الجادل الترفه
 

قبل لا يطل نور الصبح ويطرد عتمة الديجور
تعلمت الشعر موطن واغوص بلجة بحوره

جذوع النخل ما تبقى إذا صارت بدون جذور
وجذوع نخيل عاضدنا من الأجذار مبتوره

لك الله ياليباس إللي فضحت الخافي المستور
غريبه كيف تسبقني تشوه باقي الصوره

تفضل يالحزن فضي معاناتك على الطبشور
مدام الصدر لك جدران وقلبي صار سبوره

كثير وجوه مرتني تواضع فيهم المغرور
انا لو لا التواضع كان نفسي تعيش مغروره

فمان الله يا فرحي وداع الميت المقبور
حرام أوطى على حزن الخفوق واهدم قبوره

انا شاعر إذا ثارت براكين الشعور تفور
وإذا خمدت براكين الشعور أقول معذوره

مدام اليل يهديني دروبه من شعاع النور
هذاك النور في جنبه هناك تصير غندوره

تعلق قلبها فيني حقيقه من ثلاث شهور
وقلبي ما قدر يصبر مدام اليل هي نوره

هذيك إللي إذا مرت لها هيبة ملك مشهور
هذيك إللي مخاصمها تواضع جاته تزوره

هذيك إللي لها بالقلب هيبه وحترام وشور
هذيك الجادل الترفه رقيقة قلب اموره

وانا من سبة الفرقى حزين وخاطري مكسور
وكسير الطير ما يقدر يطير بحالة كسوره

فمان الله يا حزني حقيقه ما عليك قصور
تركت العين بدموع الفراق تصير مغموره

شاعرنا،وأخي القدير
أحمد المعمري،لاهنت طال عمرك
وبيض الله وجهك على هذا التواجد
احاسيس ومشاعر جميله
وصور متميز بأسلوبك
تغيب وتعود لنا بالجمال سيدي
طابت اوقاتك ولنا رقي هذا الحضور
احترامي وتقديري
خالص الود

ياالهي




تثبيت لهذا الجمال

أحمد المعمري

لن أعلق على هذا النص الرائع

قوة القصيدة تجعلني أقف صامتة إحتراما وتقديرا لكاتبها وإبداعه



إبقى هكذا يا أحمد





.