|
وطــن عــمــري
وطن عمري جمح ليل القصيد بأبـــيــض القرطـاس غــواه الـطـهر وانفلت لـه بــحـــوره يــدنــس بالبياض ويــنــبـري نبراس يقدَي وجهي الغايب عن حضوره يــشـب لحلمي النافـر بقـايـا نــعـــاس انوشـه من ظما عمـري على غوره انـادي للمـعازيـب ويــرد احـــســاس يضيفني من اعماقي رسـم صــوره تشــابـه لـي واشـابـه لـه بكــل قـياس ملامحـها وطـن عمـري ودستــوره وعـمـري لـو توطـن به الـوف الناس قـلـيــل اللـي قـراه وفـل ديـجـــوره تـهـجـوني مثل صحرا قـفـر ويـبـاس تغاووني سـرابن تصـدق قـشــوره وانا اللي وجهـي بلادن بـلا حــراس وغـايـاتي بقـايـا عـلـوم مسـتـــوره انـا ودي عـقــل حــي مـا ودي راس انـا ودي قـلـب ما مـوٌت شـعــوره انا ودي شعـورن ما حـوٌي بـقـواس انا ودي قـواس تـنـيـشــن بـــدوره انا ودي ينــيـشٌـني سـطـو قـرنـاس ولا ودي انيشن ضعف عـصفوره تعبت من الغياب اللي ملاني كاس متى يكسر لكاس الغايب حضوره |
تشــابـه لـي واشـابـه لـه بكــل قـياس ملامحـها وطـن عمـري ودستــوره وعـمـري لـو توطـن به الـوف الناس قـلـيــل اللـي قـراه وفـل ديـجـــوره كلماتٌ رائعه..راقت لي كثير كتبت وأبـــــدعت أستاذي في آنتظـــآر آلجديد من كتــاباتك كُنت هُنـــآ |
الأستاذ محمد العيطان بداية أرحب بك في منتديات السلطنة الأدبية اهلاً بهذا الحضور الذي شرفنا وصح السانك ولاهان منطوقك على هذا النص الراقي والعذب بجزالته ومضمونه نص اروى ذائقتي لهذا اليوم بيض الله وجهك إيها الأصيل تقبل مروري واحترامي |
أخي الاستاذ الشاعر محمد العيطان مرحبا بك تراحيب المطر, نورت السلطنة الادبية بوجودك صح الله لسانك وربي لاهانك (مبدع بلا شك) سلامي واحترامي |
جمح ليل القصيد بأبـــيــض القرطـاس غــواه الـطـهر وانفلت لـه بــحـــوره مدخل رائع الاستاذ محمد العيطان نورت منتديات السلطنة الادبيه بمصافحتك الرائعه .. ويا حيا بك استمتعت بقراءة نصك الجميل وبانتظار ابداعاتك تقبل مروري |
الأستاذ محمد
مرحبا ألف بالاستاذ / محمد العيطان نص بهذا الحجم وبحجم هذا القلم لا يكون إلا في الأعلى يثبت النص .. أحتراما وتقديرا لهذا القلم السامي تحياتي لشخصك الكريم اخوك/ صالح السنيدي |
وانا اللي وجهـي بلادن بـلا حــراس
وغـايـاتي بقـايـا عـلـوم مسـتـــوره محمد العيطان ... اهلا وسهلا بك في هذا الصرح الشامخ بشعرائه... نورت المكان تشرفنا بتواجدك عسى ان تضيف للمنتدى ويضيف لك... كن بالقرب |
تصفيق بحرارة
بصراحة الإبداع يرافقك اينما كنت أخي حروفك درر وكلامك جواهر واحساسك نادر خفق نبضك فتميز قلمك ونحن دائما بشوق لمتصفحك كن دائمآآآ بيننا أهلآآآ بك |
اخي العزيز محمد العيطان بداية نرحب بك وبقلمك الجميل في منتديات السلطنه الادبيه قسم الشعر الشعبي وعلى الرحب والسعه وكلام جميل في قمة الروعه يسلم قلمك الجميل على هذه الابيات الرائعه وننتظر جديدك بكل شوق تقبل تحياتي |
تعبت من الغياب اللي ملاني كاس متى يكسر لكاس الغايب حضوره الله الله على هذا الشعر حضور طاغي بالجمال قصيدة مميزة ببحرها بجمالها صح لسانك اخوي محمد على هذا الشعر الجميل |
| الساعة الآن 02:21 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir