|
اذيه سمحتن من نسلْ صوغان ؟
السلام عليكم ورحمة الله وبركاته اخواني الاعزاء المحترمين اليكم هذه المحاوره في فن الميدان بيني وبين الشاعر القدير سعيد العيسري قال سعيد العيسري خيل اليمن من سبا جلبوش ********** وراعي الفلس عنده روبيّه كضْ الوقت كضْ فالمر كاض ******** وتو لافني الشتم والسّب جا اذي سمحتن جات فالمركاض ********* حازت على الفوز والسّبجا انتوا حاذروا من سباج البوش ************* بتباعدوا عن دروبيّه قال عبدالله الراسبي اذيه فضّتك منّه سلْ صوغان ***** وفي وقت العصر ياك لمسرْ حات يوار الدّهم امس مر كضْ بوش ********* وشفت الابو تو مر كاضي سمحه اسْبقت يات مركض بوش ******* ولا اخْطفت دون مركاضي اذيه سمحتن من نسل صوغان ؟ ******** ولا من البوش لمسرْحات ؟ قال سعيد العيسري كل نخلة سعيد قحطا نيّه *************** واكثر عن الخير شرْ واهنْ ستة رجاجيل يومتْ ميل **************** مشيّد حصونه وبرّاجه اذيه تسلب عقول يوم تميل ************ يلين خطفت جات برّاجه اذيه من شرف قوم قحطانيّه ********** م تلقى ولا تشوف شرواهن قال عبداله الراسبي شلّي التمر زايده بو صاف *************** وعطوني نخلتن هلاليّه شاري م سوق الحسا سيدي ********* ميمر وانا شريت ح السّاده وخذ لك حذر م الحساسيدي ************** عن لا ينظلوها حسّاده اذيه سمحتن زايده بوصاف *************** وزادت ع بكره هلاليّه وتقبلوا تحياتي |
اخي العزيز عبدالله الراسبي
سعدت كثيرا بإجراء هذي المحاورة معك وانت شاعر كبير ولك كتابات جديرة بالذكر تحياتي |
ما شاء الله على هذه المحاورة الرائعة المتميزة .. تسلم أخي العزيز عبدالله الراسبي وتحية للأخ الشاعر سعيد العيسري على هذأ الابداع في فن الميدان ...
دمت بكل ود وسعادة أخي العزيز واتمنا لك كل التوفيق والنجاح وكذلك الأخ العزيز |
الأستاذ القدير عبدالله الراسبي السلام عليكم ورحمة الله وبركاته صح لسانك ولاهنت ابدعت بهذه المحاورة الطيبه والشكر موصول للشاعر القدير سعيد العيسري مبدعين في المحاورة ولايستغرب الابداع من اهله لكم بصمات واضحه مغلفة بالألق تقبل مروري وسجل حضوري |
تسلموا على هذه الأبيات المتقنة
ماقصرتوا أبدعتوا ثم أبدعتوا تقبل مروري |
شاعري القدير وأخي العزيز عبد الله الراسبي هنيئا لكل من تشرف وكان معك ينبض بشاعريته قرب شاعريتك التي نعتز بروعتها وجمال معانيها لك الألق أيها الراقي احترامي لك أيها النبيل |
اقتباس:
تسلم على هذه القصائد الرائعه شاعر ولك مكانتك الخاصه في قلوب الشعراء ودمت بكل خير وموده وما عليك زود ولا هان شانك ايها الاصيل وتقبل تحياتي |
اقتباس:
في حضورك الراقي والجميل تسلم على هذا المرور العذب والطيب وما عليك زود ولا هان شانك ايها الاصيل ودمت بكل خير وموده وتقبل تحياتي |
اقتباس:
في حضورك الراقي والجميل تسلم على هذا المرور العذب والطيب وما عليك زود ولا هان شانك ايها الاصيل ودمت بكل خير وموده اخي العزيز وتقبل تحياتي |
اقتباس:
في حضورك الراقي والجميل تسلم على هذا المرور العذب والطيب ودمت بكل خير وموده ايها الاصيل وتقبل تحياتي |
| الساعة الآن 01:34 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir