|
قصيدة غياب البنات
مساكم الله بالخير الجميع اضع بين ايديكم غياب البنات مع شكري وتقديري اخوكم خليل ياديار العز واعزاز الولات الفلاحي والفلاسيه ذخر كل رجال(ن) شبع ياس وشتات لابة الشيخان من بطن وظهر الضحى جاب الله علومه وجات بنت ابوها من عقب طول الصبر فرحة الدنيا وزينة هالحيات والذي باقي من ايام العمر يالله يالله انثري بكل الجهات الخزاما والنفل واحلا الزهر وافرشي من يادار الغانمات كل درب وكل قطعه وكل شبر بالعقيق وفي حلي الغانيات لجل جيت بنت ابوها من السفر ياهلابك ثم هلابك ياغنات قلبي اللي في غيابك انفطر انورت بك واستهلت بك ياذات اجمل محيا بنت واجمل شعر كل اماره وكل حي(ن) فيه فات كائن(ن) حي(ن) يسمونه بشر ارحبي في حفظ ربك ياسوات الذهب والماس وانواع الدرر والعلوم اللي بها الخافق يبات ليلته مرتاح في خير وستر هات ياشيطان شعري هات هات لجل عين الفاتنه احلا شعر يااول الفرحه عقب حزن الممات وياحلاوة هاللقى عقب الهجر كل حاجه اسال الله الثبات مالها طعم بغيابك ياقمر الله اكبر كيف عنا هالبنات لو يغيبن صارت الدنيا قبر |
خليل المعمري ... جميل جدا
شاعر رائع ..وسلس في كتاباته القصيده جميله .. موفق شاعرنا .. كن بالقرب |
خليل المعمري .. اخي الفاضل ...
صح لسانك .. و لا هان منطوقك ... أبيات جزلة .. من شاعر جميل ... اعجبتني .. القصيده ... لا تبخل علينا بجديدك .. تقبل مروري ... |
اقتباس:
تسلم ياتركي وعسى الله لا يهينك شرفتني بمرورك |
اقتباس:
هذى من ذوقج اختي شكرا لمرورك الجميل |
جميله جدا اخي المعمري
الله اكبر كيف عنا هالبنات لو يغيبن صارت الدنيا قبر الاعتراف بالحق فضيله :-) |
اقتباس:
مافيه اي شك المرأه نصفنا الثاني شكرا لمرورك اختي مع تقديري |
أخي خليل
قصيدة في غاية الجمال ويستاهل النصف الثاني كل هذا الإهتمام تسلم ، بارك الله فيك |
اقتباس:
لاهنت ياخوي والله يجمل حالك شكرا على مرووورك |
جميل يا اخي نص طيب ولاهان منطوقك ربي يعطيك العافيه ونحنا هنا نترجا جديدك |
| الساعة الآن 12:25 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir