قولتوا أيه...؟؟؟
 

قولتوا ايه؟
بعد ما شفتوا بعنيكم
حالنا أصبح شكله ايه.....
لسه فاكرين ان انتو ف حضن دوله..؟؟
لسه بتحافظ عليكم..!!
بتراعيكم..!!
دولة صاحية تنام بتحلم..
بس بيكم ...
دولة بس بتبنى ليكم..!!
لسه حاسين أى حاجة؟؟
إنتو عارفين أنتو ا يه..
وللا عايشيين حتى ليه؟؟
*****
لسه فاكرين ان انتو كأى شعب..؟؟
شعب واعى ...
شعب عارف ايه حقوقه..
ايه مصيره ..
شعب يبنى لانه عارف ...
مصر ليها الف حق ..
والحقوق دى ليها رب...
وللا عايشيين وسط غابة...
كل حاجة فيها .. نصب....!!!
*****
لسه حاسين ان ليكم آدمية..؟
ان ليكم حق تحيوا فى مصر عيشة ...إنسانية..!!
لسه حاسين ان مصر - بجد - دولة .. إسلامية..؟
والحياة ف بلادنا صالحة .. ربانية...
والكرامة فوق رؤسنا..!
والطهارة .. بين نفوسنا..!
والعدالة فاردة ريشها .. فوق رؤوسنا..!!
إن فيكوا أى حاجة ... أخلاقية..؟؟

*****
لسه حاسين بالرجولة.. بعد ما اتحبس البنات؟؟
فيه عدالة .. بعد ما الشامخ بتاعنا ...
قلبه مات..؟؟
لسه حاسين فيه نظام ... بعد ما اتهان الكرام
واتخطف شعب بتاريخه .. م اللئام
لسه حاسين ان انتو فيكو قلب
والامان مالى حياتكوا..
مش ضلالة .. وللا رعب..؟؟
لسه حد ومش مصدق..
ان يومه وبكرة جايله... كله غٌلب..


*****
فى النهاية ... عندى احساس انى بكتب بس ... وهم
انى بحفر وسط جرح ...كله دم
إنى بصرخ وسط عالم قلبه مات
وسط عالم .. من سكات..
وسط وهم واسمه .. شعب
شعب ناقصه بس .........


*****
جمال نصير فى 29/11/2013