![]() |
عمان امي وابي
مساكم الله بالخير
بعد بالله سميت وكربت بمحزمي حزام يارب ارزقني الطيب ووردني على بيره وعسى ماني ب لافاسق ولاحاسد ولا نمام وعسى ست البنات بالف صحه وبميت خيره لها عندي حشيمه فوق قسمه من غلا وهيام ولو ماسلمت قلبي من البعد ومخاسيره وانا اللي والضحى قايم وفلذات الكبود حيام وردت من الجزيل وسقت من اكرم مغاتيره وعلى وضح النقى لجل العزيز وعزت الارحام عسفت المهره الدهمى وكلي عز ن وغيره لجل عين الوطن ماهو لجل عين المهى لا قام يسلهم في وساع ن تحكي الليل ومشاويره هبوب ن تطوي البيدا وانا من فوقها هزام وداري من غلاها تفوح وسط القلب نوويره اردد ياوطن وجهك يسر يوم الوجيه جهام.. عظيم المجد لك يسبق من اللهفه خطى عيره هنا بين الضلوع ارتح وانا ابنك وازهل الايام فداك امي وابي.. ياامي وابي انت بحذافيره لك عيال ن اذا حمي الوطيس وجرد الصمصام تراجف منها عظام الزمان بشره وخيره تربينا على الطيب وعسفنا كل ذات لجام وضربنا بكل ذو حد وحفضنا الجار والجيره تعلمنا على يديك السمو والصبر والاقدام واذا عسعس وطال الليل فجينا دياجيره علينا ياسلام الله وستره عام يعقب عام وعلى منهو دخل فينا امان الله وتيسيره دهاة ن كانها بضرب القنا او ضربت الاقلام صلات الله على الهادي محمد طيب السيره يقدينا على العليا وراس النايفه قدام سعيدي ن عسى الله يرده معافى على الديره |
اقدر اقول انك وفيت وكفيت وماعليك زود خوي شما
ابداع بحس نبض لا نستطيع العيش دونه كلماتك جمالها يتربع في قلوبنا. حرف حرف .... احساسك بوطن غالي حرك مشاعر الشوق فئنا لبن سعيد .... وش قلت يا خوي خليل وارردها ...... داك امي وابي.. ياامي وابي انت بحذافيره لك عيال ن اذا حمي الوطيس وجرد الصمصام تراجف منها عظام الزمان بشره وخيره تربينا على الطيب وعسفنا كل ذات لجام وعسفنا بكل ذو حد وحفضنا الجار والجيره ان اشهد انه ماعليكم زود وقدها لا حما الوطيس باقات ورد لابدعاك تقبل مروري |
نص بوحك يا جميل نص شاامخ وكيف لا يكون كذلك وهو في الوطن الغالي
ودي |
الشاعر خليل المعمري صح لسانك قصيده جزله في حب الوطن لا يكتبها الا شاعرا جزل مثلك تقبل مروري |
الأخ الكريم خليل المعمري
الغالي القريب جدا ً إلى القلب أتمنى لك التوفيق دائما ً الوطن كبير في قلوب الأوفياء أمثالك شكرا ً لهذا الانعكاس الرائع حب نقي ماشاء الله للشعّر : الواو في بداية الأبيات تثقل أحيانا ً(بعض الأبيات) العجز في البيت الأخير أحس به ربكة دام عزفك شكرا ً تقديري |
الشاعر خليل كلمات جميلة نظمتها بحروفك للوطن الغالي دمت متألق نتمنى لك التوفيق |
تراجف منها عظام الزمان بشره وخيره
تربينا على الطيب وعسفنا كل ذات لجام وعسفنا بكل ذو حد وحفضنا الجار والجيره وتعلمنا على يديك السمو والصبر والاقدام واذا عسعس وطال الليل فجينا دياجيره ياسلام ياسلام صح لسانك وعلا شانك قصيده وجزله تقديري لسمو حرفك |
اقتباس:
عسى الله يسلمج يااخت وهج تشرفت بوجودج هنا اسلمي |
اقتباس:
احترامي |
اقتباس:
صح بدنك وماعليك زود اسلم ياخوي |
الساعة الآن 02:19 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir