|
أزيدك من الشعر بيتين
طلقتي سهامك بصدري وقلتي خاين العشرات ونسيتي من قطع حبل المودة وخانها العشرة تعالي نشوف نحسبها نعيد اللي مضى وقد فات وخذي حقك إذا لك حق خذيه اليوم قبل بكـرة يا بنت الـناس حبيتــك من جملــة كثيــر بنــات وسلمتك أنا قلبــي بإيــدك كــان كــل أمــــره خلصت بحبي وميزتك من بين البشــر بالـــذات ومن أجلك وعلى شانك نسيت الكون أنا بأسره أذكر لن طلبتينــي عيــوني قلــت أنا لـــك جات وأفهــم لــي تطلبينــه وألبــي لك مــن نظـرة كتبت الشعر من أجلك ويا ما كتبــت لــك أبيات شعري كان من أجلك لغيرك ما جرى حبـــــــره قولي وش عطيتيني مغير اللوعة والحســـرات أقضي الليل بأسبابك وصدري به ألف حســـرة صبرت عليك وصبري طال وألا يا مكثر اللوعات ومن كثر الصبر مليت وقلبــي مــل مــن صبره بليلة عيد ميــلادك جيتـك حامـل(ن) باقــــــات ولقيتك وأنتـــي ملتهية بضيف(ن) نــور السهرة أنتظرتك تقبلــي يمـي وأقـدم لك أنا الــوردات ولكن للأســف أنتــي بغيـري كنتـــي منبـــهرة جيتك مسرع(ن) يمك وكم خانتنـي الخطــوات واقول بخاطري بإنك وصولي كنتـــي منتظــرة وصلت وقلت لك أهلا ومساء النــور والخيــرات ســلام الله ما تــردي كأنــك شايفــة صخــرة أسولف لك وأتبسم وعني تكســري النظــرات وكأنــك ما تعــرفينــي ولا شفتيــني بالمـــرة كسرتي خاطري وقلبي ولضيوفك بقيت شمات ألا يا مصعب الموقف ريقــي ما بقــى قطــرة نعم سبتـك وخليتــك علــى كيفــك وبالراحات حب(ن) لك وسط قلبي ياريتك تعــرفي قدره بعدت بعيد عن دنياك وخرجت بعزتي بسكات خرجت وللأسف قلبـي نار(ن) فيــه مستعــرة أزيدك من الشعر بيتيــن وأفتــح لك أنا ملفات وكل اللي حصل مـنك حاضــر لأجلــك أذكــره مــن هو لي قضى شهرين وحده ساهر مابات من هو اللي سيوف الغدر جاته وطعنت ظهره إذا إنك تعبتي وياي ومــن حبــي عشــر مرات من بلــواك أنــا تعبــان صــدقنــي ألـــف مرة وإذا عينــك بـدون شعــور مــرة سيلت دمعات ترى عيني ثلاث شهور مخالــط دمعـها حمرة وقلبك لو على شاني بس مــرة خفـق خفقات قلبي كسر ضلوعي كسر(ن) يا صعــب جبــره روحـي وأبعــدي عنــي زمانــك راح ولا وفات ونصيحة خالصة منـــي أبد لا تعــاودي الكــرة كفـــاية من ألاعيــبك بســك وقفــي اللعــبات تــرى مــش دوم يا هــذي قالــوا تسلم الجرة وقالوها قبل أول ترى باللــي أختشـى قد مات وقالو اللــي حسنــت عليــه تجنب وأتقي شره مودتي وتقديري لكم |
يشرفني ان اكون اول المارين
متميز سيدي كعادتك تغرف من بحر لا ينضب لك الود والاحترام حتى ترضى |
ما أروعه من نص... عتاب قوي وألم واضح يلتمسه القارئ من خلال كل بيت شاعرنا المسكري سأعود للنص من جديد تقبل مروري |
بليلة عيد ميــلادك جيتـك حامـل(ن) باقــــــات ولقيتك وأنتـــي ملتهية بضيف(ن) نــور السهرة أنتظرتك تقبلــي يمـي وأقـدم لك أنا الــوردات ولكن للأســف أنتــي بغيـري كنتـــي منبـــهرة جيتك مسرع(ن) يمك وكم خانتنـي الخطــوات واقول بخاطري بإنك وصولي كنتـــي منتظــرة وصلت وقلت لك أهلا ومساء النــور والخيــرات ســلام الله ما تــردي كأنــك شايفــة صخــرة أسولف لك وأتبسم وعني تكســري النظــرات وكأنــك ما تعــرفينــي ولا شفتيــني بالمـــرة كسرتي خاطري وقلبي ولضيوفك بقيت شمات ألا يا مصعب الموقف ريقــي ما بقــى قطــرة يااااسلام استاذنا عباس المسكري نص رائع وسيناريو جميل جدا استووقفني المقطع اعلاه لاعيد تكرر قرائته لروعه التصورات التي يحملها لامست الجراح بقصيدك الجميله هنين لك هذه التحفه وهنين لنا ايضا . تقبل مروري واعجابي |
ما شاءالله تسلم يا شاعرنا وماعليك زود
قمه رائعه ومتميزه ماقصرت دمت بود |
عباس المسكري .. قصيدة جميلة .. متسلسلة الأحداث .. فقط هناك بعض الخلل في الوزن .. أعتقد أنه مر عليك سهوا .. لك الود أخي الكريم .. واعذر مداخلتي .. |
اقتباس:
اهلا بك سيدي أنا من له الشرف بأن تكون اول الرادين علي لفك مني جل التقدير والاحترام |
مساك ورد استاذ عباس
يطيب لي ان اكون من متوذقي هذه الرائعةاشاطر اختي غربة اسير الراي مع خالص الحب والتقدير |
اقتباس:
الاخت نورة البادي شكرا لك سيدتي لطف مشاركتك في صفحتي المتواضعة وفقك الله دائما لك خالص الود |
صح لسانك أستاذي العزيز
نص جميل كعادتك لك مودتي هيثم |
| الساعة الآن 03:20 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir