|
(إهداء لناصر الغيلاني)
اهدي هذه القصيده إلى الشاعر / ناصر بن خميس الغيلاني بمناسبة فوزه بلقب شاعر العرب وحصوله على السيف. نبارك له هذا الإنجاز وإلى مزيدأَ من الإبداع والتألق . كما اهنئ أسرة مجلس الشعر الشعبي وعلى رأسهم صاحب السمو السيد / فاتك بن فهر ال سعيد حفظه الله . ( السيف ) يا قـلـم طـاوعـنـي وانا بـك علـى كـــيف***** مــا تـشـتـهـي نـفـسـي أخـط العِـبارات اسجد على الطـّرس ودموعك مـذاريـف***** شـاركـنـي الـفـرحـه ولاتـقـول هـيهات بكـتـب مهـنـّي مـن تـعـلا الـمـشــاريــف***** يـللــي لـه العـزّه والأمـجـاد غــايـــات ذاك الـذي لـه صَـفـّق الـسِّـيـف والرّيـف***** رأس الـسّـنـام ومـعـتـلي كـل هـامـات اسم ٍسَـمَا فـوق السَّـماء عالي إمنــيـف***** نجـم ٍسـطـع زاهــر بـعالي السَمَاوات شَنـّف مـسامع سامع الشــعر تـشـنيـف***** بـاحـلا الـقـصـائـد والالفاظ الجزيــلات الأول علـى الـترتيب مـن غـيـر تـحريف***** فـذٍ ثـبـت عـنـد احـتــدام الـمـهـمــــات مبـروك ياناصـر لــك الكـأس والسَّــيف***** واللـقـب لـي به نـفـتـخـر في مـسرات شـرّفـتـنا ياشــاعـر عــمـان تـــشـريف***** والـلـي مـن امـثـالك لــه تـرف رايات كـسـبــــت ودّ الـعـامّـه والــمـعـاريــف***** نـلـت احـتـرام اهـل الـعُـلا والكرامات فوزك لـنا تـشريف وان كـــان تكليـف***** نـعـتـز بـه ونـسـعـى ل أعلا المـقامات شـاعـر ولا تـحـتاج مَـدح ٍوتـعـــريـف***** السَّـيـف يـتـكـلـم وكــأس وشــهـــادات مـا قـلـت افـك ولاعـلـوم الأراجـيـــف***** قـول وفـعـل ماهـي حــكايــــا روايــات تـستـاهـل الـناموس ومعانق الكــيـف***** تـسـتاهـل اسـتـقـبـال رسمـي وحفـلات هَــيَّا إلى الـعُـلـيا ولاتـشكي الحيــــف***** مـادام نـبـراسك لـه الـمـجـــد عـــادات سـمو الذي أسمه سَمََا بكل تصــنيـف***** دايــم عـلـى القـمّه وتهتف له اصوات ماضام له صاحب ولاضيم له ضــيف***** بـه نـنـتـخـي وان داهـمـتـنـا المُلمـات فاتـك عسى عن حادثات التصاريــف***** يـحـمـيـه رب الكـون في كـل الاوقــات له حـبـنـا ما يـنـوصف بالـتواصـيـف***** لــه الـسّـعـه فـي مقـلة العـيـن ساحات الشعر مع صدق المشاعر موالـيــف***** إلـى ســمـوّه قـاطـعـات الـمـسافـــــات ويامهزّف اركان الشعر لك مهازيف***** قــلـوب عــشــاق الـشـعــر بالتـحيــات وسـلام بـالـزّفـه ولــحـن الـمعازيـف***** ومـن وردة الـسـلـطـان نهـديك بـاقـات عبد الله احمد صقر المعمري |
عبدالله المعمري ؛؛؛؛إحساس مبهج ورائع ؛شاعر العرب ؛؛ناصر الغيلاني ؛يستحق أكثر من ذلك ؛فوزه يعد إنتصار لشعراء عمان جميعا ....
واافر التقدير على مشاعرك الطيبه |
شاعرنا المتألق عبدالله بن أحمد بن صقر المعمري (أبوحمد) السلام عليكم ورحمة الله وبركاته جميل جداً هذا الإهداء وصح الله لسانك ولاهنت الشاعر ناصر الغيلاني يستاهل كل خير فهو شرّف القصيده العمانيه بهذا الفوز شكراً لك على هذة القصيدة الرائعه وبارك الله فيك على جهدك المميز والجميل والرائع تقبل مروري وتحياتي أيها الشهم |
السلام عليكم ورحمة الله وبركاته عبدالله العمري .. ماشاء الله عليك ! ابدعت .. ويستاهل ناصر الغيلاني ينشال على الرؤوس ما شاء الله عليه .. رفع رأسنا ورأس أهل عمان .. |
عبدالله
ماشاء الله عليك مبدع ويستحق الأهداء شاعر العرب النبيل والله يستحق فهو شخص يعطي لخدمة هذا الوطن جل أهتمامة وما قصر وعليك بياض الوجه يا بو حمد................ |
عبدالله أحمد صقر المعمري قصيده جميله كفيت ووفيت وألف مبروم لــ ناصر الغيلاني الكأس والسيف تحياااتي |
الأستاذ الراقي عبدالله أحمد صقر العمري
صح السانك شاعرنا والله يستاهل ناصر الغيلاني بياض الوجه عليه وعليك قصيده قمه لاهنت |
اقتباس:
|
عبدالله المعمري
قصائد المدح لها طابع مختلف وأنت أحترفت المدح كفو عليك ويستاهل الممدوح |
اقتباس:
شاعرتنا المتألقه فاطمه الفرعي شكراً لكِ على هذه الكلمات الطيبه والحقيقه بإن ناصر يستاهل كل خير على الفوز الذي حققه وهذا يعتبر إنجاز يضاف للشاعر العماني أشكر مرورك العذب من هنا |
| الساعة الآن 06:01 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir