غصن الود
طابت أوقاتكم أيها الأحبة بالخير والمسرات ,,, أشكر أخوي الشاعر / راشد المشرفي ,, على دعوته الكريمة وانا سعيد جدآ بتواجدي بين هذه الكوكبة ,,, بعد القلوب اشدّ من بعد الاجسام مادام غصن الودّ طارت رفوفه كم واحد نشوفه من العام للعام اقرب من الّلّي كل يومٍ نشوفه الادمي تقوده ظروف واحكام وما كل واحد يخدمنّه ظروفه نطرد ورى سرب الاماني والاحلام ويالله عسى بعض الامور مخلوفه لو يكشف الواحد صناديق الايام ماكان خضّب بالأماني كفوفه العمر يمضي والتجارب له احزام والشيب يضرب للنواصي دفوفه كم واحدٍ غافل وهو يلبس احرام مايدري احرامه لموته (بروفه) طول الأمل كفّه تلوّح لقدام والنفس لمعانق هواها شغوفه والضيق يتسلّل على روس الأقدام لـ إحساس من شعره على اسوار جوفه يا صدري اصبر وانت في بهوك اقسام من المواجع غير نفسك عيوفه لا تنحني لو كانت عروقك حيام وعذوق لينة ما بذرت مخروفه صدر السما ما ثـقـّله كثر الاجرام واللي تهاوت ماعليها حسوفه ضيوف قلبي تغرف عدوده الالام وعلى الزمن يا كبر شرهة ضيوفه مابين قام الحظ والحظ ماقام الحزن رتب بالحنايا صفوفه يحطبني بفاسه ويتركني حطام باسباب معروفه وغير معروفه وانا ماغير اهيم واتشجّر هيام واثمر قصيدٍ يانعاتٍ حروفه عطاالله ممدوح |
أخي الشاعر القدير عطا الله ممدوح من أروع ما قرأت قريبا حيث الموسيقى الخارجية في قمة الروعة وتماسك النص أجدت حقيقة وتشرفنا بك |
عطا الله ممدوح يا حي بالرجل اللي جابك ويا حي بالشعر اللي جابك يا هلا بيك ومرحبا مليون الدار دارك وما بين اخوانك كم واحد نشوفه من العام للعام اقرب من الّلّي كل يومٍ نشوفه يثبت اجلالا للشعر...ولعيون الجمال المنثور هنا... |
اخي عطاالله ممدوح كلام جميل جدا وجميل منك هذه المشاعر والاحاسيس الطيبه واهلا وسهلا ومرحبا فيك في منتديات السلطنه الادبيه قسم الشعر الشعبي وننتظر جديدك مبدع |
هلا والله بو جود...تشريف وصولك...والشرف الاكبر وصولك وانت تحمل هالابداع فهالقصيدة بالذات..لن أطيل في الكلام عن القصيدة لأني الى الآن وانا لم أفق من سكرتها عندما كنت تلقيها بصوتك و بأعذوبة القائك...لك كل الود..نتشرف بقصايدك.وأيضاً لا تحرمنا من ارائك ..لأن المبدعين أمثالك إضافه بلا شك...
صدر السما ما ثـقـّله كثر الاجرام واللي تهاوت ماعليها حسوفه..................ترفع الأقلام..وتجف الصحف... |
أخي العزيزعطا الله ممدوح السلام عليكم ورحمة الله وبركاته بدايةٍ نتشرف بقدومك وتلبية الدعوة من شاعر له بصمه واضحه فالمنتدى الأخ العزيز راشد المشرفي فالف شكر له وأهلاً بك في منتديات السلطنة الأدبية صح السانك ولاهان منطوقك أبيات جداً رائعه فهي تدل على ثقافة الشاعر وخصوبة شاعريته ... واستحقة أن تكون في الأعلى بارك الله فيك إيها الأصيل واصل وتواصل معنا فنحن في شوق لجديدك |
اقتباس:
صديقي و اخوي عطا الله ممدوح اولا مرحبا بك بين اهلك وناسك قلم لا يأتي الا بالجزل كنت من المحظوظين حين التقيت بك في جولات شاعر المليون واستمعت الى اغلب قصائدك مباشره منك كنت سأسبق راشد لدعوتك لهذا الصرح ولكن سبقني حضورك لا يشبهه اي حضور ومن اجمل قصائدك و التي قريبه الي جميله من المطلع الى القفله بيّض الله وجهك اخوك علي الغنبوصي |
أهلا وسهلا بك عزيزي الشاعر المتمكن عطاالله ممدوح
أنت فعلا عطاء من الله لنا في هذا الصرح الرائع الغني المفعم بالحيوية والنشاط كلماتك فعلا روعة وجميلة نزلت أهلا ووجدت أهلا وأنت للشعر أهلا تحياتي العطرة |
أخي الشاعر: عطا الله ممدوح صح الله لسانك مدد بلا عدد أبيات منقوشه على لسان من يقراءها, ششت معها ياعطا الله كم واحد نشوفه من العام للعام اقرب من الّلّي كل يومٍ نشوفه |
ياسلام
استمتع بهذا النص الطيب الذى يحمل معاني ونصائح وتجارب جميله ك يا اخي كل تحياتي واتمنى ان تبحر بنا الى افاق مشاعرك في نص ممتع وجميل دمت بود معطر |
الساعة الآن 11:32 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir