|
جميلة الجميلات للمهزاع مهداه ل نوره البادي
الأخت العزيزة الشاعرة المميزة نوره البادي دائمة السؤال عن آخر قصائدي وهي حقيقة متابعة للجميع وبالمناسبة فهي تتمتع بذائقة شعرية رفيعة المستوى والله دون مجاملة وأمنياتي أن تجد في آخر قصائدي ما يرضيها ... وقد يستغرب بعض الشعراء في المنتدى لطولها والسبب أني ألقيتها مختصرة في الأمسية الأخيرة بمستشفى صحار لضيق الوقت وهنا أنقلها كاملة جميلة الجميلات جاتَ اقْبلت .. آي يالملاَ سْكووووت وَ لا نَـفَــــــسْ كــلّ البنيّــــــّات جت لي تقول ِ بْآعِلى صوت جَبْ جَبّ جَبْ جَبْ للحليوات !! ستّ الحسن والحِسْنِ تابوت حلاَ وْ حلاوَه وْ سكِّرِ نْبات زبده علَى مْربّى علَى فْروت بالمصري يعنِي نْقول شربات عقّ ِ اشْنِبِي انْ كان هالتوت لا شافها أجّب ولا مــــات !!! الشَّعْر كنَّهْ وادي ِ مْحوت وإلاّ شرى وادي قريّات يا إِنْك تدخل فيه وِتْموت أو لَهْ تِوَقّفْ سَبْع ِ ساعات !!! والحرف يتحوّل لبسكوت في فمّها وِيْصير حلوات وإلاّ الشفايف سِحْر هاروت أو كنِّهِنْ صبعين كتكات لا جن على الشاهي أيا الموت يغمى عليهن لِاسْتكانات !!! وَاخْلاقها أَذْكار فِ كْروت كَنْها صلاه من دون ركعات لا شافهَا مْطوَّعْنَا بخّوت قالَ احْذروا للموت سكرات حتى الفلل وِصْغار لبيوت يومِ اعْرفن تهوى العمارات تجمّعن يدعن في لقنوت يا لله عسَى إطّيح البنايات !! عندي غلاهَا انْ قسته بالفوت الأرض والسَّبع السموات ومن أجل تقرب صوبي وتفوت أضطر أسوّي لي حراكات يعنِـي ارْمي نفسي في فَمِ الحوت واطلع لجل كلمة سلامااااااات في عينـَـهَا فْـتيلهْ وباروت تهديد وِسْلاح وعصابات وِرْموشـَــهَا انْ نزلن براشوت !! وِرْموشهَا انْ طلعن بلونات !! واسنانها كالمشط منحوت متساويهْ فيها الفراغات بيضٍ يشبهنْ بَـاقْربِ نْـعوت حجّاج يقرون التحيّات !!! أحبها ويقال مبخوت عنده جميلةْ ... ألجميلات ع وَصْف أمّي قرص مفتوت فوقه عسل والسَّمْن مزّات لِدَرْجَةَ انّه الْحَرّ منعوت بَارْضَ اْلبريمي في المحطّات والعام خفنـَا تْقول حرْ مووووت وتجي صلالة تقود دربات !!! حمود المهزاع معنى جبْ جبّ جبْ جبْ للحليوات يعني ( أصْ أصّ ) يعني بالفصيح صَهٍ وبالمصري إخرس |
تستاهلين الأخت نورة
وأشكرك على قصيدتك المهداه لي في منتديات نور عمان |
السلام عليكم ورحمة الله وبركاته .. حمود المهزاع .. شاعر جميل .. بس والله كنه كلامكم شوي يصعب علي .. أجلس أقراه كم مرة عشان أفهمه واضحك على نفسي لأني أحس عمري مثل الطفل غلي جالس يتهجا الحروف عشان يقرأ الكلمة .. بس للأمانة .. شاعر متمكن .. وتستاهل نورة تلبي دعوتها .. ودي لكم جميعا .. |
صح لسانك أخوووي المهزاااع
قصيدة حلووووة بس من وجهة نظري ولكل شخص وجهة نظر في اشياء كثيرة فالقصيدة ما لها داعي واشياء اخرى مستهلكة كذلك... بس هذا ما يخفي شاعريتك أكيد.. تقبل مروري... |
ماعليك زود ابو نهيان كفيت ووفيت شاعر متمكن بكل معنى الكلمه وقصيده جميله وفي محلها وتستاهل اختنا نوره تلبي لها الطلب " " " |
كعادتك دوماً متألق إلى حد الإبداع حمود الهزاع لاعدمنا إبداعاتك |
متألق يا أبو نهيان
لك مودتي هيثم |
اخجلتم تواضعـــــــــــــ:rolleyes:ـــــــــنا تسلم بونهيان الإهداء رأقي كشخصك ولي عوده بوقت أفضل |
[quote=غربة أسير;39648]
السلام عليكم ورحمة الله وبركاته .. [/quote]حمود المهزاع .. شاعر جميل .. بس والله كنه كلامكم شوي يصعب علي .. أجلس أقراه كم مرة عشان أفهمه واضحك على نفسي لأني أحس عمري مثل الطفل غلي جالس يتهجا الحروف عشان يقرأ الكلمة .. بس للأمانة .. شاعر متمكن .. وتستاهل نورة تلبي دعوتها .. ودي لكم جميعا .. مجرد مرورج أثلج الصدر وبكثرة قراءة القصائد النبطية والشعبية بتتمكنين تدريجيا من قراءة كل القصائد شكرا شكرا شكرا يا أوّل الحاضرين |
إستاذي الكريم
السلام عليكم ورحمة الله وبركاته صباحك خير ورضى بأذن الله تعالى إستاذي الكريم ما هي غريبة على الشاعر حمود المهزاع كالعادة روح التميز والثقافة الشعبية المترصنه التي قد تحافظ على تراثنا الجميل وبحد ذاته شاعر يطلق عليه راعي الأولة وهذا ما لا حظته بنفسي في الأمسية التي كنا من جماهير ومتذوقين حمود المهزاع ويشرفني المرور بحروفي المتواضعة طاب صباحك بكل خير ماجد الخروصي |
| الساعة الآن 09:02 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir