|
وطن عشق المشاعر
من الجديد لقلوبكم على حلو السوالف فوق سبع ابحور دخيلك ياهجوسي فضي السيره مع حلو النبا من قبل خمس اشهور تقابلنا على خط الغرام اللي معاذيره معاذير الغلا وقت الجفا ياحظه المكسور دهاه البعد مدري وش دهاه وغادر الديره وسافر من مطار العشق يوم الصبح فج النور ولاه ب ديرةٍ سكانها يا رب ف الخيره وطن لكن ماحوله جيوش ولايلفه سور وطن عشق المشاعر مابرى له غير تقديره طمع به صاحبي يالين عاش بداخله مسرور هنيٍ له على الموطن هنيٍ له على الجيره عداه اللوم مايلحق مداه ولاعليه اقصور علومه غانمه لكن لو يسلم من الغيره تشب النار في صدره ويحداني على المحظور وانا كلي رجا من قبل ماتقصر مساييره اجي يمه وابادله الغلا واقول له مشكور علومك غانمه لكن ما تسلم من الغيره |
وطن لكن ماحوله جيوش ولايلفه سور وطن عشق المشاعر مابرى له غير تقديره صح الله لسانك الشاعر رامي العتيبي... أبيات عذبة كعذوبةِ شاعريتك الفذة ننتظر المزيد من الإبداع الفريد بصاحبه... |
اقتباس:
أخي الغالي رامي العتيبي السلام عليكم ورحمة الله وبركاته صح السانك ولاهان منطوقك أبيات جميله وقصيدة عذبة بالمفردة ولكن أستوقني البيت الملون بالأحمر + الشطر .. فقد تغيرت تفعيلته عن باقي القصيدة ... أرجوا أن تكون غلطة مطبعيه يعطيك العافيه.. أنتظر تواصلك الراقئ تحياتي وجل تقديري |
اقتباس:
صح بدنك وشاكر مرورك وشهاده اعتز بها |
اقتباس:
صح بدنك يالرادار وسلمت على التنويه والابيات بالشكل التالي لكن سقطت بعض المفردات سهوا نتيجة الكتابه على حلو السوالف يارفيقي فوق سبع ابحور دخيلك يالهجوس اللي ب صدري فضي السيره مع حلو النبا ياصاحبي من قبل خمس اشهور تقابلنا على خط الغرام اللي معاذيره |
الاخ الكريم رامي العتيبي
أحيي الرادار وأحييك أهلا بعودتك التي بلا شك مثرية للمتلقي بجديدك أتمنى لك التوفيق دام عزفك شكرا تقديري |
انور السيفي
صح بدنك ولاهنت اسعدني مرورك |
صح لسانك وعلى شانك على هكذا بوح ياسيدي
ودي لك |
رامي العتيبي شاعرية تستحق أن نصفق لها وتحتفل بها قلوبنا هكذا الشعر بروعته بمعانيه بموسيقاه بقوته صور فنية حافلة جاءت كلوحة تأسر القلوب صح لسانك |
خليل
صاحب الامتياز صح بدنك وشهاده اعتز فيها ولاهنت |
| الساعة الآن 08:38 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir