|
مجمل علومي ..
السلامـ عليكمـ ورحمة اللهـ " وبركاتهـ وش حالكمـ يأهل الشعر ؟؟ أول مشاركاتي هنيهـ ,, قصيدة : " مجمل علومي " . سهيل ساطع منور (ن) والـنار في صدري شعيل ليلة شــرار (ن) والـــخلايق ويـن مـــا يدروبها ؟ ضاق انسمي وصفـّـيتهــا فـ الشعر وبحور الخليل لــين الـــهمومـ اتندّمــت واتحشـّـمت فـي ثـوبهـــا والنفس مع شيطانهــــــا منهو يــــكفــّيها غــليل ؟ دامـ المصيف مضيـّـع (ن) دفـوة وقـيد صـلوبهــا يــا طير شعري اخرب الجوزاء ولا تطرح سهيل أبــــغي ألقــّح جـــزلتي بـسهيل كـــان يـصوبهـــا لأن الـمضوّي هيبة (ن) والجزلهـ تدور الـــجزيل ودامـ اجتمع شمــــل الــــحبايب ينقـــرا مكتوبهــا لــو كـــان شعري عاثر (ن) مشلول بيقومـ الشليل وان كان مـــا يبصر عيوني لـو بغاهــــا ينوبهــــا هاليوم هوجاسي كــفخ جنحان أمــر (ن) مستحيل والـــــمستحيل أصبح كمـا لــــو كلمة (ن) قالوبها وهذي الثريــا ضايعهـ ومادل ع الـــــضيعهـ دليل وحدي أهيمـ فـ ضيعة (ن) غـاب البشر فـ دروبها وكن الـــقصايد هي مزن مـــــا جادت الا بالظليل في وقت فيهـ الشمس نامت واعـلنت بـــغروبهـــا مجمل علومي كلها لـــو جيت بـالعلمـ الــــحصيل عامين ما ذقت الرطب والــــــعذق مـــا يزهوبها عييت أنــقــّـل نـــظرتي مــــــا بين هامات النخيل أبغي الـــــخنيري والـــخنيزي مـا نتج بجيوبهــــا مـــــا غير ثمر (ن) والثنـاء لله ع الـــحظ الجميل منهــــا دواني يــــانعه وتــغلب عليهــــــا عيوبها مــا درت وصف الـكاملهـ لأن الــكمايل للـــجليل والله تـــــــفرّد بـالــــــجـلاله بوسعها ورحوبهــــا ولا الأوادمـ شرّهـا يـسابق على شيء (ن) جهيل مثل الـــركاب فـ شــوط بيـّـن جهد من تــعبوبهــا والفكر في طاري الــهجن منسلّ من غمد الصقيل يبغي غنيمـــة شــاعـر (ن) مسترسلــه يـــا دوبها يا وقت مضحى مـــذيـّـر ريــــاح وذعاذيع العليل طرّش بصدري نـــسمتك واخــلط لـــذيذ طروبها ذكــّـرني دخيلك تجمـّـل بالــــــــعويصاء والمثيل اللي عليهــــا الــــوصف يعجب عين لي جهلوبها فحجاء وراس مزبـّـر (ن) جلمود كنه لــــو تخيل وخدودها متوسـّـعه , والــعنق جاء مطلوبهـــــــا والبرطمـ مشقــّـق وغارب جاعد(ن) وصفه جثيل وعرنونها لو ينثني سيف (ن) فـ وجهـ صعوبهــا والـعيز راجع , والعراقيب اتــّـكسـّـر لـــــو تميل والــذيل متوسـّـط عريض (ن) والسنامـ اعجوبها لا من مشت مالت أرضنا وطاح كـل عالي وثقيل وان درهمت منهو بصير العين عـيـّـن صوبهـا ؟ مضمـّـره ومهيـّـفهـ والـــــدرب لـو يطول فضيل مــا خلــّـصت مــا زبــّـدت مــا حسـّـته متعوبهـا من فوقهـا بروق ورعود وصيب ذرّاف وهميل ومن تحتهـــا بـخفوفهـــا متورّي (ن) لاهــوبهــا والـــيومـ سمـّـوها بـراق (ن) للمضامير وكـفيل والله يحفظها من عيون (ن) تـــرتجي عذروبهـا يأهل الركايب بوشكمـ ع الراس يا غير الحصيل مـــا هي خساره لو تروّح فــدوة (ن) لــوجوبها وسوالمـ ,, نتريا انطباعكمـ والسموحهـ والعذر فـ داعة الله |
* * مساء الجمااااال الذي لا يضاهية جمال تفرد والرب شاهد حسن وجمال وأناقة معاني عميقة جدا ماتظهر الا من شاعر متمكن والصور الجمالية صعدت القصيدة للقمة صح لسانك ملايين يا محمد وصادق بكل حرف قلته ربي يعطيك طولات العمر ونشوف كل قصايدك الروعه مطروحه للعيان :) |
محمد
أنت شاعر ماعليك كلام كفيت وفيت وبراق تستاهل ويابخت من يملك براق اما النص فكره تسلسل وزن معاني شامل بالجمال والعطاء والحس الشعري الجميل ارحب بك هنا متمنيا التواصل في ساحة الإبداع ومرحبا فيك... |
منور يالغالي ما عليك زوود شاعر ونعم فيك صح لسانك ودي |
السلام عليكم ورحمة الله وبركاته..
اخي الكريم وشاعرنا الراقي محمد البلوشي،بك اهلا سيدي قصيدة وصف وقصيدة حكم مليئه بالجمال وابياتها تغشوها شاعريه فذه وصفت براق ويستاهل الممدوح لاحرمنا الله من طيب حرفك وسمو معانيك ايها الأصيل وعساها ايامك هانيه وعلومك بهيه بارك الله أوقاتك وأسعدك بأذنه، احترامي وتقديري |
ما عليك زود استاذي الغالي كلام جميل جدا صح لسانك تقبل مروري |
جميل بما تحملة الكلمة من معنى
لغته ومفردانه البدووويه الاصيلة طافحة جدا جدا جميل انت يا محمد فقط هنا والفكر في طاري الــهجن منسلّ من غمد الصقيل بقرائتي الشطر ناقص حرف ولكن مدري كبف بقرئتك انت!! يعني كمثال لو قلنا والفكر في طاري الهجن منسل من اغماد الصقيل كمثاااال ع اساس انه يركب ويضبط \\ تقبل مروري |
يــا طير شعري اخرب الجوزاء ولا تطرح سهيل
أبــــغي ألقــّح جـــزلتي بـسهيل كـــان يـصوبهـــا الله واكبر وصح لسانك محمد ماشاء الله عليك ماعليك زود |
صح لسانك أخي الكريم
لك التحية هنا |
اقتباس:
صح بدنج أمـ عسل ^^ لا هانج الرحمن مرورج كوس دافيء ,, نترياه دومـ مشكور ولا عليج زود ربي حافظج ,, فـ داعة الله |
| الساعة الآن 03:02 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir