|
لو كان لي " جنحان " .. ما فكّرت أطير ..!!
السلام عليكم .. لا أدري ما الذي يلهمني بها !! لكن الأكيد أنني لا أجيد الشعر إلا عندما أكون فيها ..!! ------------- ما يعـلم بحـال الفـقــيـر إلا الفـــقــيــر ! إللي رغـيف سكـوتهــم : صبـر وحـبــر ولا يحــسّ بوحدتـي غــيــر الضـــريــر اللي برغم النـور عـايـش فــي قــــبـر! يصفعـني الـواقـع .. ويشـتـمـني كـثـيــر والظلم مـن كـل اتجـاهـاتــي " إبـــر " لو كـان لي جـنحان : مـا فكـــرت أطير اللي يعــرف الجــوّ،، مـا حـلّـق شـبر! تعـبـت أسـابـق نفـسي وأطلع "الأخير" كم قلت: أثـابر، والصدى صاح: انثـبـر لكن يبث الروح في الوضـع الكـسـيـر: إنّي كـســيـر، وداخـــلي "ذرّة كـبــر"! يكفي أقول بخـيــر// لـو ما نـي بخـيـر عنّي أعـــز النــاس ،، لا علـــم وخـبـر أحيان أثور وأحتـرق .. وأزفـر عـبـيـر ويا مـا رويـت أذواق و"شعـابي" غــبر ويا كـم ثمـلت وكـنـت // للأفكـار زيــر لكـنّي ,, بـوقـــت الشـــدايـد (هِــزبر) تدرون منهـو اللي يخـلّـد بالأخـيـــر ؟؟ اللي نحـت آثـار رجـــلـه // لا عــبــر لو إن كــل إنـسـان يـؤمن بـ/ المصـيـر كان المسيء إن مــرّ به نعش اعـتبر !! يا أخـي تـرا ملّيت أكون انسـان غــيـر في مجـتـمـع تحـتـاج أركـانـه جـــبـــر في وقـت "تـاج المـلك" يلـبسه الصغير ما يمــلـك إلا التـــاج .. لكــنّـه كـبـر! والـرابح الأكـبـر بهـا الحـيّ الفـقــيــر واحد يبـيـع الخـبـز في ســوق التـبـر! .. بن وهقه .. |
بدأت القصيدة بزهد وانتهت به وفي متنها عبارات خلتني أعايشها
انت جميل ياحمود |
حمود بن وهقه !
مبدع حدّ السماء |
حمود بن وهقه / قصيده
في حدود السماء لك مودتي ((أبوسامي)) |
ياااااااااااااه يا حمود نص سهل عذب ممتنع جداااااااا جميل هذا النص أعجبني هذا البيت كثيرا كثيرا كثير ا تدرون منهـو اللي يخـلّـد بالأخـيـــر ؟؟ اللي نحـت آثـار رجـــلـه // لا عــبــر متابع لك لك الود |
جميل ما كتب يا حمود وهذا البيت أجمل يبعث العزة والكرامة بمجرد قوله
يكفي أقول بخـيــر// لـو ما نـي بخـيـر عنّي أعـــز النــاس ،، لا علـــم وخـبـر (صح لسانك) تقبل مروري (العقرب) |
صراحه بن وهقة ماعليك زورد
صح منطوقك وديم تتحفنا باليديد تدرون منهـو اللي يخـلّـد بالأخـيـــر ؟؟ اللي نحـت آثـار رجـــلـه // لا عــبــر لو إن كــل إنـسـان يـؤمن بـ/ المصـيـر كان المسيء إن مــرّ به نعش اعـتبر !! صدقت فهالابيات كفيت ووفيت الله لايهينك |
شكرا بن وهقة
لو كان لي جنحان ما فكرت أطير ... إللي يعرف الجو ما حلق شبر
**************************************************** بصراحة يا بن وهقة خشبتني وسمرتني و شيبت شعر رأسي بهذا البيت وإللي وبكل ما أملك من صدق أحسك وكأنك تشرح فيه حالي قبل 10 سنوات مضة . بارك الله فيك وأتمنى أستضافتك بإحدى الأمسيات معنا بوادي بني خالد والدار دارك . |
اقتباس:
محمود النبهاني .. أنت الاجمل .. وأشكرك على هكذا مروور |
اقتباس:
أحلااااااام .. لا زلت أبحث عن شيء أكثر ابدااعا ..!! تحياااتي العطره بالنرجس |
| الساعة الآن 01:58 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir