خلاص انت تغيرتي وصرتي صاحبة وجهين
تعودتي على جرحي ولا عدتي تحاتينه
تغيرتي فاطباعك وضعتي بين زين وشين
تغير كل شي حتى كلامك لي تقولينه
ولبسك صار متغير ونقش الحنا في الكفين
وغرتك مجايجك وشعرك لي تفلينه
وانا باقي على اطباعي ولا اتبدل لأجل ترضين
ولو انتي تريديني انا هونت من حينه
أنا ماني بثوب تلبسينه وقت ما تبغين
ومتى ودك تشيلينه على كيفك تشيلينه
ولا خاتم ذهب يلمع يزين اصبعك اليمين
واذا ملت يمينك منه في اليسرى تحطينه
صحيح أني بسيط الحال ولكن زاكي الجدين
أموت أواجه الواقع ولا ارضخ لسكينه
اعاند كبرياء الوقت عناد ما يعرف اللين
يموت الوقت بعنادي وانا باقي على سنينه !



والسموحة منكم ///////////

نص جميل للغايه يحاكي الكبرياء والكرامه فلك الشموخ
اعجبني تسلسل الموضوع والحفاظ علي الفكرة وعدم التكلف .................
تقبل مروري ساااااااااااااااااالم اااااااااااااااااالربسي