منتديات السلطنة الأدبية - الف مبارك للشاعرة اصيلة المعمري

\

تتقدم السلطنة الادبية ادارة واعضاء .. بأجمل التهاني للشاعرة\
اصيلة المعمري

لتاهلها في مسابقة شاعر المليون 5 في الحلقة الثالثة من مساء اليوم الثلاثاء 17\1\2012

ونتمنى لها التوفيق في المراحل اللقادمة بعون الله ...

قصيدة الشاعرة /اصيلة المعمري

نص اهداء الى الوالدة العزيزة ..

يضيق البوح يمه داخلي واسكب تعب دنياي
ــــــــــــــــــــــــ على محل القصايد لي ضميناها بلا ساقي

واكتبني ولا ادري من الساهي ومن القراي
ــــــــــــــــــــــــ تموت الشاعرة او قبلها هالصوت بابواقي

تباريح الحبر فيني مثل نبته تسم الماي
ــــــــــــــــــــــــ وتقتل صايم المعنى وهو يفطر على اوراقي

تحاصرني حروف احيان تتسابق الى جواي
ــــــــــــــــــــــــ وتسالهم طوابير الحزن عن صادق احداقي

يا يمه ما مضى يكفي انا كل السحاب الجاي
ــــــــــــــــــــــــ انا اكثر من هطل صبر وانين ف موسم اعواقي

هنا خان الظنون وما صدق هالسنين اللاي
ــــــــــــــــــــــــ بقيت الوافية ف وجه افتراء وطعنة رفاقي

دفنت بغيضهم نصل الاماني الغادرة فمسعاي
ــــــــــــــــــــــــ مشيت وكم ثمر خذلانهم يدعي على ساقي

كثير اخفق واكذبني بقولة ادم ومخطاي
ــــــــــــــــــــــــ واسامحهم على كبر الخطا ثم يصدق اخفاقي

واجي القى في جرايدهم حكي يتعشم بمثواي
ــــــــــــــــــــــــ وانا احيا لاجل روح الشعر والناس واخلاقي

ويقروني في مجالسهم بعين السارق الملقاي
ــــــــــــــــــــــــ ترا لو لاقية عيوبي لابهديها لسراقي

رموا جناحي ف سما اوهامهم يمكن تصيب احشاي
ــــــــــــــــــــــــ وانا يمه بدعائك انتشي وابعد ف افاقي

واحلق فوق ابعد من مدى الفاضين والوشاي
ــــــــــــــــــــــــ عبث ، ما يمتلو بكذبة وراها شاعر راقي

وربي شاعرة تكتب على الغيمة منو شرواي
ــــــــــــــــــــــــ سقى عطش المشاعر من فيضها الباقي

تسد بنبضها جوع البيوت وعاطفة محتاي
ــــــــــــــــــــــــ قضت حلو العمر مابين دفترها وعنا الشاقي

يايمه بسالك رغم التعب رغم الحسد ف عداي
ــــــــــــــــــــــــ وش احلى اليوم من الراحة وشعري بين عشاقي

وهنا تستطيع الاستمتاع بقصيدة الشاعرة اصيلة ..

http://www.youtube.com/watch?feature...&v=jrIYjiYrGrY