|
السؤاااال
السؤال ... السؤال اللي طرالي واقصرت عنه الإجابة هوه وداعٍ كان والا رد بعيونه السلام ... ... جات أنا عيني فعينه غرنجي فأول شبابه يا كبرها من ثواني شفتها عن مية عام ... ... ما بقى في الحال حالْ ولا بقت عزوة ولابة أعتزي بأخوان شما وانتخي ناسٍ احشام ... ... سلهم بعينه وقفَّى والعقل ضيََّّع صوابه قلَّت الحيلة وقلبي ضاع في وسط الزحام ... ... ما عتقني ولا رحمني غير وثَّق لي حرابه صوَّّب وما طاش سهمه واحتبس عندي الكلام ... ... فارسٍ والعين سيفه والحلى فوقه مهابه شامخٍ كالحرْ الأشقر وينْ ما خفَّق وحام ... ... قدرة الله أبتلي به وآتغربل في عذابه أحتضر قدام عينه واهوه في برد وسلام ... ... من يرد اللي انكتب لك يا قلب والحظ جابه رد من ياسك لباسك دامها عيونه سهام ... ... والله انه يوم قفَّى ما شكيت الا غيابه كيف سلََّمته خفوقي ولا على الخاطر ملام ... ... أجهل المعنى فعينه ولا بعد شفت الإجابة والوداع اللي غترني يمكن يكون السلام ... تحياتي سعيد الفطيسي |
الفطيسي تشريف تواجدك وحضورك لإسباب.. صح لسانك ما فيك حيلة نص فيه ما يجعلني أكرر قراءته مرات عدة.. دمت وااافي |
السؤال اللي طرالي واقصرت عنه الإجابة
هوه وداعٍ كان والا رد بعيونه السلام ... سعيد 00 مبدع يا مطوع الابيات مبدع00 |
سعيد الفطيسي / شاعر متمكن يجيد الكلمات الجميله والمعبره حياك الله ياشاعرنا وصح الله لسانك تقبل مرور أخوك ((أبوسامي)) |
تسلم يا الفطيسي أنا أحييك على هذا النص الجميل فقد راق لي |
ما فيك حيلة شاعرنا .. وصح لسانك ..
وتقبل مروري |
مرااااااااحب الفطيسي.
صح لسانك . انت مبدع |
شكرا لك
(العقرب) |
اقتباس:
================================================================== عبدالله العمري صح بدنك يا صديقي وتسلم على الكلمات الطيبة تحياتي |
اقتباس:
===================================== ما عليك زود السولعية شكرا على المرور تحياتي |
| الساعة الآن 05:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir