********** يللي منزّل طه وآيات النّحل اول سلامي حالك يا سالم شنون ********* وتالي على ربوعك والاهل قال سالم شنون سميت به منزل هتّان المزون **** وتباشرت ارض الله من عقب المحل سلامك واصل وانته وشحالك تكون *** وتحيتي عليكم من شيبه وطفل قال موسى الرحبي توّه تفرّح خاطري وزاح الحزون ****** ساعة لفاني نظم خطّك والمثل اشهد شهاده موزن هالمثل موزون *** نظمن وصلني من كهينين العقل قال سالم شنون لازم علينا بنصوغ المثل بالهون ******** عن ينقدوا علينا عيصان النطل وساعة فضى مكتوبك خاطري ممنون ** صوغ المصفّى غيّب عن قلبي الوجل قال موسى الرحبي غني ي مهوي واقلب لي عدة لحون ***** ويا المطربيّه دنّوا الكاسر والطبل عبر الاذاعه نبغى هالمثل معلون ************ لكن حسافه هالمنفذ عنا انقفل قال سالم شنون غنّى المهوي ويا ما قلّب م الفنون ******** والمطربيّه طابوا في وقت الحفل لا تاسف ي صاحب بعده التيلفون ******** فالبيت حصري ولا ايتعايا فالنقل قال موسى الرحبي بخلف مثالي وافهموا ي الفاهمون ************ بسال معلم وانا تلميذن سأل في وصف حيا مع ميت صبح مدفون ***** عطني جوابك صاحبي بغيت الحل قال سالم شنون بجاوب السائل وكذا قضاة الحصون ******** السّر جوابك يا صحيبي محتمل وماشي فهامه عدنا كنتوا تسمحون ******** البطْ يستوي وكذا نوبه البصل قال موسى الرحبي بازيدكم معلومه يو هالدارسون ********** اعْنيت لك يا صاحب صالح العمل وانته فهيم وكاهنن متعلمون *********** وكيه سمعتك مشهوره بين الدول قال سالم شنون خذها وكيده يا شيخ القضاه العارفون ********* يحتمل مثالك اكبر من فصل الخالق وجد مثالن كانوا يهتدون ******* حال الخلايق عبره وبصيص وامل قال موسى الرحبي ما سمعت به عزير في ماضي السّنون ******* ربّه اماته امية عامن بالكمل وتالي حيا وقال اله حدّ العيون ************ انظر الى حمارك بالرّوح اكتمل قال سالم شنون وسمعت به موسى والملك فرعون ****** يوم ساقله الهي معجزات ولا احتفل لي ما يحكّم عقله وتحكمه الظنون ********* لا على فوايد يبقى ويغيب الامل قال موسى الرحبي جمع السّحر خروا خضوع وساجدون *** وفرعون في البحر صبح جثّه ورحل نختم مثلنا يا ربوع الحاضرون *********** وبنتواصل لين راد المولى وجعل قال سالم شنون الخالق خلق جنّاته حال المومنون ******* والعاصي في نيرانن سعيره تشتعل وبقسم وداعي لاهل العزّه والقرون ******** دمتوا ي اصحاب البنادق والنّصل وتقبلوا تحياتي |
محاورة جميلة
وشكرا أخي عبدالله على النقل دمت بخير |
أخي العزيز عبدالله الراسبي السلام عليكم ورحمة الله وبركاته نقل رائع لمحاوره رائعه نشكر الشاعرين المتألقين والشكر موصول لك أخي عبدالله دمت على خير |
اقتباس:
الصلتي اشكرك على هذا المرور العذب ومرور حروفك من هنا هي الاجمل والاروع تقبل تحياتي |
اخي العزيز سالم الوشاحي تشكر على هذا المرور العذب الذي يسعدني كثيرا ومرور حروفك من هنا هي الاجمل دائما تقبل تحياتي |
جميل جدا ما قصرت اخي عبداللة تشكر على النقل تقبل مروري |
اقتباس:
|
تشكر عبدالله على النقل وشعراء مبدعين تحياتي لهم
|
اخي العزيز ابو ميحد تسلم على مرورك العذب والجميل تقبل تحياتي |
| الساعة الآن 02:29 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir