|
ربي هزمهم دون جند وطايره
محاورة بين الشاعرين
مبارك بن سالم الجابري وسالم بن سعيد المحيجري في قروب نجوم الشعر والميدان بتاريخ12/8/2014 قال مبارك: سميت بالله لي بكل سر ن علم ربن تنزه عن عيونن تنظره وبنثر سلامي على القبايل كلهم من صافي الخاطر سلامي انثره سالم: سبحان ربي عد ما خط القلم وبعداد ما هلت سحابه ماطره حيا بسلامن زادنا فخر وكرم وإن كان شي خبر ن تخفيه انشره مبارك: توه تبشبش قلبي ونزاح السقم ساعت وصوله هالعقيد وعسكره لو ماوصوله سالم ميدان الحزم بأكون ناوي هالطرب باعاذره سالم: يوم ينهم الناهم نلبيله نعم مبارك ربيعي مابغيت أودره أول تفضل بنتناشد عن علم وساير فؤادك فالأمور الخيره مبارك: انته سنادي يوم م الناهم نهم وايب عليه من مثلكم اسايره ماشي علومن يبنا ياعالي رسم غير الزمن غييب فوادي وكدره سالم: راعي الفهامه دوم دايم ملتزم يمشي فمساره وبالصراحه نحاوره ومن أجلكم بكتب حروفي فالرزم واللي زعل يلزم علينا نفاكره مبارك: حن ماتبعنا درب العسامه والخصم بونه الزعل يله أوناس تسامره جيش المريكي فعزه ثار وهجم خلى عيون العالم سالم تنظره سالم: بونه العسم يا صاحبي يلحق إثم وراعي العسم لاتحاوره ولاتناظره وعن ذكرهم يلي يعادونا بدم ربي هزمهم دون جند وطايره مبارك: يا بن سعيد عن لا تزيد المواجع غم.. كم م المصايب م اليهودي صايره.. وكسر الجبيرة سالم ميجيبه الوشم.. العمر باقي ولا تموت جبايره سالم: يا الجابري شي من الجباير تلتحم وكم من قصص يلي ارتوتلي دايره وربي الجلالي فالمصاحف كم كتم بيعود نصره والزمن كالدايره مبارك: كان القصص تحكي ع الجباير سم.. عسى تنبض عراقه وزمنه يعاصره. أشر بيدك وعسى الفوايد باتعم.. عاصر زمانك أنا زماني خاسره سالم: بالذاريات والطور وآيات النجم وبعداد ما تدعوا القلوب الطاهره وباوادعه راعي الفصاحة والرسم وفي وداعنا ندعوا الإلهي مغفره تمت |
خوي سالم
ماشاء الله عليكم كلمات جدا راقية ملية بالاحساس وتحاوركم بينه تفاهم وانسجام بشكل كبير واضح وينحس صح لسانكم مبدعيني لامانة قريت من قبل تحاور بين شعراء . بس ما حسيت بجمال التحاور مثل الي نثر اهني اسجل باقات احترامي باقة من الورد لهكذا جمال واسجل مروي بالابيات اوقفتني كثيرا ........... مبارك: يا بن سعيد عن لا تزيد المواجع غم.. كم م المصايب م اليهودي صايره.. وكسر الجبيرة سالم ميجيبه الوشم.. العمر باقي ولا تموت جبايره سالم: يا الجابري شي من الجباير تلتحم وكم من قصص يلي ارتوتلي دايره وربي الجلالي فالمصاحف كم كتم بيعود نصره والزمن كالدايره |
وهج الروح
شكرا لمرورك الرائع وتعليقك المثري للأبيات يدل على ثقافة قارئ وتحليل ناقد المحاورات غالبا عندما يكون مقصدها وأحاسيسها موالمة للموضوع تأتيك الكلمات بعفوية لأنه يندمج الإحساس بالواقع شكرا لمرورك المشرف لي والداعم لكتاباتي البسيطة. |
أخي الغالي سالم سعيد المحيجري السلام عليكم ورحمة الله وبركاته كالعادة رائع بكل ماتجود به علينا صح السانك والسان الشاعر مبارك بن سالم الجابري استمتعت بقرائتي لهذة المحاورة الفاخرة ... كن بهذا التألق دوماً اسجل حضوري واعجابي |
قوة الله فوق قوتهم ألا شلت أيادي الفجرة ، حقا الحمد لله كسر الله شوكة الأعداء أخي سالم لك الشكر والتقدير وصح لسانك أنت وشعراؤنا |
اقتباس:
صح لسانك و لسان الشاعر مبارك.. |
صح الله بدنك
يا أباميحد شكرا للتعليق |
اخي العزيز والشاعر القدير سالم سعيد المحيجري محاوره جميله جدا ورائعه تسلموا شعرائنا مبدعين وما عليكم زود وننتظر جديدك هنا دائما ودمت بكل خير وموده اخي الكريم وتقبل تحياتي |
الأستاذ خليل لك كل الإحترام والتقدير شكرا لك على المرور الكريم
|
| الساعة الآن 12:58 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir