مساجلة بين الشاعر راشد بن عامر الصلتي والشاعر مبارك بن مسلم
هذه المساجلة كانت بتاريخ 27/12/1996 في الرفعة بنيابة طيوي
راشد: صلوا على نبيٍ في الدين اشتهر كسر صنامات اليهود العاصيه بقسم تحياتي على عد البشر أهل المعاني والقصور العاليه مبارك: محمد نبينا بالصحابه منتصر بسيوفهم وعلى ظهور العاديه يا مرحبا بأهل المعزة والقدر بوصولكم صبحت جروحي شافية راشد: نذكر نبينا عد منطق له الحجر أمر من المولى وقدره إلاهيه لو ما وصولك ناوي عنهم بعتذر أمشي فأرض الله ورجولي حافيه مبارك: صلعم شكاله الجمل وكلمه الشجر وسبح حصا الوادي فكفه الغاليه الليله يا صاحب بنظم من سلك الدرر من شفكم يا اهل القلوب الصافيه راشد: لو ما نيبنا ما حتنا الغصن وثمر والطير سبح والتواريخ باقيه رجلٍ صغير ولاني متعاطي الكبر لو تعقني وسط البحور الطاميه مبارك: العنكبوته والحمامه والسدر في الغار كم قصه كذا متتاليه أنته سنادي وتاج راسي والفخر يا معدن الجوده وجبال الراسيه راشد: بدي بسؤال وانته بالسؤال أخبر صاحب فهامه ولك قلوبٍ هاديه إمتى سفينه نوح راحت فالشهر ورجعت على الجودي فشهور الباقيه مبارك: فشهر الرجب سارت على غزر البحر وستوت على الجودي فحمرم راضيه ويا صاحبي تميت قولي والفسر عسى جوابي ما قصر بالقافيه راشد: كم السفبنه طولها يومٍ وشر وكم السفينه عرضها في القاريه ويش مالعلايم عالسفينه في الصدر لي تربط الليل ونهار الخافيه مبارك: كم عمر نوح يوم تولم للسفر وهذا جوابي يا رئيس الناديه ثلاث الميه طول السفينه مانقصر وزادوا ثلاثين العرض في الحاميه راشد: نعرفه الجودي لأنه صمٍ مالصخر سافر فأمواج ورياحٍ عاتيه أما العمر يمكن فخمسين استمر وهناك تاريخ الكتاتيب عاليه |
ما عليك زود استاذي نسل الهواجر الشاعر راشد والشاعر مبارك رماميس كبار تشكر علي النقل تقبل مروري |
أشكرك يانسل الهواجر على هذا النقل الجيد والتوثيق ، وبارك الله فيك ، وما على الشعراء الآخرين قصور في رمساتهم ياخالد الكويلي . تقبلوا خالص تحياتي |
تسلم يا نسل الاجواد
مجهود طيب وواضح ربي يعفيك |
أحسنت يانسل الهواجر نقل
طيب تشكر عليه تسلم ((أبوسامي)) |
الساعة الآن 08:32 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir