( السيف ) الى شاعر العرب مع التحية
الاهداء الى اخي وصديقي العزيز الشاعر ناصر الغيلاني بمناسبة حصولة على لقب شاعر العرب لـه وجهةٍ مــا حدهـــا غيــــر شوفـــه وشوفه الى رووس العلا النايـد النيف فـي محفلٍ والشعر تضرب ادفـــوفــــه يبــاس ريقٍ والمــدى كنــــــه الطيــف اسرج لها مــن سـابق الطرق نــوفـــه قصائـــــدٍ اغنت عــن الــكم ب الكيــف حتــى اشهدولـــه مـا اتجارى اصنوفه يـــــومٍ تحـــدر وادي الشعر جــــــريف ازهـــاب تـرحاله حصابــي احروفــــــه مـــن بحره الوارف لي ما حـده السيف جــرم نــــواهــا مــا حدتـــه اظروفـــه حتــــى ترجــل وارتسم نهج عــــرييف شاعـر رسم كـــل الامانـــــي بجوفــــه وسافــــر بها حـلم ورسالـــة وتكليــف وعـــود محمل ب المفاخــــر اكفوفــــه سيف الشعر وأكـــرم بها منزلـة ضيف مــا جــابها صــوت بعزوة اشفـوفـــــه مكسب لجــــان تفــرز الغث والــــزيف واللي سبرهــا قـــام ينضح انــــزوفــه للبيت كـــم تفسير مـــا جــــات تسفيف لانــــه مداهــا عسر تشبـــــح اخفوفـه تعلقت ف النــــايفـــات المشـــــــاريف فــي شامـخٍ شم المراجـــــل تحوفـــــه اذوى لها فــي مجلس الملـــك تشريف يــا بـو عمر والشكــر تزحم اصفـوفــه تعجـز قـوافـي شكرنـــا والتـــــواصيف يكفي فخــر مـــن يعشق الشي يـــوفــه وانته طلبت السيف واختــارك السيف والسموحة من ابو عمر ومنكم // تحياتي نااصر الهاشمي |
صح لسانك شاعرنا,,,,
الله يعطيك الصحة والعاافية نشكرك على هذه الطلة الجميلة,,,,طال غيابك وهذا أنت جئت بحلة رائعة يستاهل شاعرنا القدير أبو عمر’’’’’ فهو شاعر فحل بمعنى الكلمة تقبل مروري أبو الخليل المعمري |
السلام عليكم ورحمة الله وبركاته ناصر الهاشمي .. لا تعليق لدي سوى أنك قادرٌ على اقتناص الشعر وناصر الغيلاني يستحق .. رعاكما المولى .. |
بيض الله وجهك يا الهاشمي
ما عليك زووود صح الله لسانك يــا بـو عمر والشكــر تزحم اصفـوفــه تعجـز قـوافـي شكرنـــا والتـــــواصيف يكفي فخــر مـــن يعشق الشي يـــوفــه وانته عشقت السيف واختــارك السيف يستاهل بو عمر كل التقدير... |
أستاذي ناصر الهاشمي صح السانك ولاهنت ماعليك زود أتقنت العزف يستاهل شاعر العرب بياض الوجه عليه |
السلام عليكم ورحمة الله وبركاته..
اخي القدير واستاذي الراقي بو حماد،بك اهلا سيدي وحضور جميل بجمال قلبك ايها الاصيل ودومك وفيّ طال عمرك وهذا الكرم ليس بغريب كتبت في شاعر العرب ناصر الغيلاني،بو عمر وهو جدير بذلك الفوز وتحتفي به السلطنه من اقصاها الى اقصاها كان حضوره مشرف ومثل سلطنة الحب خير تمثيل، شاعر خلوق مثالي يستحق هذا الاحتفاء واكثر قصيده غنيه بالشعور الصادق وابياتها متميزه ومعانيها راقيه بارك الله اوقاتك واسعدك بأذنه، احترامي وتقديري |
الاستاذ/ناصر
السلام عليكم ورحمه الله سلم قلمك ومشاعرك الدافئه مع التقدير والاحترام |
شاعرنا المتألق ناصر الهاشمي صح السانك ولاهنت أبيات طيبه وأسلوب رائع في إنتقاء الكلمات يستحق بكل جداره شارنا المتألق ناصر الغيلاني ... دمت على خير أيها الفذ |
يستاهل الشاعر ناصر الغيلاني
والله يدومه ويعز مقدارة وما عليك زود يالشيخ أبدعت في هذه القصيدة وما هي غريبة عليك |
اقتباس:
هلا وغلا يا ابا الخليل العافية ملبوسك وشكرا على المرور وابو عمر اكبر من النص // تحياتي بود نااصر |
الساعة الآن 02:49 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir