|
علمني .. كيف انساك .. و أوعدّك بنساك !
علمني .. كيف انساك .. و أوعدّك بنساك ! علمني .. كيف الشوق .. أعطيه ظهري ..؟ علمني .. كيف اذبل .. كمـا ورد .. ذكراك واهذي .. علـى اطلالك .. وموال / هجري علمني .. كيف ارّوى .. وانا حيل / أضماك واحفرّ لـ / عشقك قبر مـا بين .. صدري واحرق .. شراع الوصل .. في شط مرساك وافطم حنيني .. في [ دموعه .. و قهري ] [ بقلع عيوني ] .. لو تبي .. دام / رؤياك حرّمتها .. واحرق من .. [ الشعر شِعري ] كان .. [ الجنون ] .. اخر دروبي .. بلقياك واخر .. / محطاتـي .. [ واحلام عمري ] ما شفت مثلك .. في القسا [ آه ] ما قساك [ و الظلم ] / .. بعروقك مع .. الدم يجري والشك .. في كاسه .. مع الوهم .. اسقاك وانا .. [ شربت / الكاس ] من مُرَّ صبري ما زلت أحبك .. وأعشقك حيل .. وأهواك لـ / اليوم طيفك .. يمتزج بين .. حبري ! دام النقا .. من [ وجّنة الشمس ] .. أهداك دام القمر .. سمّاك .. في الناس [ قُمري ] دام [ الوفـا ] .. في بُردته .. يوم أعطاك شِقَّ الحنايا .. وافتح [ الموت ] .. عَبري كلي أنا .. يـا حلو / الاوصاف .. نفداك ! [ مهما تسوي ] / .. لك أهازيج .. شكري دام الحشا .. يـآ [ هاجري ] صار مرعاك ما همني .. لو تفرشه .. [ شوك جمري ] [ خذني يمينك ] .. أو تخذني بـ / يسراك العذر خالك ..[ و القسـا ] صار / صهري سجني .. بنيته من .. قَصيّك لـ / أقصاك واليوم .. [ حبك ] .. وينه ؟ بس مدري ! هذا أنا .. في صوب .. سهمك / ومرماك صَوّب .. وربي بـ / بتسم لك بـ / ثغري [ مسموح ] .. سوي ما تبي .. دام فرقاك شَلّت بـ / نعشي والتوت .. حول خصري بـ / أقول موتي .. يـ / الظنا حيل يهناك لكن .. [ أمانه ] .. ضمنـي قبل / تسري [ ودّع عيوني ] .. قبل ترحل بـ / ممشاك واكتب حروفي .. فوق / [ جدران / قبري ] خلـي [ وداعي ] .. مثلما الفجر / يغشاك دامي [ عريس العشق ] فـ / الموت مهري بقلم اخوكم ميلاد اليماني |
قصيدة جميلة أخي ميلاد
امتلئت بالعاطفة والاحاسيس المرهفة اشكرك جدا عليها فقط ملاحظة بسيطة هنا في هذا البيت وبالتحجديد ف الشطر الثاني : سجني .. بنيته من .. قَصيّك لـ / أقصاك واليوم .. [ حبك ] .. وينه ؟ بس مدري ! لم استطع قرائتها موزونة \\ شكرا لك وتقبل مروري |
ما شفت مثلك
ما شفت مثلك في القسا (آه) ما قساك (والظلم) بعروقك مع الدم يجري اخي ميلاد اهلا بك نص فيه الكثير من الجمال وعتاب يريح النفس تقبل مروري |
هذا النص رااااااااائع !سلاسه واتقان ولعب بالمفردة.. ياخي أنت عجيب↳
صديقي حمود ناقصه [هو ]بعد [وين] يبدو |
اولا اشكركم من الاعماق
على تواجدكم الذي اتشرف به هنا فشكرا لكم يا عطر الحروف ودمتم بكل خير اما بالنسبة للبيت سجني .. بنيته من .. قَصيّك لـ / أقصاك واليوم .. [ حبك ] .. وينه ؟ بس مدري ! ,,, وينه = وين هو بالحركات لا بالحروف طبعا وننطقها بنفس المخارج .. دمتم ودامت قلوبكم بصفائها تحياتي |
الله الله عليك
شعر وجزاله وأتقان ف الصور القصيده عجيبه أنها تحلق في الأفق بالتوفيق شاعرنا وشرفتنا بتواجدك سوف ننتظرك دائما |
نص جميل
علمني كيف انساك .. واوعدك بنساك ميلاد اليماني صح لسانك |
جميل الشكر لكم
ودمتم بعطر الجمال تحياتي |
أخي العزيز ميلاد اليماني السلام عليكم ورحمة الله وبركاته صح السانك ولاهنت أبيات جميله واصل التألق معنا فنحن بإنتظار جديدك |
| الساعة الآن 02:03 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir