تمـت حوامـي
 

دار الزمــن واتغـيـر الحـال
واشـوف هذا الوقت تاليـه

ياليــت ذاك الوقـت لا زال
باقــي علـــى ميـرا اهاليــه

تمـت حوامــي عنهم تسال
وينـه ونيــس الــدار ياهيـه

سافـر وحلــت عقـبه احوال
وتْلاشـت علومـــه وطاريــه

تبكي الحزن من ضيقة البال
تمســح مدامعـهـا وتنعيـــه

من دار سلمـى شـــد برحـال
ولاذ بجــوار الـــرب باريـــه

عسـاه فالفــردوس وينــال
من سلسبيـلٍ عـذب يرويـه

والقـى الصبـر ما عنّه امحال
بصـبــر وبتســـلى بطاريـــه

م انساه لو مهمــا الزمن طال
ياليـــن أتـوســـد حـواليـــه

عــزي لـحالٍ صابـــه انكـال
يشكـي ولا مـن هو يواسيه

دار الزمـن واتغيـــر الحــال
واشـوف هـذا الوقـت تاليـه

خلفان عبداللـه الوشاحي

صح لسانك ولاهنت الشاعر

خلفان الوشاحي

حضورك دائما راقي

وحروف عذبة سلاستها

تحية وتقدير