يا كناري شوم واتعـنـّــــا ...... لي بمسقـط ناس شــرهانـه

ترجم الأشعار بالفـنــّــــا ...... يا عساها تزعـزع أركانـه

لاحظه لحظـه إذا اتثنــّي ...... قول لـه ذا نـبــض أشجانـه

كالشجر لي يميد لـو شنـّا ....... ذكـــركم واهتـزت أغصانه

ما هدأ قلبـه ولا تهـنــّــا ....... طرف ، عينه منــه زعـلانه

لي وصلتـه ناره الجـنــّا ....... أو هـجـرتــه دوم ســـعـرانه

يا رخيم الصـوت يا دنــّا ...... روف بـي فالـــروح تعبـانه

حالتي بعـدك كمـدمــنــّا......... غــير نفـسي منـْـك ضمـيانـه

لو يُـوِّفّق ربنـا اعلنــّـــا .......فـــرحــنا والنـــاس حزنـانـــه

لك دمي سفكه كذااتحنـّّا ....... بس تواصــــل كـــبـد تلفانـه

هوب منكم مول أو منا ........مـن حـســـد أقــوام غـيرانــه


ما رضوا للقـلب يتمنـّى ........ كيف يرضوا يثبـّّـت اعنانه

والختم يا زين مـمحنــّا ......... جـود لي منـكــم بتحــــنانـه

فالبلابل أشـــتكت منــّـا ........ نوحــنــا قـــد فـــاق لعيانـه

لـك أنا لليــوم أستــنــّا ........ أســـأل المقــصـود سبحـانه

أجمع القلبين ذا المنــّّـا ........ واسـقي العـطـشان كــيــزانه

احفـظه بالذكر والسنـا ........ من غوى شيـــطان واعـوانه

ماالبرق شع والرعد حنـّا ...... ع النـــبـي صــلــي وشجعانـه

واغفرالــزله وما جنـّا ...... فالصحـف بالـــذنـب غرقــانه

ذا مقال القلب لي ونـّا ........ والســـبـــب هجره لأوطانـــه