((قصيدة::فـــراق و خــيــانة))
 

((فراق وخيانة))
١)يوم الوداع ودمعة البين تعطيك
وش هي غلاتك في ضميري ومعناك
٢)وحنى نتفارق دمعتي تون تبغيك
ودمي يتعفن قال وقف أنا أرجاك
٣)بس الخيانة شي يجبر أخليك
والله يعين إلي قضى العمر يهواك
٤)عافك فوادي وقد فرح يوم يجفيك
لأنه عذابه أنزاح من يوم خلاك
٥)كذبة عيونك زيفتلي مباديك
وأنا فضني بأنه لي الصدق مجراك
٦)يا هي خسارة يوم عمري يحاتيك
ترجف سنيني إن حدث شي آذاك

٧)أمشي فعز الظهر حافي لراضيك
وأوقف ع بابك دون ما حس لأشواك
٨)ويومك تطل بوردتك صحت أغليك
أنته نسيت ولي يحبك ما ينساك
٩)لنك فذاك اليوم يا الخل شاريك
وتتكسر عظامي وأنا أركض لأفداك
١٠)وأنسى كسوري في حضورك وأناجيك
كيفك حبيبي كيف قلبك ودنياك
١١)وهاليوم واقف ما أنت قادر وأحاتيك
ما هي محبة بس ذا الأصل واساك
١٢)يبكي قليبك خايف يقول وش فيك
لنك غدرت ومستحي توضح خطاك
١٣)روح فداع الله ما عاد أبغيك
بعت الحبيب الي يودك و يبغاك

١٤)عايش فخوف وأرتبك لو أناديك
خايف بليس يوسوس أقوم أخطاك
١٥)ذقت المرارة والمذلة في ماضيك
هذي جزات إلي حبى النار يهواك
١٦)مبروك خلي إلي بغيته يكفيك
وبتعرف شعوري يوم غدرك إذا جاك
١٧)أرجوك خلي من هويته يواسيك
أما عليي روح طفره من يباك
€€€الشاعر/مازن المعمري