منتديات السلطنة الأدبية

مساء الاحساس ..

.
.
.

لاتجي ..~

آنا حددت بغيابك منهجي ..
ليل باكي /
صبح بارد/
وحب مؤلم .، مقتنعه بانه خساره ..!

وانتظار اتعبه ياسي ..
وحلم تخنقه المراره ..

وقلب يفرح ، حيــــل يفرح
لاضحكت بعيد [ناســـي ] ..!

لاتجيني ..~

ظل غايب ،
ووفر اعذار الحبايب ..
[ آنا وانته مو حبايب .. ]

وحدي بس اللي احب ..
ولو تحب /
كان جرحك لي صعب
وانته قلبك دوم يبعد ، باختياره .. !

والخفوق تزيد ناره ..
وانا راضي في قراره ..
بس قلبي وش مصيره ؟

رد لو مره اعتباره .. !!

لاتجيني ..~

والله عوّدنــي الغياب ..
عـ القســى
عـ الحزن ، يمكــن

عـ التعايش في [ اكتئاب ] ..!!

عودَتني غيبتك لازاد شوقي /
افتح لماضيك باب ،
وآتذكر كل شي
من تفاصيل العذاب ..

وافتح اشيائي القديمه ،
يوم قلبك صدق ذاب ..
ضحكتك ، شعري ، جنونك
وقت ما كنّا قراب ..

لهفتي فـ البعد ، صدّك
كل لحظات انسحاب ..

عودَتني اسمع اخبارك من العالم .
ويسعدني الجواب .~

دامك انته اليوم [ طيب ] ..
والله يا محلى الغياب ..!!

عودَتني ما انام ..
واقضي ليلي في هيام ..
عودَتني انطوي
وابقى لحالي ،
واكره طيوف الغرام ..

عودَتني كثييييير اشياء ,
وانت تستكثر سلام ..!!

لاتجيني ..~

ما ابي اصعب عليك
لا لمحت بطرف عيني ..
دمعةٍ حنّــت تبيك ..
وآنا اداريها بـ ضحكه
وأختفي عن ناظريك

او يعذبّك احتضاري
فـ البعاد ويعتريك

ما أبيك تعود ثاني
واعشق اسمك واهتويك
وان رجعت ادري بترحل
بعد ما انا اموت فيك ..

لا تجيني ..~
خلّــنا بـ هالوضع ارحم ..
من خفوق ٍ يرتجيك
ولابعدت بيوم عنّــه
تجبره اللفه يجيك ..

لاتجيني ..~
يا تفاصيل العنا
وينك انته ووين انا ..
بيننا سكه طويله ، ما قطعها حبنا ..

ادري ان البعد قاسي ،
وموتنا بـ فراقنا
لكن حظوظي تعيــّا
تبتسم لاشواقنا ..

لاتجيني ..~
خلني احيا بعمري
ميته بجنون فيك ..
شوقي ايعذب خفوقي ..
وفي نهاياتي ابتديك ..

لاتجيني .. ~

احساس طفلة