(القهوة ) تفوز بالمركز الأول في المنتدى الأدبي
القصيدة الفائزة بالمركز الأول في مسابقة المنتدى الأدبي بوزارة الترث والثقافة - سلطنة عمان - لعام 2009 م أبيات القصيدة في الرزحة من فن أبو كلمة: وهو الجناس التام في اللفظ بين كل كلمتين في القافية مع اختلاف معناهما0 { القهوة } من ذا الذي يقـــوى يـقاوم حــــبّها ------ في بحـــــرها ناسٍ كثيــره مهــيـّعه ؟ هايـــم تراني في عـــديني حـــبّها ------ يــــوم يتـقـلى فـــوق نــار مهجّـــعه من ريحته كسر الخواطــر رّبـــها ------ واكشف معـــــاناةٍ خفـــيّه واقــنـعـه قامــــــت تحــــــمّد للإلهي رّبــــها ------- يللي هـــدى راعي البهايم واقـنـعـه غرّد على الهاون يزافـن ضربها ------- كل ماشيٍ وقّـف مسيره وجـس معه لن قال قاــــيل بالسوالف ضربها ------- حكي العواذل من يشـلّه ويســـــمعه بدل الحطب نارك بضلعي شـــبّها ------- خلّي لما القهــــــوه نجومه مشرّعه عازم عليها من شــيوبه وشــبّها -------- لانها الوحيده اللي خمرها مشرّعه يا ســــاقي القهــوه تفضّل صــبّها ------- غـــنـّم من الـــدّلــه ثـــلاثه واربـعه شربة فناجـــينٍ فـــــوادي صــبّها -------- ترجـــع إلى راسي فــكرته وربــعه هايم متـيّم ما بتــعــد عن شــربها ------- مهــجـة فوادي في هـواها مولّـعه فيها المنافــع غالبه عن شــربها ------ لهجرتها جســـمي حـــراره مولّـعه يا صحابي كثر الهواجس طـــبّها ------- أسأل مجرّب عن أثــــرها وطــبعه معنا شهادة من حكم في طـــبّها ------- قـال اشــربوها كل واحــــد وطــبعه مبارك بن مسلم الصلتي أبو مسلم كتبت القصيدة بناء على طلب الأخوة والأخوات وعسى أن تنال القبول لديهم ، مع تمنياتي للجميع بالتوفيق 0 ( وتقبلوا خالص تحياتي ) |
اقتباس:
ابدعت استاذي ابدعت الفكرة وايد حلووووة " القهوة " الحين بعد باقي السيف وهذا ميدان لك استاذي بضاعة على الشط بوم سلم فراسي أمس ياتنــــــي رنه عاتب أنا عليك بو مسلـــــم لا مسج(ن) ولا ياتنــي رنه ومنك السموووحه الضحك والمداعبه بعض الاحيان مطلوبه |
مبارك لك الفوز أخي أبو مسلم
وبعيدا عن المجاملة هي قصيدة تستحق التكريم لما حوته من فنون بناء قصيدة الرزحة.. وانا بمناسبة الفوز وبحكم الزمالة أهديك التالي: رفّع ع البعير يم بارك لغيز الي محلان يتيمم ذاخر من العام لي ما وصوف انته المهوي العود لي موصوف يوم تنقصر أنت يمبارك يبقى الهوى عاد يتيمم |
نعم قصيده تستحق التكريم
ابدعت استاذ مبارك وتستاهل المركز الاول |
شكرا اخي واستاذي ابو مسلم
قصيده روعه |
تسلم على تلبية الطلب أستأذ بو مسلم أبيات جميله تُشكر عليها وتستحق الفوز . |
مبارك الصلتي
ألف مبرووووك وتستاهل يا أبو مسلم ، وهذى ما غريبه عليك أنت قامه شعريه أدبيه مميزه. |
اقتباس:
بناتك لي غلطان مابرنّه ---- أنا الفارسي عزيت مع توبي منّه العدو عاد ماخــافي ---- ياولدي الخبـــر كان ماخــافي حــن نتصل دوم مابرنّه ----- لــو ينتهي كـــــــل معتــوبي ( وتقبل خالص تحياتي ) |
اقتباس:
أشكرك أخي الرحبي على هذه الكلمات الطيبة ، ولعلك تريد أن تقول بلسان الحال كما قال أبو مسلم في الجواب على قصيدتك : بسيح الهوى ماعليه قصور **** ينهم على عمر ويزيـدي دوم بســـــما المجد ماهوينا **** وصحة لنا لسان مهوينا وكل شــــاعرٍ ماعليه قصور **** يكتب مثل ذاك ويزيـدي ( تقبل تحياتي ) |
اقتباس:
أشكرك على قراء ة قصيدتي ، وتشجيعكم يدفعنا إلى الإبداع قدر الإمكان . ( تقبل خالص تقديري ) |
الساعة الآن 03:55 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir