|
هيبة الحجّاج
طابت أوقاتكم بالحب والروعه والشعر...........بعد الغياب و قبل الغياب....قصيدة سأضعها قبل ان اغيب لفترة طويلة بسبب العمل... ينام الفكر عن شعره وفجأه من غرامك هاج غرامً ثوّر أشجاني وجيتك بالشعر أطريه هلا بالنظرة الي حاصرت قلبي بطول سياج هلا بك يا*أمل* لك خافقي عيشي وتربّي فيه هلا بك كثر ما كبّر على الكعبة كسير وحاج وكثر ناسً مثل حالي تناجي ربّها تدعيه دعيته يحفظك دائم على روس الغواني تاج ودعيته أظفر بوصلك ولا غير الوصل أرجيه ترى فيروس حبك من غلاتك في حشايه فاج ومناعة جسمي تلاشت وعوقي ما قدرت أبريه وعليك القلب يشهق شهقة الي في وسط أمواج يشوف الموت بعيونه ولا يلقى أحد ينجيه وعذابي في غيابك مثل ما شخصً بنى ابراج دفع عمره ثمن...فجأه تهدّم كلّ ما يبنيه!! تعالي يالي وصالك أشوفه للخفوق علاج كفاية هالحشا من يوم غبتي والحزن يكويه تعاف العين شوف الغير دامك للعيون سراج وربي من عرفتك والبصر عن شوفهن معميه عطاك الله حسن نادر يسبب للنساء إزعاج وكم بنتً تحاول تشبهك لكن بلا تشبيه وجودك بينهن هيبه تشابه هيبة الحجاج قهرهن حسنك الفاتن وخلقن لازمه تنزيه جمالك يبهج الناظر ووجهك بالحلا وهاج وجفنك ناعسً متعب ثقيلً والسهر مشقيه وشفايف لونها يذهل مثل حمر العنب لاماج وشرات الجرح لامنه نزف كثر الدماء تكسيه وخشمً مرتفع عزه وخدن ملمسه ديباج ونحرً من شعاعه لو تحط فيه الذهب يخفيه وخصرً ناحلن يحكي لهالعالم شقى المحتاج وصدرً مثلما"كف الرجل زود القهر يطويه وصايف ودي أحسبها ولكن خايف الإحراج ولا كل الكلام الي أودّه قادرن أحكيه سجين الشعر في فكري ولايحلم أبد بإفراج مدامك ملهمة شعري لعينك هالشعر بحييه |
هلا بشاعر المعنى
راقي وربي بلا تكلف وسلس نص جميل كم انت رائع ياخي شعر راقي ذهب اخافه يزيدني احراج .........ولكن بكتفي بصمتي لعلي بالنظر اوفيه |
الله الله الله اخي العزيز راشد المشرفي ابيات جميله جدا ورائعه وفي غاية الجمال والابداع تسلم على هذه القصيده الطيبه تقبل تحياتي اخي العزيز |
أخي الغالي راشد يزعجنا غيابك ونتمنى أن لا يطول ، وستبقى في القلب .. لن تغيب .. نص جميل بأمانة ، وهذا البيت استوقفني قليلا سنبحث عما به من جماليات وموسيقى!!! وعذابي في غيابك مثل شخصً بنى ابراج دفع عمره ثمن...فجأه تهدّم كلّ ما يبنيه!! لا حرمنا هذا الألق قافية في قمة الجمال ، وعزف منفرد على وتر الإبداع ننتظرك فلا تطل الغياب أخي راشد ، فأنت ركن معنـــا |
أخي العزيز راشد المشرفي السلام عليكم ورحمة الله وبركاته صح السانك ولاهان منطوقك أبيات جميله ومشاعر دافئه لقد تم تعديل البيت... وعذابي في غيابك مثل شخصً بنى ابراج دفع عمره ثمن...فجأه تهدّم كلّ ما يبنيه!! بعد الأتصال بالشاعر أفاد بإنه غلطة مطبيعه وعليه تم التعديل إلى وضع ما قبل شخصً هكذ....... وعذابي في غيابك مثل ما شخصً بنى ابراج دفع عمره ثمن...فجأه تهدّم كلّ ما يبنيه!! شكراً لكم أساتذتي الأعزاء |
عليك القلب يشهق شهقة اللي في وسط امواج
يشوف الموت بعيونه لا يلقى أحد ينجيه .. ونحن من ينجينا اذا غرقنا في عذوبة كلماتك وجمال شعرك أخي المشرفي .. لا تغيب ف غيابك مثل غياب المطر عن الاراضي العجاف دمت بود.. |
اقتباس:
هلا بالبيرق ...............مروووووووووووووووووووووورك الاروع عزيزي.... واشكرك ع الاطراء والشهادة..........دمت بالود ... |
اقتباس:
هلا فيك أخوي الراسبي...............مرورك يضيف للجمال جمالاً كالعادة................الف شكر لقلبك الصااااااااااااااافي........دمت بالمحبة والإخاء.. |
اقتباس:
هلا بأخوي خليل............. وانا كذلك سأكوون بشوق لكم دائماً..... مرورك تشريف للنص....... أما بالنسبة للبيت نعم فيه جمال وفيه خطاء مطبعي كذلك.........وقد اشار اليه الاستاذ ابو سامي.. ألف شكر على هكذا مرور أخي الغالي.......ولك الود من صافي القلب,,, |
اقتباس:
|
| الساعة الآن 01:47 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir