|
ضحكة ليلة البارح
على النفس البريئة ما يجوز الجــــــلد يالجـــــلاد
عليك تقول للقاضي حـــــرام الحــــــق ما يقضى أنا المخلص ولكني هجـــــــــــرت بلاد لجل بلاد غريب صادف الغربة عشــــان لمطلبه يحــــظى وانا ما أقول غير أني أبي أخرج عن المعتــــاد بصلي توبتي ولكن بعد ماتــــــوب واتوضـــــــى ترى اللي يخطر فبالي عناد يستحق عنــــــــــــاد بهين خشـــوم لو أرضى ولكني أبد ما رضــــــــى إذا دلة ســــــــــوالفنا بخيلة ما تفــــــــــــوح قناد نعاود للســــــكوت أفضــل عن التهريج والفوضى يا ضحكة ليلـــــــة البارح عسى ليلـــتك ما تنعاد مادام إن الدواء غــــــــالي على آهـات هالمرضى دخــيل العطف والشــيمه دخيل صراخ لســتنجاد دخـيل المســــــلم السـاجد الى مولاه (ف) لفرضى وأنا ما فيلسوف إلا عطــــــــــــــاني الله عقل جاد أقول أو مـــــا أقــول إلا بما لا عزتــــــــي ترضى أميز مســـــــــتوى الجيد عن اللي له فكــــرما جاد وأحلل فكرة الجــــملة كثـــــر ما فـــــــــات واتقضى أجوب السرمد العـاتم عشـــــــان استخلص الإنشاد واشـهد هالنجوم الي في حلـــــك اللـــــــيل تتـلضى عشان تبلغ الأحــــــــــــــرف إذا طافوا بها الرواد بأنه للشـــــــــــــعر صـــــرخة وتحيي ميت مغضى حكم دايم نرددها وسمعناهـــــــا من الأجــــــــداد كلام يجــرحك كنه من ســـيوف الجهاد أمــــــــضى وإذا مشغول ياللاهي وكل إلي ذكــــــــــر ما فاد تعال وخذ معانـــيها وأنا أتــــــرجـاك من تفــــضى راشد خميس العيسائي |
الأستاذ راشد العيسائي السلام عليكم ورحمة الله وبركاته صح السانك ولاهان منطوقك إبداع منقطع النظير .. حبك وسبك .. وروعة حرف لله درك أيها الأصيل يشرفني بإن أكون أول الواصلين هنا سجل إعجابي وتقديري. |
اخي العزيز راشد العيسائي ابيات جميله جدا ومفردات اجمل تسلم على هذه القصيده الرائعه واصل ابداعك الطيب وننتظر جديدك هنا دائما تقبل تحياتي |
قصيدة جميلة اخي راشــد وفيها شعـر..
لاهنت وصح فكرك على هكذا شعر.. كن الالق. |
أخي راشد.
إذا كانت دلة السوالف بخيلة فإن دلة القصيد تفوح شعرآ. طلبناك لاتعاود للسكوت. دعنا نرتشف منك روائع الشعر وبك وبأمثالك نميز الجيد من غيره ونحلل أفكار الجمل ونجوب السرمد العاتم. صح لسانك وأبدعت. |
اخيراشد العيسائي
نص رائع وكلمات مميزة وحضور جميل وفقك ربي |
نص جميل جدا.... راق لي كثيرا... فلتواصل الإبداع وفقك الله |
أهنئك على هذا النص الرائع
اعجبني حرفك ونسجك للابيات |
ترى اللي يخطر فبالي عناد يستحق عنــــــــــــاد
بهين خشـــوم لو أرضى ولكني أبد ما رضــــــــى إذا دلة ســــــــــوالفنا بخيلة ما تفــــــــــــوح قناد نعاود للســــــكوت أفضــل عن التهريج والفوضى يا ضحكة ليلـــــــة البارح عسى ليلـــتك ما تنعاد مادام إن الدواء غــــــــالي على آهـات هالمرضى ابو سالم رائع بكل تفاصيلك ،بهدوئك بفلسفتك رائع ولك اسلوب مميز ف القصيدة مثبته بداخلى |
| الساعة الآن 02:38 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir