|
لازالت ذكراها تخضب الذاكرة
اللهم صل على محمد وآله وسلم مساؤكم خير ومسرات القصائد ابيات تجمعها يكون القصيدة وبين كل بيت وبيت حكاية توصلنا الى مايريد ان يوصله الشاعر تبقى قوة الابيات في معناها وقربها من المتلقي لذلك نجد من قديم الزمان ابيات مقتبسة من قصيدة يرددها ابائنا وتجري مجرى الحكمة على السنتهم أو كأعجاب بتلك الابيات.. هُنا محطة جميلة لذكرياتكم مع ابيات مقتبسة من قصيدة استوقفتكم بجمالها وروعة معانيها نتمنى ان لاتزيد عن الاربع ابيات في كل اقتباس مع ذكر أسم الشاعر وعنوان القصيدة وفي حدود قسم الشعر الشعبي لأعضاء السلطنة الادبية تقديري |
الشاعر حمود المخيني القصيدة : شاعر حزين عـلٌــقــت عـيــنــي فـــــوق بــابـــي أنـتــظــر " طـيــفــك " يـــمـــر وْ رْضـيــت ابـقــى طــــول مـنـتــي غـايـبــة ( مــــن دون عــيــن ) . . يمكن ! ... ( رضعت الضّيق ) من " صدر الحزن " .. مُنذ الصّغر ! عــشــان هـــــذا مـــــا وعــيـــت الاّ ونـــــا " شــاعـــر حــزيـــن " |
الشاعر حمود بن وهقة القصيدة : لو كان لي " جنحان " .. ما فكّرت أطير ..!! * * أحيان أثور وأحتـرق .. وأزفـر عـبـيـر ويا مـا رويـت أذواق و"شعـابي" غــبر . . تدرون منهـو اللي يخـلّـد بالأخـيـــر ؟؟ اللي نحـت آثـار رجـــلـه // لا عــبــر . . لو إن كــل إنـسـان يـؤمن بـ/ المصـيـر كان المسيء إن مــرّ به نعش اعـتبر !! . . والـرابح الأكـبـر بهـا الحـيّ الفـقــيــر واحد يبـيـع الخـبـز في ســوق التـبـر! |
الشاعر مسري العامري القصيدة : فزعة * * أنا ماني بثوبٍ تلبسينه وقت ما تبغين ومتى ودك تشيلينه على كيفك تشيلينه . . ولا خاتم ذهب يلمع يزيّن اصبعك اليمين واذا ملّت يمينك منه في اليسرى تحطينه . . صحيح أنّي بسيط الحال ولكن زاكي الجدّين أموت أواجه الواقع ولا ارضخ لسكينه . . اعاند كبرياء الوقت عنادٍ ما يعرف اللين يموت الوقت بعنادي وانا باقي على سنينه ! |
الشاعر ناصر بن حسين القصيدة : شُباك سُقمي * * أصبك فيني ، يتسرّب نخبّك ، وليل ضيقي حل ! ــــــ وتتبلل مساماتي شحوب ، وأمتلي ( ماحد ) ! . . سريتك ، وأنفتح شباك سُقمي ، شفني آتسلل ! ــــــ دروبٍ موحشه وأعشاب توخز نابها أسود ! . . تلفّحني عتيمي والجفا قارس ، وشوفي / قل ! ــــــ وأردد يالأمل ( غرد ) يجاوب هالصدى : غرد . . تمر " الثانيه " حُبلى فراغ .. ودمعتي .. تنزل ــــــ شفا محجر ، وأضوّق إختلاجي ، وأرجع أتمدد |
الشاعر محمد الخشيبان القصيدة : عيـــــد ( حزين ) * * العيـــــد عقب امي خلص انتهي العـــــيد ....................... يمر رابع عيـــــد ماعايدتــــــــــــني . . راحت من أيديني كما نسمة البيــــــــــد ......................ومن بعدها دنيا الالم رافــــــــــقاتنـــــني . . خلت محمد للحـــــزن والتناهيـــــــد .....................ياليتها يــــــوم رحلت مــــــاخـــــذتني . . الكل عيــــد بالـــفرح والاناشـــــيد ................... وانا دموعي بـــــعدها عــــــايدتنــــــي |
الى قريتي الصغيرة مختار السلامي يا سما الفرقا وحيطان الكلام جيتك الليلة من اسفاري حزين جيتك وكني بعد عشرين عام لا كبرت ولا تركتيني لمين تذهب انفاسي الى سقف الغمام بعدها مدري وتتساقط أنيين جبت لك ساعة عقاربها سهام كانت الشاهد على غدر السنين ليلة البارح تزملت الزحام تايهٍ ينسج من شكوكك يقين لو عرفتيني اقول ان الحرام من "زفنتيني" دعون الطيبين لو فلجك..اللي سرق صمت "السمام" طاف به من "وقبة" ضلوعي لـ وين لا نهارك يكتم صراخ الحمام وأنتي نخلك "يسجر" الصمت اللعين علميني وأنتي حاشاك الملام ما طلبتك حاجة الا بدين علميني بعدها يمكن ينام كل هذا الحزن لكني حزين دام لي غرفة وبيبان وظلام جايز القى في ثلاثتهم حنين طابت ايامك وانا نفس الحطام سجدتي ما عدت حدود الجبين ما وحشتيني..كبيرة يالخصام صرت ترقد وانت طاعن والطعين يا سما الفرقا وحيطان الكلام جيتك الليلة من اصفادي سجين |
| الساعة الآن 10:55 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir