منتديات السلطنة الأدبية - --__--- مــــــراسيـــ الافكــــــــــــــــار ----

مراسي الأفكار
هيثم المسلمي

احترق يافكر وشبي هالليلة نار
وأعتلي بلهب حسرتي ف الطبايق
جيت أرسي ع مرسى يضم أفكار
والعقل مشلول والقلب ينز ضايق
مالقيت مرسى ولا علوم ولا دار
كن الذكريات صارت أشباح الرفايق
هايم ومتوله وحزني بدا أسفار
أجبر النفس تتحمل كثر المطايق
مسافر ياوطن تارك ٍ أوراق وأعذار
هذا اللي ورثته عساك به طايق
اسابق صدى صوتي مهزوم بخسار
ركوبتي فكرة وأنا لها اليوم سايق
مرة تغلفني بوشاح الظلم وأحتار
ومرة تلمع في عقلي لمع البرايق
تتعب اللحظات يعاندها ضحك الأقدار
ثوانيها مأسي ومأسيها حقايق
ويطول السفر ياروح بطول الابحار
والفكر ف أعماق السفر غرايق
وين أروح ماعارفت يميني من يسار
والخطاوي تاهت في لعبة فرايق
سنين ٍ جضيتها بحضنك مثل الصغار
تعلمت ع ترابك كيف أحكم عشايق
واليوم راحل والحنين يتعب وينهار
يواسي الروح مايلقى منها نطايق
فكرة الغربة روادتني بغربة أطوار
انهزمت خارت بي من قوها خقايق
أعترف اني موادع تربة الأخيار
بس دعيت للي بقدرته ع النفس فايق
أمانة ياوطن لاترتكب بحقي انكار
حتى ولو لريحتك أمسيت بايق