|
سلامي ... أكتب بيت أو بيتين سجل بها حضورك .. ننتظر أبداعاتكم .
الغالين رواد هذا المنتدى الشامخ ... سجل حضورك بكلامك العذب .. من الشعر أو النثر , عمودي أو تفعيلة .. ننتظر أبداعاتكم .. لتحيا بها القلوب العطشى للجمال .. تحياتي لكم .. |
الخليفة
الخليفة عطشان من يروي العطش يا صاحب الدار الكبيرة ما جيت من ذنب الزمان مثلك أنا ... أيضاً خليفة خليفة الرب العظيم.... صالح النورزي |
أنادي
أنادي الود أنادي الود والفرقا ينادي يشتت كل من أعلن غيابه ألا أني لحوحن وأنت سادي تلذذت بألم صوتي وعذابه ومن فرط الرجا يخبوا جوادي وهفوت عالمك شح الصبابة صالح |
طبعكْ ذَهَبْ في الناسْ فَناّنْ ....................فِ قْلُوبُهُمْ حاضرْ وُغايِبْ فُوقِ الذهبْ لُولُو وَمَرْجانْ .......................فِي حَزّةِ الْحَزّاتْ ثَايِبْ مِثلِ الأسدْ في صُورَةِ إنْسانْ ..................مِنْ سَطْوِتِهْ مَا عادْ خايِبْ أم عمر |
أنا ...
في داخلي أنا في داخلي أكبر جبال ونازلات وحرب أعاصيرٍ ترامت من زحل لين اكتمل حده أشبه داخلي بكبر تجـّمـع للـنـوازل درب على هذا الطريق سنين وافي والقضى وده صالح النورزي |
مَتْفيدنا عَبْراتْ نسْكبْها ...............مَتْفيدِنا حَسْراتْ نِبْديها سَلّمْها لِباريها وُكاتِبْها .....واصْبرْ عَسَى صَبْرُكْ يدَاوِيها أم عمر |
غيثٍ سرى
غيثٍ سرى كريم يا غيثٍ سرى تالي الأمس خيم على الوادي وطم المسيلة مستبشر لآرام في مضحي الشمس وتداعبت كل الشعاب المحـيـلة صالح النورزي |
محلاك يا مبسم الروح والقلب ومحلاك يا مزين الجو بالصوت تهت بمساري وعلتها الدار والدرب وفرقى محبيني يسبب لي الموت |
ريح الجنوب
ريح الجنوب هب الشمال وذعذع المسك معناه ... مركي الليالي الدهم بين الحصيله يا مرحـبا مــرات محلاه .. مغـناه ... أيـضاً وقـول أنه الشــوابي دليله وأنا عـلى مرقاب قــلبي ومــبـناه ... أسج ورمي والمدامع صهيله وثني عنان الحرف جاشٍ بلاماه ... ريح الجـنـوب أللي تضـرَّح قتيله صالح النورزي |
رابي أنا ع الذوق والسّمْتْ ...................ما همني لغوِ الْمهاذيرْ صابرْ وُراضي لَوْ تَأَلّمْتْ ..............مَ خْشى منِ الدّنْيا مَحَاذيرْ وارسلْ مراسيلي معَ النّتْ ..............وازْجي سلامي للْمغاوِيرْ أم عمر |
عطر وبخور
عطر وبخور ـــــــــــــــــــــــــــــــــ عطر وبخور .. واقلام لو تكفي السطور أقوى من الشوق وعناه .. كانت مناه يا ليت يا حلم السنين ... تكتب لأيامي حنين .. آه الحنين ساااافر .. وضيع هالغريب .. في غربته بين الآماني والسنين .. يكفيه من شوق وعذاب .. شاف أغتراب . صالح النورزي |
دعاني لِلْقُرُبْ مِنّهْ ............مِجَافِي الْفَرْضِ وِالسّنّةْ وُباقَةْ وَرْدِ فِ يْدينِهْ ................يُقُولِ إِعْجابِ داعِنّهْ قِرِيتِ الصّدْقِ فِي عِينِهْ ................وُلَكِنْ خَابِ فِي ظَنهْ رَقيبِ نْ بِيني وْبِينِهْ ...............غَريبِةْ كيفِ نَاسِنّهْ؟! أَخَذْ وَرْداتِهِ الزّينِةْ ................أظِنْ لِي جَاهِ كافِنّهْ أم عمر |
يا غريب الظلام
يا غريب الظلام عـسعـس اللـيـل واقـبل ياغـريب الظلام في سـكـيـك المـديـنة طال مـد الخـلي لين فرَّع وشَجَّر من رياض الكلام ممتطي سرج سابح أو بساطٍ علي ساري النور عالي والغبيب السهام للنجوم الترامى يا كفاها الولي يالرَّفَقْ عهد ودك للملام الملام أرض بورٍ وبلقع ما حياها السلي صالح النورزي |
ليالي الطين
ليالي الطين وليلٍ مر بي ملهوف .. ينادي والصدى صوته . ليالي الطين غرناطة ... دموع المعتمد .. تسكب .. وكفين اللقاء .. غرقا .. مراسل والسماء ورقا ... حكت فرقا .. على شفاهك .. رشاف يذوب... قطاف أذنوب .. ليالي الطين غرناطة .. ليالي المسك والكاذي .. وكافورٍ ..يمد أجنوب .. ألين الشمس ما تغرب .. ولا وافي ..!!! صالح النورزي |
بقى غالي عجيب بقصته وامره كفايه يا زمن عبره وقلب يحن من صغره بقصة تمتلى أحزان وسهل نحل تعبيرة سليم القلب والسيرة ربى بالطيب فالديرة ويهتف باللحن أشجان واسمه فالكتب جمعه صريح القول من طبعه شهاده ويشهدوا ربعه سكونه فمرتع الخلان |
طير القطا يَلّي مَعَلي ............منْ صُوبها رفرفْ تِمَلّي عرج على ذيكِ الربوع ................الباطنة ذي دار خِلّي بالعودِ وِالكادي تُضوعْ ..........ماضي وحاضرها مِسَلّي دار الغلا بينِ الضّلوعْ ...........أهْدي لها بعضي وِكلّي أم عمر |
خذاني الشوقِ وَدّاني ..............لعِنْدهْ راح وُخلّانِي تَعاتبنا على الماضِي ...............ويومِ انّهْ تَحَدّاني زَعَلْنا راحِ عَ الفاضِي .....عُرَفْ بهْ القاصي والدّانِي رِجَعْنا والقَلُبْ راضِي ..........حبيبِ الرّوحِ سّمّاني أم عمر 6-9-2017 |
جبال الكور أنا مابين سلمى أو جبال الكور متعلي أشوفك يالكتايب والحروف جزال تفاقه يخالجني هواجيسك بحور وقمت باصلي على راس الجبل ما زلت أشب النار براقة صالح النورزي |
دنيا عواذل، كيف أصافيها ...............من يوم يومي عاثرن فيها دنيا دنية مالها إحساس ....................معروف أولها وتاليها أهل الوفا فيها أقل الناس ....................ما غيرت فيهم لياليها لتغرك الدنيا ذهب ولماس .................من طبعها تنسى أهاليها تشرب تلاقي مرها في الكاس ..............وتعيش هايم في صحاريها غامر ف هالدنيا ولا باس ..............وارجاك حاذر من عواديها أم عمر |
كل السفن والأشرعه
لــو مـلــكــت الــشــمــس تــحــتــار الــنــجـوم ولـــو عــــشــــقـــت اللــيــل لازم تــــتــــبـــعــه نـــعــــشــق الــــدنــيـــا وهــي دايــــم ظــلــوم عـــــيــــشــتٍ فــــيــها الأمـــانــي تــجــمــعـــه ! هــي حـــيـــاةٍ كـــلـــهـــا مـــثـــل الــحـــلـــوم ..؟! ديـــــــنــــهـــا ديـــــنـــك ولازم تــــــــدفـــعــــه يـــا هــــــنـــا الأيــــام لــي قـــلــــبٍ رحــــوم لا تـــخــــــلـــيــــــنــي أســـيــــل مـــدمـــعــــه ؟! بـــيـــن (هـ ) الـــدنــــيـــا ولــفــتات الـقــروم حــطــمـــت كــــــل الـــســفـــن والأشــــرعــــــة كـــان لــــي قـــــــلـــبٍ ولـــي خــــلٍ رؤوم بــــــأول الأيـــــــام حـــــطّــــم مـــــجــــمـــعــــه يــا هــــنــا بــــالـي تــــواصـــلـني عـــلــوم ؟! حــــــطّـــــــمــــت فـيك الأمـــــانـي زوبـــــعـــــة كـــان لــك عــــلــــمٍ بـــربـــي لا تـــــلـــوم ســـــــافـــرت كـــــل الأمــــانــــي مـــســـرعــــة واتـــراجـــع فــي حــســابــي لـلـــنـــجــوم كــــــــان لــي حـــــــظٍ أشـــوفـــه وتـــبــــعــــــه صالح النورزي |
بعض المواقف مُلهمة
صدق ، ومعزة ، وإحترام والبعض /منها/ مُظلمة كذبة على هيئة غرام .. تبقى/ الحقيقة/ مؤلمة وماعلى الدنيا ملااام ! |
في عيونك بوح طفلة ودها تحكي دهر
___ كل ما حبت تسولف خانها سمّع الزمان |
انا لازم اغيرني وأنساهم واتغير
وأخلي كل ذكرى تخصهم تصغر أعز النفس ،،، ولو قلبي يحبنهم كذا قررت ، أحاول حسب ما أقدر |
الي سهر متلحف بارد الجو
في ليلة فيها وحيد لحاله على صليب القاع جالس بلاضو يشكي خليل بالهوى ماصفى له هواجسه يلعبها الليت واللو مثل الضعيف الي غدا راس ماله بوحي |
حي الذي
اشعر بالاطمئنان قربه وحواليه
ما كنه الا بسلمٍ في حيــٰاتي حي بملاقاته وحي بسواعيه حي الذي من شوفه اشعر بذاتي |
طيرُ السلامِ يُحلقُ في السَماواتِ
وينتشي فَرَحًا مـن بين ْ جَنباتي أنا الحزين ُ وحُزني ليسَ مُهلكني ولستُ مَوجوعُ من نزفِ الجِراحاتِ لكنني وَجِـلٌ أقتاتُ مـن قلقي والخوف مِن ما يُسمى بالنهاياتِ |
| الساعة الآن 11:19 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir