الامس قالوا واصل السلطــانــي
قال شحاري: قم يا حمد سير وتوكل عـــــانـي هات الخبر من ديرة الالمــــانــي الامس قالوا واصل السلطــانــي عمت نواحيها سرور اعلومـــــه عمت ودارت في البلد خروفــــه والناس تجهش بالفرح من شوفه دمعن تزغرف والعيون اتشوفه وامست شوارعنا فرح مزحومه امست من الفرحه عمان امليحه كم شهر كانت بالسرور اشحيحه باتت تكابر للحـــــــزن واتزيحه الله رحيم ودارنا مرحـــــومــــه الله رحيم ودارنــــــا محروســه اشفى و عافى للــــزمن قابوسه راعي اليدين الطيبه الملموسـه معلــــونه المده ولا مكتومــــه معلـــــــونه المده بلا كتمانــــي ادعيت له بالصحه والعمرانــي وايطول عمره سيد الازمانـــي تمت وقيفان الشعر مختومـــه رد بو ميحـــــــد: حيا براعــــي المنشده حيا بــــه الشــــوق فيه وباينه في ايهـابـه سيـــدي رجع سالم وربه جـابه خذها تفضل جبت لك معلومـه خذها وقابوس العرب تبكي له دمع الفرح سوت غدير امسيله بالعافيه صبح وعصر ندعي له سوت شغل ما قصرت هالشومه سوت شغل وامن الفرح بكونــي واتزغرفت فيها دموع اعيونـــي ساعه هبوط الطائر الميمونــــي حسيت نفسي بالبكاء ملزومــــه حسيت به واجب وطن نادانــي لجله نثرت الدمع كالغدرانــــي الثاقب الفكر الرحيم البانــــــي بالحب انشا دولتن منظومــــــه بالحب اسس في النفوس امحبـه سيد وطنــــــــــا نعشقه وانحبه ننشي حصون القافيه من سبـــه تمــــــت نهديها لسيد قومـــــــه |
صحت الألسن جميل بوحكَ فيض التحايا وكل التقدير |
جميل هذا الحوار الطيب بينك وبين الشاعر شحاري دمتم بخير |
اخي العزيز والقدير ابو ميحد محاوره جميله جدا ورائعه بينك وبين الشاعر القدير عوض المخيني تسلموا شعرائنا مبدعين وما عليكم زود ودمت بكل خير وموده اخي الكريم |
السلام عليكم اخواني ولا هانت حروفكم أبيات جميله ورااااائعه كما هو المعتاد
واسمحوا لي بهذه المجاراه عسى أن ترقى لما كتبتموه من روائع ودمتم : هيا ويا طارش توكل عني ### بمنظومتن شفقه وخذها مني مع سابقن بالريح خذ لا توني ### مرسولنا بالحب مغلف دومه ******************** للي نقش حبه وأعلن حلمه ### للمعتدي والخاطي عطاهم كلمه عفوا من الخاطر وبدد ظلمه### ونوره على عمان غشى من يومه *********************** اهلا هلا ما دنت الارعادي ### وما نايحت ورقا وصاح أعفادي وبفرحتن عمت حضرها وبادي### بقدومكم يفطر هالوطن من صومه ************************ قابوس يا تاج الوطن نبراسه### بك شاد الوطن ووثق ساسه بالخلق والحلم صان أغراسه### ولك صايغ شعب الوطن منظومه ********************** يا سيدي لقواك عدنا راحه ### والقلب بشوفتك نعيم اجتاحه يا رب دامك للوطن وأفراحه### ولعمان سيد للحصن وحزومه ************************************* واعذروني على التقصير |
اقتباس:
صح لسانك ولا هان منطوقك ونحن نرحب بمشاركاتك و مجاراتك ... |
صوت وصدى جميل منكم شاعرنا بو ميحد
ابتهاجا ً بعودة رجل الانسانية تحية لك والشاعر شحاري تقديري |
اقتباس:
اشكرك على المرور الجميل الأخ أنور السيفي |
الشاعر بو ميحد شكرا على هذه المحاورة الرائعة قصيدة جميلة جدا جدا نتمنى لكم التوفيق دمتم بكل خير |
اخي العزيز الشاعرالقدير ابوميحد شكرا جزيلاً لك على هذه المحاورة الطيبة والشكر موصول للشاعر شحاري وماعليكم زود تقبل مني مروري وإعجابي واجمل واطيب تحياتي العطرة |
الساعة الآن 07:10 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir