|
بااااحش عن عمل!!
ولائي لله ... ومن ثم الوطن...ومن ثم للقائد.....نعم كلي حب و عشق لهذا الوطن...ولكن مثل مانعاتب أحبابنا و حبيباتنا....هنا أعاتب حبيبي وطني لا أكثر و لا أقل...ولا يزال الحب موجووووووووووووووود إليكم جديدي.....(( باحش عن عمل))!!! صباح السعي والغبشة أدوّر للرزق مفتاح أجاهد والسلاح أوراق ذبلت بين كفّيني أكافح والقهر ناس أعملت راحة بدون كفاح!! وخدهم مثل ثوبي ....والشمس كل حرّها فيني!! أنا الباحث وأنا الباحش و ( هيبي ) كثر محفر صاح وأنا الماكث ففقري يا وطن وشلون تخزيني! فقير ويفتخر بأن عرَقَه ماغير لأرضه ساح رغم هالمغريات أرفض فلوس الجار تغريني وأنا الي طيّح حروفه وراسه فالعلا ماطاح زهمت القاف لو عطشان من نبعه بيرويني نعم شاعر يدور الشعر في كفي شرى المسباح رغم هذا حشمته عن مدح ناسً ماتعنيني صحيح الشعر هاليومين عيشه في فم المدّاح وعادي لو أذوق الجوع بس ما أطيح من عيني وطن...محتاج لك بالحيل أبي حضنك عليه أرتاح وأنا منّك مظن خسران لو حاولت ترضيني كفايه هالشقا ماعاد باقي فالعمر ما راح قضيت العمر أنا باحث أدوّر ضحكة سنيني عزوبي وأنعزم لأعراس وقلبي يمتلي بجراح ومهر البنت فالعالي وقيدك خانق أيديني أعضّض هالشفاه بحسرتي كل ما يمر تفّاح وأنام وتشتكيني هالوساده بسّ خلّيني!!! أبي أنتج أبي أبني بحس بقيمتي يا صاااااح وسبع سنين هالحاله وثوب الياس يكسيني قصيدة قلتها من خاطرً يبكي طعون رماح حزين ومكتئب جداً مغير الشعر يرثيني أحبك يا وطن وأن كان شعري في عتابك باح ترى مابي سوى أعرف أنا في داخلك ويني!! وأحب رأس الفخر يومً وصل أضوى بنور صباح فدى قابوس وأحلف بالذي مهديني لديني عشانه فالصبح بسعى لعلّي أمسك المفتاح وترتاح الشوارع من وجع خطوات رجليني |
أحبك يا وطن وأن كان شعري في عتابك باح ترى مابي سوى أعرف أنا في داخلك ويني!! الله عليك ياراشد الله عليك قصيدة ما شاء الله عليها كلها اضاءات شعرية جميل ياراشد هذي المرة انته مختلف سأعيد قراءتها لاني ماشبعت من جمالها تسلم يالغالي |
وأنا الي طيّح حروفه وراسه فالعلا ماطاح
زهمت القاف لو عطشان من نبعه بيرويني نعم شاعر يدور الشعر في كفي شرى المسباح رغم هذا حشمته عن مدح ناسً ماتعنيني صحيح الشعر هاليومين عيشه في فم المدّاح وعادي لو أذوق الجوع بس ما أطيح من عيني كفووووووو عليك يالمشرفي... وااااااااااااااافي قصيده رائعه جدا جدا... تـــــــــــــــــــــــــــــثبت للجمال الشعري ـــــ |
اخي العزيز راشد المشرفي ابيات جميله جدا ورائعه ابيات في قمة الجمال والابداع تسلم على هذه القصيده الطيبه مبدع اخي العزيز تقبل تحياتي |
أخي العزيز راشد المشرفي السلام عليكم ورحمة الله وبركاته صح السانك ولاهان منطوقك شاعر راقئ وحرف محترف جميل عندما تتحدث عن خواطرك المكبوته برساله ونص شعري عميق جداً لله درك أيها الأصيل |
أيها المبدع راشد المشرفي صح لسانك وعلا شانك متألق بالفعل |
صح لسانك الشاعر راشد المشرفي ولا هنت
هناك عده ملاحظات وارجو ان تتقبلها بسعة صدر
أجاهد والسلاح أوراق ذبلت بين كفّيني تشبيه الاوراق بالسلاح جميل ولكن كلمة ذبلت ما اعتقد انها في محلها لان الذبول للورود وغيرها مثلا لذلك خرجت عن التشبيه الاول (السلاح) الى صوره ثانيه أكافح والقهر ناس أعملت راحة بدون كفاح!! كلمة اعملت لا تودي بالغرض لتوصيل فكرتك الى المتلقي وكلمة راحه توظيفها لم يكن في محله وخدهم مثل ثوبي ....والشمس كل حرّها فيني!! هناك ضعف في التشبيه لتوصيل الفكره أعضّض هالشفاه بحسرتي كل ما يمر تفّاح هنا اتوقع ان القافيه اجبرتك على توظيف كلمة تفاح لانها هناك كلما يمركلمة يمر تدل على الحركه والتفاح بطبيعته لا يتحرك لو قلت طير غزال تشبيه جميل فهنا اجبرتك القافيه وأحب رأس الفخر يومً وصل أضوى بنور صباح اضوىبنور هنا نجد نفس المعنى ، واذا تقصد باضوى الوصول فهنا لها نفس معنى الكلمة التي سبقتها صباح هنا تطويع للكلمه لتكمله الشطر ارجو تقبل مروري اخي العزيز ولك التحيه على هذا النص الجميل |
اقتباس:
|
اقتباس:
|
اقتباس:
|
| الساعة الآن 09:45 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir