مبارك :
صلوا على نبــــي ٍ لـي طـــرّش طـــــروش :: ولحقوا على ذيك المره لمطرّشــــه
بنثر سلام ٍ ع الأرض الوســــــيعه يحوش :: ويصعد على جو الســـــما ويحوّشه
أحمد :
ســــميت بالله واهديكم عطـــــر مرشوش :: بتحيـــــــةٍ مني لطـــــيفه ومنعشـــه
قولك عجبني أمثـــال الحــــــــرز منقوش :: ويشبه على خنجر جـــديده منقّشــه

مبارك : ( تكملة القصة )

طــــرّش ثلاثــــه ماطــرّش عليها جيوش :: عن لاتضيّع خبــر جيــــش ٍ جيّشــه
لحقوا الظـّعــينه وستوى عـقلها مربوش :: مافكّـــروا فيها وربيـــش ٍ تربشـــه

قالوا لها خــــرجي كتـــــاب ٍ من عروش :: ولا ّ تــــرى ننزع ثيــــاب ٍ معــرشه
قالت ســــتركم ويديــها الكتــــاب تنـوش :: واستعجبوا منها وهـــــي تتناوشـــه

بيــن الظــــفـاير أخــفــيـتـّه في الكشوش :: يوم ٍ ظهـــر شعر المــوالي كشكشه
خلّـوا الســبيله م البكــا تجهــش جهوش :: متعـــــوّده سيـــــح الخلاوي تجهشه

رجعوا المدينه وقابلوا الوجـــه البشوش :: وكذا الصحابه وجوههم متبشبشــه
قال النبـي لحـــــاطـــب في قلبك غشوش :: وضّــــــح ترى دينك حرام تغششــه

قال العـفــــــو صافي فـوادي بلا وشوش :: ولا ظنـــتي شـــي فحياتي وشوشــه
الاسلام حصنه سـور واثــق مـَ مدشوش :: ولاحد يقدر من فـــــوادي يدشدشــه

وحــــــــب النبي بين البصيره والرموش :: نبضات قلبي ونـــور عيني ترمشـــه
لكن فمـــــــكه أهـلي والقرابه تغـــــوش :: والعـــــهد مابين الحنايا له غـْــوَشَه

أنا عطيت ساره في الأمر عشرة قروش :: لا يغيب حاطب والسبب نـــقد اقرشه
يللي اسمعه تعجّـــب والعقـــــل مدهوش :: حتى النبي قـــــــــدّر كلامه وادهشه !

أما عمر تغضــــّب مـ الربــــــع مهبوش :: قايم على حاطــــــــــب بيـــــدّه يهبشه
ناوي يقــتــله بالســــيف الصقيل يهـوش :: من ذا الذي يقدر عمــــــــر بيهاوشه ؟

قالْ لّـه النــبي تهادى بكــــــلام ٍ هشوش :: وكل من سمع قول النبــــوّه هشهشه
حاطب صحابي وإيمانه قــــــوي الجوش :: يوم ٍ شهــــد بــــــــدر الكبيره جــوّشه

ربّــــه غفـــــر له ماتقـــــدم من غطوش :: حتــــى الذي فأخـــــر حياته يغطشـــه
وجمع الصحابه في العــــلا بين النعوش :: كل واحـــدٍ قـــــدوه فمكانه ونعـشــــه

شي مـ المواقف أمثال الرصاصه تدوش :: ويللي مـَا حكـّم عــقـــل راجح تدوشه
والعقل نعــــمه كالمــاس وجواهر طوش :: فضـــــل ٍ من الخالق ولاحــــد طوّشه

هاذي حكاية حاطب ع الأهـــــل موحوش :: والله يجمّع شــــــــمل كل من يوحشه
رخصــــــه وسماحه يللي بالدّنـا مبلوش :: محنه الــــــذي آخـــــــر زمانه يبلشه

أتمنى أن تنال القصة والقصيدة على رضاكم ،،،،