|
جــــــــزيرة بـــــــالي(أندونيسيا)
اولاً مناسبة كتابة هذي الابيات بسب تعرقل رحلتي في مطار جزيرة بالي في اندونيسيا...كان موعد اقلاع الطائره الساعه 9:30 في الليل.ورحت وخلصت إجرائات التذكره وجالس انتظر قبل ساعه من الاقلاع.لكن للأسف انه البيانات الي كانت معي تغيرت من دون مايخبروني انهم غيرو رقم البوابه:( وراحة عنى الطايره بسببهم هم.رحت وشتكيت وبلغت عنهم انه هم لازم يتحملوا المسؤليه:mad: لكن قالوا مشي فايده ولازم تدفع لتذكره ثانيه عشان تركب الطايره الي بتتحرك الساعه 6:00 الصباح:eek:..وضطريت اجلس ف المطار إلى الساعه 6:00..فكتب هذي الابيات واني مفترش بلاط المطار ونايم فوق الشنط:(..بس الحمدلله كانت الشنطة مريحة.:D نزف حبـــــــــر المواجع ونْهمر شــــلال جرف كــــــــل الــــفرح ألــــــــي تبنيته رحل عني وخلانـــــــي كســــــير البال رحل دوني و انا في الـــــــوقت لبيـــته ي(بالي) لا تزيدي هـــــــا القَلَب أهوال ابي منّك تواســـــــي قلْب لميــــــــــته تبعثر مـــــــن أسا الدنيا وبـــــــه أطلال مدينة حب قمرهـــا منْـــخســــــف ليته حضنتيني ثلاث أيَّــــــام فيــــــــــهن زال بعض همّي وما ف القــــــــلب خبيـــــته يقولوا فيـــــــك أهْل القول خير أقْــــوال يقولــــــــــوا ساحـــــــــلك يذبح إذا ريته احبك قبل ما يقــــــولوا وحبّــــــــي مال إلى صوب الشروق ألـــــــي اسْتزكيــته فهل بعد المودة تقْلبـــــي الَاقْــــــــــوال تحطيني فوضع(ن) ما اسْتحبّيــــــــــــته تخليني على هامش مطارك شـــــــــال جبل حزني وضيم(ن)ف الحشى اخْفيته ي(بالي) ما بــــــدا منك من الإهمـــــال رماني في بحـــــــــر ذل(ن) تروّيتـــــــه تعااااااالي كفني فـــرحة شهر شـــوال ودفْني بســـــمة الأيام في ميتـــــــــــه ونثْري ما بقــــــى مني على مـــــــوال يجر كل الفــــــــرح ألي تبنيتــــــــــــــه |
شكرا جزيرة بالي ... وشكرا للطائرة التي سافرت عنك ... وشكرا للموظفين المطار لا نهم تعبوك علشان تطلع هذا الدر من حنايا روحك الجميله اخي العزيز خالد .. جميل جدا ما قرات ... دمت بود دائما اجمل القصائد تكون لمواقف وغير مصطنعه |
صح لسانك ما قصرت كلام جميل جدا ما عليك زود تقبل مروري |
كما قال الصائغ قصائد المواقف أجمل تسحر القارى فتجعلنا نسافر مع كل لحظة فيها ونعيش مواقفها فشكراً لبالي التي اهدتنا القصيدة صح لسانك الشاعر تعودنا على جمال حروفك مملكة |
خالد العريمي...شـــاعرنا الكريم
بداية يسعدني المرور عبر هذه الكلمات العذبه ؛المنسابة بعفوية وتلقائية مطلقة ؛الشكر لك أخي الكريم ؛والشكر موصول لجميع من ساهم وكان حافز لظهور هذا النص الجميل .... دمت بألق وسعادة |
اقتباس:
شكرا لك انت أخي العزيز الصايغ الله يبعد عنك البلاوي والاهوال ان شا الله |
اقتباس:
صح الله بدنك أختي (مملكة الاحزان) مرورك على قصائدي هو الأجمل دائما شكرا لك |
صح الله لسانك يا خالد
وعلا شانك وجودك يثري المكان اهلا وسهلا |
العريمي الحمدللة عالسلااامة خخخ
تسلم عزيزي قصيدة راقية برقي شخصك |
اقتباس:
أختي(فاطمة الفرعي) الشكر لك أنتي على مرورك الراقي دامت أوقاتك بالفرح والسرور |
| الساعة الآن 05:46 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir