|
مساجلة مع محمد ود صديق عسى أن تنال إعجاب المتذوقين وإفادتنا من آرائهم
ود صديق:
سميت بالله ناصر الجيش العظيم يلي غزا فارس بفرسانٍ عظام وبنثر سلام الله على الآخ الكريم وعلى جميع الأخوة والربع الكرام نسل الهواجر: مثلك بسمي وببتدي بقولٍ نظيم ربي خلق هالفلك ورتبه بنظام وعلى النبي صلينا وبقلبٍ سليم وتالي بأدي تحية وبازيد بسلام ود صديق: نسل الهواجر فالدنا مثلك عديم صاحب مروة ونخوة وأمثالك عدام ناوي تراني أقطع لسان اللئيم ويالهاجري ماجاتك علوم اللئام نسل الهواجر: صاحب تفضل يلّك في قلبي مقيم أبسطلك الدرجة وبرفعلك مقام بونه اللئيم فعله لئيم دايم غشيم يرمي بنفسه فالمهالك و الغشام ود صديق: حطم فوادي يا خويه وخلاني حطيم بعد المودة صارت العشرة حطام والمشكلة لازلت في حبه أهيم والنذل ما يذكر عبارات الهيام نسل الهواجر: بونه الغضي يبدالك بعودٍ وسيم وتالي المودة يجعل فقلبك وسام قيس الملوح هايم في الليل البهيم والحر دايم تكفيه شارات لبهام ود صديق: هات النصيحة ونته يايوسف فهيم أما الجنيبي ما يعرف غير الفهام صرها مصيبه والجرح هذا قديم عندك دراية في معالجة القدام نسل الهواجر: من دلك صاحبي بذى القول الحكيم ونته محمد قصتك يلها حكام قوم وتقلد صاحبي سيفٍ هذيم سير وتوكل فالدنا بحد الهذام ود صديق: الله الموفق ياخويه وهو العليم سر ودفنته من أول مابغى علّام وبختم كلامي بالمسك ماشي شتيم ومنك السموحة كان أبدينا الشتام نسل الهواجر: بانخلف مثال وغيه وبازيد المثل بتحيه قولك يشفي الهمومي ويسعد قلبي الهمام يامحمد أمشي بنيه وطباع الدنيا رديه حد تكسيه الملومي وحد يبعد مالملام ود صديق: بانركب خوتي مطيه وبنغادر صور العفيه بانطلب سيفٍ هذومي يامحلا سيف الهذام منحه حن نبى ماليه وايد وايد ماشويه لكن فالطريق سهومي خوفي من كثر السهام نسل الهواجر: صاحبي شوف القضيه وريولك داست عليّه بانمشي درب النجومي وبانتبع واحد نجّام بانقسم قسمه سويه هي عطيه وهي جزيّه حالكم كل العزومي وغيركم ميله لعزام ود صديق: عرفنا مجهول الهويه سوى فالحاره بليّه وصبح فالهوى متهومي شلوا عنه الإتهام بايعتك مابا شريه ولا قطفت خبز بيديّه بختم بخيار العلومي وختم بخيار العلام نسل الهواجر: هاذي ليلةٍ قمريه والسعد جاني لضيّه ينزع ستار الظلومي ويبدد سود الظلام بوداع ربيعي وخويّه لي كلامه عنبريه وملمسه ملمس نعومي ويا محلا ريش النعام أنتهت المساجلة عسى أن تنال إعجاب الجميع |
أولا الحمد لله على السلامه يانسل الهواجر
وصدق من قال : من طول الغيبات جاب الغنايم ماقصرتوا في هذه المحاورة كلها جميله ومتوازنة بس هناك زياده في شطر البيت التالي (يرمي بنفسه فالمهالك وطريق الغشام ) فلو حذفت كلمة ( طريق ) لكان أفضل ويستقيم الوزن : يرمي بنفسه فالمهالك والغشام دمتم بخير |
على الرحب والسعة ياأستاذي ربي يعطيك العافية وما ننعدم من أمثالك
أسعدك ربي بالصباح الجميل ويسعدني أن أكون متواجد في أسرة المنتدى وسلامي على الكل دمتم بصحة وعافية |
وين هذي الغيبه الطويله ... يا نسل الهواجر صغتو الجواهر انت و ولد صديق ما شاء الله عليكم . شكرا لك ولا تحرمنا من مشاركاتك |
هلا بالصائغ شكراً يالغالي بأمثالكم وبوجودكم يزهى وينعمر المنتدى
ألف شكر ربي يعطيك العافية |
من طول الغيبات جاب الغنايم حمدللة على السلامة كلام جميل ورمسة طيبة بين شاعرين كبيرين ما عليكم زود صح لسانكم تقبل مروري |
ربي يسلمك ويسلم غاليك والغنيمة بوجهك صديقي كلك ذوق
دمت بود |
هاذي ليلةٍ قمريه
والسعد جاني لضيّه ينزع ستار الظلومي ويبدد سود الظلام بوداع ربيعي وخويّه لي كلامه عنبريه وملمسه ملمس نعومي ويا محلا ريش النعام ********************** ما عليكم قصور كلام طيب يبري السقام |
شكراً على المرور يالرواحي أنت المبدع دائماً
دمت بود |
شكرا لكم على حسن تعاونكم و حسن التواصل الله يديم المحبة بيننا امين
و شكر خاص لنسل الهواجر |
| الساعة الآن 04:21 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir