تراث أجدادنا
تراث أجـــــدادنا نظمة الشعــر وشديبـــه : على مــــوال ترتيبـــه نسجته من خفــى الخـافي : واجــــــدد في تراحيبه انادم حرفـــــه ابلهفــــــه : مكانه مــــول مسخيبه اداري الشعــــر والعـــدات :وكل موروث اعزيبـــه عصى وانقلـــت باكوره : ارى في حملـــها هيبـــه حملها كــــم نبـــي قبلي : نعـــم والرجــــل تزهيبه مارب كم بـــــها نقضي : فوقت العنـــف والطيبـــــه افكتاب الله مذكــــــــوره : فعلها الكـــل يدريبـــــــه إلاهي معجزه جعلــــها : لفرعـــــون وأكاذيبـــــــه تلاقي فالعصى فوايــــد : لكل وقــــت وأساليبـــــــه تصور والرجل قــــادم : وعربانـــــه تهليبــــــــــه محافظ دوم عالموروث : وتابــــــع سيرة الشيـبــــــه مغره وقت هالموضه : ولا قال العصــــى عيبـــــه ألا ياجيلنا الصاعـــــد : تراث أجـــــدادنا أمشيبـــــه تراه فقلوبــــــنا غالي : فوسط العيـــن نغضيبــــه عباره واضحه المعنى : شرى نقــــش أفمحاريبــه |
السلام عليكم ورحمة الله وبركاته اولا اسمحلي بتشوف اسمي في مشاركتك طبعا ما عدلت ولا حرف بس كبرت الخط لاني ما استطيع اقرا الخط الصغير من ثم يا استاذي الكريم خميس المويتي دائما ما تمتعنا بكتاباتك الجميله بس عندي ملاحظه لو سمحتلي احب تبين نوع الفن ثم لاحظت انه مهمل القافيه يعني انه غير مقيد بقافيه للصدر وثابت للعجز هل هو شرط في هذا النوع من الكتابات او هو شي عادي واستطيع التقيد بقافيه |
أستاذي العزيز خميس المويتي صح السانك ولاهنت رائع مانثرت من كلمات دمت بحفظ الرحمن |
السلام عليكم ورحمة الله وبركاته
كم انته مبدع استاذنا الكبير تملك القدرة على انتقاء المواضيع الجميلة جدا اعجبت بهذه الكلمات الجميلة في الموروث العماني موروث الاجداد والتشجيع على المحافظه عليه وهذا دليل على حبك الوطن والتراث يابو خالد . تقبل تحياتي خليل الرحبي |
السلام عليكم أبو الشعراء خميس المويتي ... قصيدة نبطية رائعة تحث على التمسك بعادات الأجداد وخصوصا حمل العصى (الباكورة) في كل الأوقات أو ع الأقل في المناسبات لأنها رمز من رموز الرجولة أحترامي لك سيدي |
تسلم شاعرنا وصح لسانك
|
انته رمز التراث يااستاذي
استمتعت بقرائة كل حرف من هذي القصيدة تمكن واضح مع قصر الشطر الله يعطيك العافية |
اقتباس:
هذا البحر يسمى بالصخري او الهلالي ... حسب معرفتي ... وتكون القافيه موحده في البيت الاولى ومن ثم تثبت في الشطر الثاني ... القافيه ي و ب والهاء مكمله وهي على وزن مفاعلين / مفاعلين ... باعتقادي لك جزيل الشكر استاذي |
قصيدة جميلة في كلماتها التراثية ،أشكرك ودمت بخير .
|
اقتباس:
الاخ سعيد المعمري مرورك يزيد الصفحة رونق وإذا عدلت شي هذا من كرمك وحسن أخلاقك والتمس العذر من الجميع أن كان الخط غير واضح أما الفن هو نوع من أنواع المردادي وبمكن أن يكتب بالقافية المهمله أو القافية الثابته من النقل والهزع ولك جزيل الشكر |
الساعة الآن 11:43 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir