"ثياب الطين"
 

تحية ملؤها الأشواق وبعد..
متواضعتي البسيطة أتركها بين يديكم!!
مع خالص الود..



فقير ما معي إلا فتات الخبز واليقطين
أصارع جوعي وأبلع صدى صوته وتلحينه
أشوف الناس من حولي فقير وعاجز ومسكين
وأشوف اللي سهر يحسب فهالظلمة ملاييينه
وأقول فخاطري دنيا ولازم تفرض الإثنين
وفايز من قبض فيها على الجمرات من دينه
أنا ما أريد لي أحيا وفي جيبي هنا ألفين
وقلبي تايه وحاير ولا يعرف ميادينه
حزين ودمعتي تنزف مواجعها على الخدين
كأن الدمع مو دمع ولا السكين سكينه
وأنا غارق مع دموعي ندهني صوتها في الحين
ندهني صوتها يرجف وأنا احاول بتسكينه
يا يمه لا تلوميني أو تزيدي الجرح جرحين
يموتني ترى دمع غديتي الحين تبكينه
دخيلك لا تقولي وين نآكل أو بنشرب وين
دخيلك لا تحاتيني ولا خويه تحاتينه
دخيلك لا تذلي للأوادم جبهتك ترجين
ترى ما غير خالقنا لزوم إنه إترجينه
يا يمه حيل أنا صابر لو ألبس من ثياب الطين
ولو كان البشر كلها تعايرني بهالطينه
عشانك راح أنا أسعى ما دامك لجلنا تسعين
عشانك راح أطوف الكون في بره وبحرينه
أبحضن دمعة عيونك وأضمك بين نبضي وبين
أبهديك الفرح لحظة وأبفرشلك رياحينه
تربينا وحنا صغار ع العفة وعلى أغلى دين
تربينا على طيبك على صبر تضمينه
لزوم إن الفرج ياتي وكل عسر وله يسرين
وتضحك لجلنا الدنيا وتكبيرك تهلينه
فقير صح لكني أنا مؤمن برب الدين
وإنه قادر بأمره يفك الضيق من حينه
يايمه راح أنا أصبر لو ألبس من ثياب الطين
ولو كان البشر كلها تعايرني بهالطينة..

تحياتي ومحبتي
أختكم"صوت الشمال"
"لا إله إلا انت سبحانك
إني كنت من الظالمين"

اللهم صلي على محمد و ال محمد الاطهار

الف شكر و تحيه

الله يسلمك

اخوك علي

هلا صوت الشمال
طبعا انتي معرفه شخصيه وليس بغريب علي ابداعك
نص جميل

كلمات جميله كجمال العنوان
صح لسانك

صوت الشمال....
قصيدتك رائعة جداا تستحق الإعجاب والتقدير
ربي يعطيك العافية...

جميل جدا

سأكتفي بالصمت ايها الجميل