وحوش الغــــابه
السلام عليكم ورحمة الله وبركاته,,, أحببت أن أتواصل معكم بهذه القصيده بعد اكتمالها بسبب طلب أحد الأعضاء بأن أكمل الأبيات السابقة وعلها تنال الرضى: وحوش الغابه راح الـرفـيــق اللـــي ينــــور دربي *** واتخلفـت بعـــده وحــوش الغابه هـــــذا يجــامــلنــــي وذاك يســـبي *** وهـــذاك يبنــي قصـــة(ن) كذابه كــل واحـد(ن) منهــم يبـي يظفربي *** ينـعــــت عليـــه بصبعــه السبابه حـد(ن) يبي جاهـي وحـد(ن) قربي *** وحــد(ن) جهـلنا قصـده وأسـبابه مــايعرفــــوا بأنــــي مسكـــر قلـبي *** مـــن عقــبــها حـالــف اقفّـل بابه العــوق فـــي وسط الحشاء متخبي *** ذيــب الهجــر فـ لقلــب علـق نابه نار(ن) وسط صـدري سنين تشبي *** خلـــص حطبــها وبعـــدهـا شبـابه الـوقـت قاســي والـزمــن يلعب بي *** والشــوق يفتـــح للهمـــوم كتــابه ريحـة شذاهــا من الجنـوب تـهـبي *** فـــي كـوســها بعـــد الظهـر هبابه توصـــل معــاليقــي وتسكــن لــبي *** تفضح شعـوري دمعـة(ن) صبابه ليـت الزمــن عامــين لـو يرجع بي *** واحطـــها بيـــن الجســـــم وثيابه ليــت الرفــيق اللــي زقـــرت يلـبي *** اخبــره عـــن نفســي المصــطابه يـــــــ الله يــــــارب العبــــاد وربي *** يامــن علـى كــل المحــن نلجـابه تلطـــف بـها يــ الله ثـمْ تلطــف بي *** تجعـــل نهــــاية عمــرنا تتشــابه وتجعــل مواطنهــا مطــرها يصبي *** سحابـة(ن) تـروي وطـن سحـابه كلمات: مبارك بن سعيد الغيلاني |
مبارك سعيد الغيلاني صح السانك ولاهنت أبيات طيبه وعسى الله يستجيب لدعواتك |
أخي العزيز مبارك سعيد الغيلاني السلام عليكم ورحمة الله وبركاته صح السانك ولاهنت أستمتعُت بقراءة نبضك ننتظر جديدك إيها الأصيل |
الغيلاني صح الله ألسانك كتبت وابدعت
|
اقتباس:
أخي عبدالله المعمري صح الله بدنك وربي لاهانك الأطيب هو تواجدك,وما أقدر إلا أقول يسلم كلك على هالمرور المنعش سلامي واحترامي |
اقتباس:
أخي الغالي سالم بن محمد الوشاحي ربي لا يرحمنا من هالطله صح الله بدنك وربي لاهانك سلامي واحترامي |
الأخ ( مُبارك الغيلاني )
أبدعت في طرحكَ ,’ ابيات رائعه .. و من المؤكد أن القادم افضل و اجمل ..^_^ كل الود .. |
نار(ن) وسط صـدري سنين تشبي *** خلـــص حطبــها وبعـــدهـا شبـابه
مبارك الغيلاني... صح لسانك جميل هذا التواجد موفق |
اقتباس:
أختي غموض,,, أشكرك على تواجدك ههنا سلامي واحترامي |
اقتباس:
أخي الأستاذ تركي الحبسي صح الله بدنك وماعليك زود سلامي واحترامي |
الساعة الآن 04:53 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir