" الوظيفة " ......راشد مبارك الهنداسي
 

'الوظيفة'
الشاعر: راشد مبارك الهنداسي
24-8-2012
حالي على حطة يدك ياصاحبي وتشوف
جالس اقلب دفتر أيامي عسى بوظيفة
كل ما يمرني للقفى يوم(ن) يجيني خوف
أخشى على حطة يدي ترجع علي خفيفة
حال الشهادة والخمس شوك أمتزج بالصوف
انزع تعب صوفي من أشواك الزمن لعنيفة
يعني قصارى الجهد تاخذني كذا بالروف
وأكشف على عين الأمل وألقى العيون كفيفة
يا ذا الزمن يكفي تجيني بالملل وتطوف
وقف على حلمك لجل حلمي يوقف طيفه
تدري إذا شفت البشر تبكي على لكفوف
يمكن وليف(ن) بالوفا فاقد حنان وليفه
إلا أنا يا ذا الزمن أبكي بكاء حروف
قصدي القصيد بكيف كيفي، والشعر ذا كيفه!
ودي تواجهني خلاص ألعب على المكشوف
لاتلبس إرداء القدر، حظي بخل يا حيفه
كومة حطب أحلام تتكدس وسط هالجوف
تذهب على هيئة حزن، وتموت موتة جيفة
أو يشتكي حلمي وطن أصبح صعيب اللوف
أمشي على أرضه وهو خارج نطاق الشيفة
يوم الوطن عشش على وكري وأنا ملهوف!
أضحى جناحه ينتفض، وأوجس فنفسي خيفة
يا ناظري وشلك بعيد وخاطرك مكسوف؟
إمشي على درب القدر، وأنسى المكان وعيفه
دامك بتغرق في بحر ماسك بإيدك طوف
خلك على شاطئ البحر، حفيان فوق السيفة

يا ناظري وشلك بعيد وخاطرك مكسوف؟
إمشي على درب القدر، وأنسى المكان وعيفه
دامك بتغرق في بحر ماسك بإيدك طوف
خلك على شاطئ البحر، حفيان فوق السيفة



شاعر جميل .. ومتمكن ..

أعجبني الترابط بين الأبيات..
واعجبني توظيف المفردات..

أبدعت ..


موفق

تركي الحبسي
اشكرك جزيل الشكر
السموحة ع التاخير فالرد
شكرا ع متابعتك لي

حفظك الله

عبدالله الراسبي
كم هو جميل ان اسمع هذا منك
اتمنى لك ولي وللجميع التوفيق
شكرا ع مشاركتك بالراي
والسموحة ع التاخير فالرد

السلام عليكم..
قصيدة اعجبتني كثييييير..
موضوع رائع حقيقة
القصيدة سلسلة وبسيطة مع غزارة الصور الشعرية..
حاولت اقتبس من القصيدة بيت بس ماقدرت كل بيت احلى عن الثاني..
شكرا لك..

شكرا لك جزيل الشكر والعرفان
اتمنى متابعتك لي

اخي راشد الهنداسي مشكور على هذي القصيده الرائعه
ابيات جميله جدا ورائعه
وختيارك الكلامات وترابط الابيات ما يدل إلا على
اصل معدنك الطيب
نتضر المزيد من ابداعك

مشكووووووووووووووووووووووورة