|
باسمه الذي ماله ولد
مساجلة متنوعة بين مجموعه من الشعراء (جروب نجوم الشعر والميدان) بتاريخ 12/3/2015 خليفه الصايغ: باسمه الذي ماله ولد جينا بعوادي زاحمين جينا لكم عز وسند وجينا بشباب ن والمين خميس الهاشمي: ذي ليلة ن طيب وسعد ويامرحبا بالواصلين خول ن وقاصوف برعد تفضل وحن متولمين سالم سعيدالمحيجري: يامرحبا بأهل البلد بوصولهم متباشرين بالخول والمرعد قصد ومن ربنا متشكرين سالم مسلم المحيجري: ما تشوف برق ن م البعد يسقي ديار الخيرين وما تسمعه صوت الرعد صوتاً قوي ويله حنين خليفه الصايغ: صوت المخمس ما يرد يهدم جبالن ما تلين ايش كلفك تمشي تعد ما تشوفهم متقابضين سالم سعيد المحيجري: سالم مسلم يستعد زاير قروب الطيبين من صيغته تاه وتفرد قاضي المحاكم من سنين خليفه الصايغ: سالم مسلم كالشهد لن جاء فدرب الغانمين مرات بس يمشي حدد ويخشع قلوب الرامسين سالم مسلم المحيجري: سمعته خليفه يوم رد رده يلذ السامعين احسن نسوي له مرد عن لا يطمعو الطامعين قيس الحجري: غنايه واموال ن حصد يلي سمع قول الكهين كيف لن زاد العدد بيظفر بربح وخزين سالم سعيد المحيجري: خليفه بملفه استمد ما شافنا متسامرين يمكن سلك درب حسد وبالشرع حن متمسكين خليفه الصايغ: عزمت بس برمي نرد بشوف حظي هين هين كم فولط باشوف الجهد ياقيس بنقيس القرين سالم مسلم المحيجري: أسمع كلاماً منفرد يشبه كلام العاقلين انته تزيد القلب ود يا قيس نسل الطيبين سالم سعيد المحيجري: بالدين والهمه نشد الله يحب التائبين ولي فاحكامه انفرد يقبل خطاب المازحين قيس الحجري: ارمي وفالك بالسعد دام الولي هوه المعين وخايف جهازك مايسد الجهد ضعفه مرتين ابوحماد الهاشمي: يا خوي من دور وجد وانته فهيم العارفين صايغ وعزفك منفرد عندك قرينه والقرين سالم سعيد المحيجري: حمدان مع قيس وحمد جونا وكانوا مسلمين والله فجنات الخلد حافظ أجور الصابرين سالم مسلم المحيجري: خايف عليكم م الحسد ناسا كثيره حاسدين القلب صافي والكبد ويلي مثلكم عارفين أبوحماد الهاشمي: نجمي بمخوتكم صعد بين العلا والفرقدين تسوى محبتكم بلد بقلوبكم متجمعين قيس الحجري: خلي الملا سالم وشد بسفر معك درب ن محين ياخويه أتعبني اليهد من سب حلو المقلتين خليفه الصايغ: حتى البحر فايض زبد من ثقل صوغ الصايغين والياس غاير مالورد وعمر الصبر ماصار تين خميس الهاشمي: الليله المثل طعمه وحد يعجب فواد العاشقين وياللي حضر معنا وشهد بانحسبه مالشاهدين سعيد النجادي: العين صابتها الرمد والقلب حن لكم حنين وسعيد ميفند أحد كلكم فقلبه أجمعين خليفه الصايغ: احسب إلى يوم الاحد وانا أرابي ومستكين خان الوعد خان الوعد وحوف فوادي الياسمين قيس الحجري: سالم فردتك م الحشد تابع دروب الاولين دايم شرا فعل الاسد لي يتبعه الشبل الفطين سالم سعيد المحيجري: خميس بالنية عقد في عصبته متونسين وابن السناني مانوجد ماضن تغلبه كلمتين خليفه الصايغ: انته تراه فردك وحد ويا قيس براقك يبين بعداد ما العابد سجد ذي تحية ام قريمتين أبوحماد الهاشمي: الواحد الفرد الصمد يحرس رجال ماجدين وانا بتابع مالبعد لا ادوس وتجي كفتين خليفه الصايغ: هو حد ما داس اللحد قالو حرام الدايسين دوس وتثافل ﻻ تهد الحرف م يدينك ثمين سالم سعيد المحيجري: الموج في بحره شتد حن عصبة ن متماسكين واللي بأحكامه رشد اسمه فرياض الصالحين ربيع ملاح الهديفي: حد"ن' مشى فوق الوهد و حد"ن" تعلا قامتين و حد"ن" تعذب "م"الجهد ما حصلوا حد"ن" يعين قيس الحجري: وانته خليفه م المهد تعرف حساب الفرقدين واصبحت تابع للمجد كاتب كتابك باليمين خميس الهاشمي: محروز لي يمشي حدد أهل الصياغه الماكنين ساعة لعلي وساعه لحمد واهل العشق متولعين سالم مسلم المحيجري: يا قيس لن صابك رمد بونه علاجه البنسلين أشوف الرباعه تستعد كنه يجولوا مسافرين خليفه الصايغ: عطني من علومك مدد بسقي الحليله بيغمتين لكن تحذر مالزهد ﻻ يلدغك ناب حوين لحليلتك بكتب مرد وبخورها من مجمرين والعطر من ماي الورد اضن تكفي شربتين خليفه الصايغ: صوت المخمس من سمد صوت ضبخ لك ضبختين لون سمعته بس بالرغد يحرر بلاد الرافدين قيس الحجري: زامط رحالي والكند خلنا فزمل المسفرين وربي حفيظن للعبد ويحفظ جميع الراحلين وانته خليفه مالمهد زملك فزمل المبدعين وأصبحت تابع للمجد كاتب كتابك باليمين خليفه الصايغ: جمر السمر صعب يخمد ولو تكدسه بكيلو طحين ما كل من جانا ونقد ﻻ تكون بس مالغافلين فيصل السنانى: من شعركم نطلب مدد وأنتو هله المتشهرين في بحركم نمضي حدد ولا ترانا غارقين عبدالله الراسبي: بتبع طريق أهل الرشد لي ف قولهم متنافسين قصوى حصون المنجرد اهل الطرب متغلسين قيس الحجري: يلي زقرنا واعتمد حنا بعدنا زامطين ميردنا جزر ن ومد موجن بعالي قامتين فيصل السنانى: ياطير فالعالي عفد مابين بدر وكوكبين بالنصر بختم والمسد صلو على جد الحسين وبهذا الختام |
أخي الغالي سالم سعيد المحيجري السلام عليكم ورحمة الله وبركاته مساجله جميله وإبداع متواصل ..احييك على ماقدمت من إثراء طيب صح السانك والسان الشعراء الأفاضل ...احسنت والله يعطيك العافية بانتظار كل جديد منك شاعرنا...دمت على خير تحياتي وجل تقديري |
اخي العزيز والقدير سالم سعيد المحيجري كلام جميل جدا ورائع من جميع الشعراء ودمت بكل خير وموده اخي الكريم |
شكرا على النقل
ولكن الحوار فيه كثير من التدويس وتكرار الكلمات دمتم بخير |
أخي الغالي الشاعر سالم الوشاحي وعليكم السلام ورحمة الله وبركاته... شكرا لمرورك الرائع وتعليقك المميز دمت بكل خير. اقتباس:
|
الشاعر عبدالله الراسبي شكرا لمرورك وتعليقك الرائع دمت بخير. اقتباس:
|
محاورة جميلة بين الشعراء في القروب
وكما قال شاعرنا أبو مسلم الصلتي (الحوار فيه كثير من التدويس وتكرار الكلمات ) دام ربيع تواصلك شاعرنا مساؤك سعادة |
أخي أنور السيفي
شكرا لمرورك وتعليقك على متصفحي دمت بكل خير. اقتباس:
|
أخي العزيز الشاعر سالم سعيد المحيجري
بعد التحية والاحترام ،،،،، ليس بغريب عليك تجاوز مشاركتي وعدم التعليق عليها !! فقد حدث منك ذلك سابقا في بعض مشاركاتك!!! كما أنه وصلني عدة ملاحظات من الأعضاء حول هذا الموضوع !!!! فأرجو الرد على جميع المشاركات والملاحظات في مواضيعك ولك أن تبدي وجهة نظرك حول الملاحظات !!!!!!! كذلك كما أن تحب أن يدخل الأعضاء إلى مواضيعك والتعليق عليها فبادلهم بالمثل ، وبذلك نرقى ونتجاوز الأنانية !! دمت بخير ،،،،، |
السلام عليكم ورحمة الله وبركاته... وبعد نأسف كثيرا على عدم الرد عليك نظرا لعدم توفر الوقت فشكرا لنقدك الجيد والتوضيح للمحاورة أفصحنا عنه سلفا ولا داعي للإطالة فيه كما أراه أنا لأنها دردشة في قروب وكانت للتسلية أحببنا إيصالها للمتابعين إحترامي للجميع. والسلام عليكم ورحمة الله. اقتباس:
|
| الساعة الآن 12:31 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir