|
قصيدة الرد على المشاكاه
بسم الله الرحمن الرحيم السلام عليكم ورحمة الله وبركاته أخواني الشعراء هذي القصيده رد على قصيده أخي العزيز عبدالله بن خزام المعمري والسموحه تراها مال سرعه أهـلاً عـدد مـاخـطّـت بـيـوت واشـعـار*****واعـداد مـاغـنـت ع فـنّـه الـربـابـه قولك لـفاني صــبح بــالــطـيـب نــثــّار*****رحـبـت بــه تـرحـيب وافي خطابـه داخــل ضـمـيـري حــبّ ألــكـم ومقـدار*****ثقل الـجـبـال الـراسيـات الـمـهـابه واكـثـر مـن ارمــال الـصحاري ولقفار*****ربـعـي ونـاسـي قلت كلكم قــرابــه واخوان شـمّــه ع الـمـواجـيـب تـخـتار*****كــلـهــم نـشـامــا وافـيـن الـرحابه بـوحـمـيـد عـنـواكـم عـلـى الـعين تندار*****ألـهـا مـعـزّه غـيـر بـيـن الــذرابـه شـيّـدت مـعـنـاهـا عـلـى الـطـيب واختار*****وسط العيون ادور والاّ فـصـبابـه بوحميد شـكـواكـم مـن الـحـبّ لـي جـار*****جرّيت همّك واسـتـميت بـجـنـابــه ربٍ عــلــيـمٍ عــالــم بـــكــــل مــــــادار*****يـشـفـي فــوادك مـن هموم وكآبـه وانـصـحـك فـي درب الـمـحـبـيـن تحتار*****أن كـان فـي حـبـك لـزيـم اقترابـه لابــدّ مــايــرجـــع ولــو بـه مـن اعـذار*****يـفـضـي بـهـمّه ليك وافطن عذابه وانـتـه الـخـبـيـر اللـي لـبس ثوب لفكار*****تـاريـخـكـم يـشـهـد ومـابـه غرابه أتـرى الـتـغلـي بــاب يـسـعـوا لـه ازهار*****تــوّه صـغـيـرٍ غــرّ أوّل شـبـابــه مـــاخــــذ دلــع بــدّوب ويـجـيـك محـتار***** لاتــاخــذ اسـلـوبك معه بالخطابه سـيـر بـمـهـل يـازيـن والـــودّ لــه كــار*****يـبـنى عـليه بــهون مـاهـي دعـابه هــــذي تـمـاثـيـلـي مـن الـقـلـب يـكـبـار*****تمّت معانيها علـى الخـيـر بـــابـــه |
ما شاء الله عليكم
ما عليكم زود ومجاراة جميله استاذ ابو سامي ويستاهل اخوي المعمري احترامي غصون |
الله عليك يابوسامي تعرف كيف توظف الكلمه بمحلها وعندك اسلوب ابداعي مختلف 0000بيض الله وجهك على الابيات الجميله والطيبه وبن خزام طال عمرك يستاهل وما عليكم زود يالنشاما |
ابو سامي
هل يكفيك مني حب القلب واحترام النفس ام ترغب في امتلاك الروح بما حوت؟؟؟ انت دائما كالنسمة الهادئة تخترق الانفاس لتسكن الجوارح وتهدئها دمت في ود سيدي الفاضل مع خالص الحب والتقدير |
شاعرنا أبوسامي ردك جميل وفي محله وهذا ان دل فأنما يدل على قواك الشعرية البديعة في ساحة الشعر الشعبي ومافيك حيلة |
ماشاء الله عليك يا ابوسامي ... تبارك الله -ذوق في الكلمة حرف ومعنى ... ما قصرتوا يا عساكم بزود من هذا النهل الجميل .... الف شكر لك وللمعمري على هذه المشاكاه ...ودمتم بالحب الاخوي والاوئام .... لكم الود بلا انتهاء .... |
أبو سامي .. السلام عليكم قصائدك تبعث في النفس الفرح والأمل أيها الطيب .. لك ودي الجميل يا أخي .. |
ماشاءالله يا ابو سامي
ماعليك قصور انته قه في كل شي كلمات جميله تتطرب الفؤاد دمت بود |
التقى العارضان فغرقت المدينه شكرا لكم جميعا ابدعتم |
السلام عليكم سادتي الصحيح أن القصيدة وافية الكلمات والجمل والمعاني ولا غبار عليها وصح لسان قائلها يا أبا سامي عن جد ما عليك زود وكما قالوا الأخوة بيض الله وجهكـ نحِنْ ياخوكـ ما لنا في النقد ولكن لنا في فهم المعنى والمغنى وهذا أنا أجول أنكـ كفيت ووفيت ونتركـ الفرس للفارس وأما اللآلئ والدرر فلنا وبالتوفيق إن شاء الله |
| الساعة الآن 06:13 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir