|
للخلف در ... الجزء الخامس
للخلف در.. (الجزء الخامس)
للخلف در... إرجع يا مصرى ميت سنة... هتلاقى مصر اتقسمت حبة دول... دولة بشر.. ودول كتير... تنطح وترفس كالبقر... دولة عقول متحضرة.. ودول كتير زى العجول ... ترعى وآخر حدها ... ف المذبلة... دولة قلوب متجمعة على دين الهى يلمها ودول كتير متفرقة على الف قلب ..يلمها على الف شر ودين شيطانى يلمها... دولة شيوخ.. ودول كتير متعسكرة.. مليانة حقد وغدر قاسى .. معكرة ***** للخلف در... هتلاقى مصر مقسمة.. حبة دقون متوهمه ان التدين بس شعر ... ف وشها والحقد أسود من قرون الشر .. راسم قلبها حبة وجوه ناعمة وفارش وشها لون التدين والطيابة ... ونور مشعلل قلبها وتروح لمين؟؟؟ وتقول يا مين؟؟ للدقن وللا للتدين مهما كان .... شكله ولونه ومظهره ؟؟ ***** للخلف در... هتلاقى شعب بيرفض النعمة بايديه جاتله الحياة مابين ايديه لكن رفض .. قَبَل التمرد ع الحياة.. رفض الكرامة والعزيمة والامل ورفض يكون إنسان بإيده معوله انسان بايده .. مأكله انسان بيسعى لدينه رامى توكله لله .. وعارف سكته انسان بيعبد حاكمه مع انه عارف قصة (الفرعون) وعارف أخرته.. لكن مصمم يعبد الفرعون ويعبد جزمته ***** للخلف در.. هتلاقى شعب الجهل واكل جتته الحقد حارق جثته... الظلم ناضح فوق جبينة وغلبه مالى جتته ... وبرغم دا .. حالف ما يترك سكته حالف ليفضل فى الضلالة لحد آخر لحظته وتلاقى ناس مش اى ناس صوتهم ضعيف.. لكن قلوبهم بالايمان زى الجبل هتلاقى نورهم بين عنيهم والامل صوتهم ضعيف جنب النعيق صوتهم نغم وسط الزعيق خليك معاهم .. جنبهم ما تخفش من صوت الديابة .. فمهما كان ليهم عدد فالديب جبان جنب بره الهدد حتى الاسد لو مات .. أسد.. ***** جمال نصير وللحديث بقية..... |
كان الله في عونكم يا أبناء الكنانة إن ما يجري على الساحة المصرية لا يسر صديق ولا عدو قلوبنا تدمي وعيوننا تدمع ولا نملك إلا الدعاء اللهم أعز الإسلام والمسلمين و أذلّ الشرك والمشركين اللهم إرفع البلى عن أهل مصر اللهم إجمع كلمتهم على كلمة الحق اللهم رد كيد من كاد لهم إلى نحره الله وفرّج كربته, و أغثهم بحاكم عادل منصف يرعي حقوقهم ويصون كرامتهم ويحفظ وذممهم ويحقن دمائهم اللهم و أرحم شهدائهم وداوي جراحهم و الِّف بين قلوبهم اللهم آمين وصلى الله وسلم على سيدنا محمد وآله وصحبه وسلّم |
اقتباس:
|
| الساعة الآن 06:05 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir