|
أسباب فرقاك
بالعام هذا صــــــــــار فرقاك عامين وما هو بطيبي صاحبي والســــبب أنت بيني وبينك عشــــــــرةٍ دامت سنين ويا ليت لو تسأل عن أسباب هالصمت يا كم جرحت القلب ونسيت غاليين واليوم راجع تشـــــــتكيلي تندمت كنت أسألك وشــلون وتقول بعدين بعدين ما جت وأنت مـا جيت من رحت خذني غرامك بــــس مدري على وين وأبطيت غـــــايب عن حياتي توهنت خليتني مـــــــا بين حـــــــرات نارين نار الفــــــــــــراق ونار حبك ولا بنت من كثر ما فيني من أشـــــواق يازين أخاف أتبع خطـــــوتك وين ما كنت جايز ألاقي ناس غيرك مـــــــــلايين بــــــس الحقيقة غير رؤياك ما ردت خذني بروف وعطف ونصـــير أثنين في قلـــــب واحد كان تقل أنا قبلت تروى ورودي الذابلة والبســـــــــاتين كلـــــي فداك ولجل عينك تنازلت جيتك غــــــرام وأنت ع الراس والعين ما دام مع وقت التجــــــافي تخاصمت في منهج وشـــــــــــرع الوفاه المودين أحفظ ودادك يا مـــــــودي ولا بحت مرت على فرقاك يا صاح ســــــنتين وما هو بطيبي صاحبي والســــبب أنت |
الاخ العزيز ابو راشد العيسائي كلام جميل جدا يسلم قلمك الرائع على هذه الابيات الجميله والرائعه وعلى ما اظن المقصود في هذا البيت = كان تقبل انا قبلت = وليس = كان تقل انا اقبلت = يمكن يكون خطا مطبعي او املائي مبدع اخي وتقبل تحياتي |
أبو راشد العيسائي السلام عليكم ورحمة الله وبركاته صح السانك ولاهان منطوقك أبيات جميله وحضور رائع وأنا أشهد انك جزل وماتجيب إلا الجزل وملاحظة عبدالله في مكانها أعتقد تقبل لم تلاحظ ذلك.. |
سلطان العيسائي
العذب باطلالتك ورقيك وشفافيتك نص جميل وخاطرى اسمعه شله منك... هنا كنت اردد معك يا كم جرحت القلب ونسيت غاليين واليوم راجع تشـــــــتكيلي تندمت كنت أسألك وشــلون وتقول بعدين بعدين ما جت وأنت مـا جيت من رحت خذني غرامك بــــس مدري على وين وأبطيت غـــــايب عن حياتي توهنت |
أخواني الأعزاء
كلمة شكراً لا تفي بالغرض ولكن تحية من القلب لقلوبكم ومروركم ونقدكم وتشجيعكم وسام أعتز به |
كلامك وقصيدتك لامست واقع الجمال
لتخرج بصدى رائع يطربنا دمت بالف خير |
| الساعة الآن 01:07 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir