ما قاله راشد الهنداسي في الغزل...." نظرة "
 

" نظرة "


ترى فعيونها نظرة تذوب خدها واللون
ولون خدودها وردي يحاكي ورد شفتها
وإذا مرت يديها من عقب ما جت على العيون
يسيل كحالها مدري رموش العين غطتها
تحرك عينها لأعلى وأحس بقلبي ينزل دون
وإذا حطت عيون الضي عيوني بس لاحتها
وإذا ضحكت شوي شوي تعض شفاتها بالهون
وأنا قلبي بيتقطع أخاف تزيد عضتها
تلوح يدّها تكتب وما ادري تحط سكون
وإذا سكنت يديها اشعر بجسمي بلوحتها
تلف يدينها يمكن تحس البرد في هالكون
وأتمنى ف هاللحظة يديني الي دفتها
احسبها رياح الحي تجي تحمل مطر و مزون
اثاري اكتشف إنها تعدل بس شيلتها
ذهب ابيض والماسة ولؤلؤ خالص مكنون
وكل هذا بيتجمع على أطراف شعرتها
غريب عيوني ما طاعت تفارق عينها مفتون
وعقلي اغرب من الشك خلايا عقل وافتها
على الإطلاق ما اذكر كذا تعريف عالجنون
ولكني عرفت اليوم يعرفني ف بسمتها
يا أجمل من خلق ربي تعابير ووصف موزون
يربي وينها روحي ولأدري وين ودتها
تراها اليوم أو بكرة أنا أدعو يربي العون
أخاف أنسى بعد اسمي والقاني هويتها
تصدق إني أتساءل ترا هالوجه مع السنون
بيتغير إلى الأجمل أو الأجمل ف غيرتها؟!
إذا الظاهر كذا فتنة عجب شيكون هالمضمون
جعل لعيوني ما تنظر إلى الدنيا برمتها
عساها كنها زهرة وعساني شجرة الليمون
تضلل زهرتي والناس تطعنهم بشوكتها

بوركت عالطــــــــــرح القيـــــــــــــــــــم والراقــــــــي وودومـــا للسعـــــــى للتقدم لا مجــال للتراجع

وفالرآقـــــــــــــــــي دووووومــــا يتجه نوع الرقــــي وآنتقـــــــاء الافضــــــــل

راشد الهنداسي
ماعليك زود الغالي
كلمات جميلة
تقبل مروري

عبدالله الراسبي

thank you so much i really appreciate your participations
i wanna stand before you and gaze your eyes to show you my respect

اشكرك ... اسمحلي كتبت بالانجلش قلت يمكن يوفيك شكري وتقديري لك

رونق
حتى في كلامك رونق

"شكرا عسى يكمن بها رونق"

اشكرك ع المشاركة والسموحة ع التاخير

ناصر العلوي
انا ما اقبل مرورك بس
انا اقبلك انته داخل عيوني

اشكرك والله ع المشاركة
لك مني الاحترام المتقن

اخي راشد الهنداسي
صح لسانك من اجمل ما قرئته في الغزل
قصيده في قمة الابداع ويوم عن يوم
تدهشنا اكثر بقصايدك قصيده في قمة الجمال
ما تعبر الا عن جمال صاحبها
شاعرنا الكبير نتظر المزيد من ابداعاتك

مشكورة اختي شرف لي هذا الكلام